السلام عليكم ورحمة الله وبركاته
اااه يابنات والله تعبت نفسيا خلاااااص ماني قادره استحملوا انا في مدينة وهوا في مدينة بسبب دراستي وجيت عندو اجازة أسبوعين
عذبني والله مو قادره استحملو الاسبوع الاول يقابل اصحابو واخرج معاه اللا يستفزني وانا حامل في الشهر التالت
اول مره بدأ يضربني جا قبل شهر نفس مدينتي سوا عمليه والله ماقصرت معاه المهم في يوم جا اخدني من الجامعه وانا البس عبايه على الراس واغطي عيوني ادا نزلت وفي السيارة ما اغطي نقاب قاعد يحاسبني على الوسع اللي بعد العين ييغاني اشد الطرحه الين عيوني سرت اقلو ايش تبغى وانا اسوي سار يضربني على كتفي ويقول ياحيوانه ياحقيره غطي عيونك ياكلبه المهم رجعني الجامعه على طول واستشرت بنت متزوجه لها خمسه سنوات قالتلي سامحيه هادي المره
وجلس يعتذر طول الطريق ويبوس راسي انها من غيرتو عليا مشيتها
قبل اسبوع جلس يتكلم معايا في موضوع الدراسه وهوا عارف انا ماليا نقل ناداني وجلسني جنبو يقولي تعيدي ترم عشان ي اول مرا قلتلو لا
تاني مرا قلتلو انا اصلا ماليا ليش تقول دا الكلام المهم طول مايتكلم وهوا يعصر في يديني وبعد ماخلص كلام مسكني من كتفي ودفني من فوق السرير قلي الله ياخدك ياحقيرا
هددتو اني راح اشتكي لابويا ابويا يكرهههو قلي لو جيتي تشتكي منو مالك حل عندي الا الطلاق
قبل امس انا جوعانه من الصباح سيبتو ينام الين العصر طلبت منو بيتزا هت جاب اصغر حجم ومكرونة اكلت قطعتين وقلتلو جبلي اكل قلي بعد صلاه المغرب راح ورجع ماجاب شي صلي عشا وماجاب شي قلتلو انا جيعانه روح اشتريلي قلي بين الشوطين كان يتفرج على مباره وجلس يترقص ويسوي تمارين وانا عصبت مسكت الريموت ابغى اقفلو طلع فوقي وعض اذني اديتو وقمتت طبخت ليا اندومي وجلس يتكلم عليا قلتلو والله لاطفي التلفزون قلي شوفي اما ضربتك وصفقتك وانا هنا بكيت قلتلو والله لاقول لابويا عليك لاجيب رجال تتكلم قدامهم المهم خرج من البيت ورجع اعتذر وخلاني اعضو ومشيتها
امس خرجنا البحر ماسك جوالو طول الوقت قلتلو بس سيبو احنا خارجين نتمشى مايرد اكلمو تاني قالي اخر فديو المهم قلتلو خد راحتك انا جوي لحالي طبعا انقهر جلس يوريني مقاطع وانا ما اطل فيه قام من عندي وجا جلس شويا وقلي يا الله على البيت قمت عشان يسكر الكرسي قلي بلا سماجه وامسكي الكرسي قلتلو مافي اسمج منك سار يغني تعلميني الادب ياقليلة الادب مشيت وسيبتو وصل عندي قلي امشي جنبي لاضربك واصفقك عاد انا ماسكت طولت لساني وانا ما اكلمو دحين
المهم اول شي انا عاملت زوجي بالسكوت ماينفع معاه لانو قليل ادب ومايحترم احد تاني شي اشتكي لمين عليه لابوه ولا لابويا اللي راح يذلو تعبت والله ادمرت نفسيتي سرت اكرههو والله ما اطيقه احتاج دعاكمم وحلول