بسم الله الرحمن الرحيم
أحمد الله الوهاب أن رزقت بطفلي الثاني جعله الله حافظاً لكتابه قرة عين لي ولوالده أنا حبيت أذكر لكم قصة ولادتي لسببين السبب الأول هو كثير من البنات يبحثون عن مستشفى غدران قبل الولادة وعن الطبيبات ومستوى الخدمة فيه لكن للأسف المعلومات قليلة جدا في محرك البحث أو غي كافيه أو بعضهم تكتب من خلال تجارب غيرها وهذا شئ واجهته انا شخصيا في ولادتي الأولى وفي ولادتي الثانية أيضاً
السبب الثاني أبي أوضح ملابسات قريتها كثير عن الغرز وإلتهابها وعن الخياطة التجميلية والولادة بعدها وأسأل الله أن ينفع بما سأكتب ..
أنا وصلت لنهاية الأسبوع التاسع والثلاثون من حملي وقمت بمراجعة المستشفى عند الدكتورة رجاء فتحي عملت سونار وقالت لي عندك بوادر طلق واشارت علي بالفحص حتى نعرف كم فتح الرحم لكني رفضت القيام بأي تحفيز للرحم قبل أن أشعر بعلامات الطلق القوية والمعتادة وطبعا لماررجعت البيت بديت أستعد للولادة وكل يوم أقول حولد اليوم او بكرة بالكثير وجلست على هالحال خمسة أيام آلام في اسفل البطن وفي الظهر مؤلمة ولاتطاق ولكنها غير منتظمة لحد ماجا ني الفرج أخيرا وجاني الطلق في ساعات متاخرة في الليل بدأ خفيف رحت حاولت أنام وأريح قبل مايشتد وطبعا صحيت الساعة سبعة الصباح والآلام لازالت حاولت أمشي تقريباً ثلث ساعة وأفطرت فطور خفيف جداً وبعدكذا الآلام كانت تزيد جداً حاولت أستلقي فترة العصر وأكلت تمر ولبن عشان أمد نفسي بالطاقة قبل الولادة وعلى الساعة ستة جلست أمشي وفي وقت الطلق القوي أريح لما صارت الساعة سبع ماعد أتحمل رحت المستشفى وفحصتني الدكتورة رجاء كان الرحم مفتوح سبعة سم ولله الحمد طبعا الفحص يؤلم شوي خاصة لما تكون الوحدة متوترة وتحس أنو خلاص وقت الولادة جاها قلت لي خلاص ولادة ونزلت مع ممرضة الدور طبعاً درج مو أصنصير لقسم الولادة وهذي بدورها سلمتني لممرضة التوليد ربيكا طبعا وصلتني لغرفة الراحة وسلمتني اللباس الخاص بالولادة واستلمت مني ملابسي وحطت الجهاز على بطني عشان يقيس الطلق طبعا الألم كل ماله في زيادة وبعد كذا ركبوا لي السيروم في يدي والحمدلله ماراماحسيت فيه مثل المرة الأولى ركبته بسرعة وبعدكذا أعطتني مسكن عن طريقه بعد كذاأعطوني مادة للتخلص من الفضلات وانتوا بكرامة بعدها تحسي انو تبي الحمام لكن مع قوة الطلق كنت أحس كل حاجا صعبة والله يسعد الممرضة مارا كانت كويسة معاي وتساعدني وتهديني الله يساعدها مثل ماساعدتني طبعا مع قوة الطلق كانت تعطيني مسكن وكمان سائل عشان الغثيان بعدين سوت لي فحص مارا كنت أتوجع والحمدلله وقتها الرحم مفتوح تسعة سم قالت لي لسى واحد وتروحي الولادة وطبعا خفت مارا وماصرت قادرة اتحمل الم الطلقات اعطتني اكسجين كنت آخذه رغنا ني احسه يتعبني شوي بعد كذا جات الدكتورة فحصت وقالت حفك الموية وانا جلست اصرخ طبعا اعرف غلط بس ماصرت طايقة الالم وكمان افتكرت ولادتي الاولى اتوجعت بعد الموية وفكت لي هيا بس ماحسيت فيها كثير بعدها نقلوني غرفة الولادة وصلت مهدود حيلي وفمي ناشف ابي موية بس رفضوا قالوا مايصير طبعا الممرضات مارا كانوا كويسات وحاولوا يساعدوني اتنفس بس ماكنت قادرة ابدا
