اللي جربت القيصرية مرة أو اكثر من مرة تدخل وتجاوبني الله يفرج همها

[توفيآ]

صباح الخير خواتي الغاليات ابي اسألكم عن العمليه القيصريه في بعضهم يفتحون بطنهم على جنب وفي بالنصف وش الحكمة ؟.. انا عمليتي بالنصف .. وعندي سؤال ثاني انا الآن حامل وبين العملية السابقة سنة ونصف وقالي استشاري جراحة ان في قاعدة تقول أن العمليه بعدها عمليه الا عندنا مايطبقونها .. وشرايكم ؟؟؟ وكمان قالي المفروض اللي تعمل قيصريه فقط قيصرتين قلت ليش هل الجسم مايتحمل قال رحم المرأه بعد الولادة ينقبض ويكبر وينكمش فهتوني الا القيصريه تموت هذي الوظيفة ؟؟؟ وشرايكم انا افضل لاولدت قيصري اني أجيب 5 وبينهم فترات متباعدة بس خايفه من كلام الدكتور؟؟؟؟؟؟؟؟؟ اتمنى المجربات اكثر من قيصريه يفيدونا؟ والله يعطيكم العافيه

[مامة عبود]

ربي يتمملك وتقومين بالسلامه



اعرف وحده من قرايبي ماشاء الله تبارك الله عندها سته قيصري وسمعت يفتحون نفس العمليه الاولى




والحمدلله سته وبس الحكمه من مايتعدون سته خمسه عشان صحت الام فقط


انتي روحي غير هالدكتور عشان تطمنين ومو شرط ولدتي اول واحد قيصري الثاني لاازم يكون قيصري


انتي وسبب ولادتك المره الاولى




وربي يسهل عليك ياقمر

[مسلمة انا]

ربنا يكملك على خير غاليتي
ومو شرط اول ولادة قيصري تكون الثانية ايضا قيصري
وحتى لو كانت قيصرية مافي مشكلة تقدرين تجيبين قيصري 5 او 6 مرات
انا ولدت قيصري 4 مرات وربنا يسهلي الخامسة والحمد لله كلو تمام
وقريبتي سوت 6 قيصريات وماشاء الله عليها وكمان زوجها يريد اولاد ثاني وربنا ييسر لها
لاتفكري بالموضوع غيري الدكتور ومافيكي الا العافية يارب

[ام حمودي_]

لا ياقلبي مو شرط الاولى قيصري الثانيه تكون قيصري الا اذا كان سبب العمليه الاولى ضيق في الحوض عندك فطبيعي تكون الثانيه قيصري اما اذا كان السبب من الطفل لا تكون الثانيه طبيعي ان شاء الله اذا ربي سهل

واللي اعرفه انو تقدري تجيبي 6 بنت عمتي ماشاء الله عليها جابت 6 وكلهم قيصري واحيان كانت تحمل على الاربعين بس تعذبت المسكينه وهي عمرها صغير وفعلا كانت اغلب عملياتها مو نفس الجرح ينفتح كل مره يفتحو في مكان جديد عشان هي ماتتحمل واخر قيصري شالو لها الرحم معاها لانها خلاص معد تقدر وهي ماوصل عمرها 25

الله يسهل لك ويسهل لي وللجميع يارب

[سندا]

انا استوقفتني جملة "رحم المرأه بعد الولادة ينقبض ويكبر وينكمش فهتوني الا القيصريه تموت هذي الوظيفة!!!"

ليه يعني ؟ الشق يصير بالبطن والرحم ماله علاقه ..

انا هذا حملي الثاني واتمنى يكون طبيعي والله يكتبلنا اللي فيه خير لنا ولاجنتنا ..
واما سالفة عدد مرات الحمل دكتوري طمني وقال المراة قادرة انها تولد للمرة السابعة قيصري

بس بنت عمتك يا ام حمودي مرررة صغيرة وبدري عليها البهدلة دي الله يكون بعونها وربي يبارك في ذريتها

[زوجى حياتى*]

ليه يعني ؟ الشق يصير بالبطن والرحم ماله علاقه ..

طب وازاى يطلعوا الجنين؟؟؟

الرحم بيتفتح ويطلعوا الجنين وبعدين يخيطوه

[توفيآ]

مشكورات خواتي عالردود .. سندا وزوجي حياتي اقصد ان الطبيعي بعد الولادة اذا ربطت بطنها وشدته يرجع رحمها للحجم الطبيعي وينكمش اما القيصريه عشانه مخيط ماعاد ينقبض وينكمش يقولي هالوظيفه تموت اقصد حركه الرحم بعد كل ولاده اتمنى فهمتي .. والله يعين عالكرشة اللي تطلع عقب القيصرية