وجينا لاصعب لحظة الدفع لما تجيكي الطلقة ادفعي ياااالله اصعب شي حسيتوو لانو مااقدر آخذ نفسي صح وقت الدفع والممرضات يحاولون فيني وانا مرات أحاول ومرات أصرخ خاصة اللحظات اللي الدكتورة تساعدني فيها من جد متعبة جدا بعد كذا محاولة جاء طبيب التخدير وطبعا انا رافضة إبرة الظهر من أول والدكتورة تقول لوأخذتيها ماحسيتي بالآلام هذي كلها بس خلاص وقتها كل ذا ماعاد ينفع طبعا خدروني وريد بعدين الكمامة وبعدها ماحسيت إلاهما ينقلوني لغرفة الملاحظة طبعا فكرت أنو لسى ماولدت لأن اللآلام جدا قوية كأنها آلام طلق جابوا ليا النونو عشان أصدق وأعطوني مسكنات وقاسوا الضغط وعلاماتي الحيوية بعد نصف ساعة تقريبا طلعوني غرفتي الخاصة وغيروا ليا الممرضات وجابوا عشاء بس الىلام جدا قوية بعد كذا جات ممرضة الدور ولما شافت حالتي قالت مانقدر نعطيك مسكنات أكثرلازم نسأل دكتورتك .. والحمدلله ربع ساعة أعطوني إبرة مورفين في العضل وقالت حتصيري أحسن كمان بعد ساعتين لمايجوا ينزعوا الشاش من مكان خروج الطفل وفعلا بعد كم ساعة طلبوا مني آخذ نفس عميق مثل الفحص النسائي تماما وسحبوا قطعة الشاش طبعا ألم لاااايطااااق وقتها بس بعدين الحمدلله إرتحت من الآلام هذيك الليلة ..طبعا مستوى نظافة حلو وإهتمام من الممرضات رائع .. والدكتورة طيبة وماعليها بس مشكلتها عفشة شوية وقت الفحص والتوليد ..والتيسير أولاً وأخيراً من الله عز وجل والطبيبة والممرضات مجرد أسباب ولله الحمد ..
بالنسبة للغرز الامور تمام بس في الايام الثالث والرابع كانت الآلام شديدة لدرجة ماأقدر أحط رجلي بالأرض راجعت المستشفى صرفوا ليا مخدر وجل غير الغسول والمرهم وانا في المستشفى وحسيت الآلام تخف تدريجيا وبعد أسبوع راجعت الطبيبة قالت كل شي تمام وفي اليوم الخامس والعشرين راجعت مستشفى آخرعشان أطمن على وضع الغرز لأن الغرزة الخارجية كانت تسبب ليا حرقة وينزل منها بضع نقاط دم قالت لي الدكتورة كل شي تمام والغرز ممكن تجلس كمان شهر الوضع عادي .. بس أنا ماتطمن أبد ورحت لدكتورة ثانية وطمنتني وقالت لي الوضع اكثر من تمام والخياطة جدا رائعة لكن هيا مشتغلتها بأمانة طبعا هيا خياطة تجميلية وشد للمهبل في نفس الوقت لانو كان متوسع بسبب رأس الطفلة في ولادتي السابقة وأخبرتني الطبيبة ان الولادة بعد هذه الخياطة طبيعية ومش مثل مايتداولونه النساء في المنتديات بأنها قيصرية ..
المستشفى رائع والطبيبة جيدة جداً وأحمد الله الذي من علي ورزقني نعمة أطفالي وعقبال كل من تنتظر لحظة فرج ان ترزق بها ومن حرمت أن يرزقها الله وذلك ليس على الله ببعيد ..
كل ماأريده دعوة خالصة لي ولأطفالي بالصلاح والعافية ..