خلطه للحمل بإذن الله

[احاسيس مبدعه]

السلام عليكم ورحمة الله وبركاته ...

انا اول مره اشترك بهالمنتدى بس حبيت ادخل عشان افيدكم بهالوصفه اللي ابد مارح تندمون انكم استخدمتوها لانها من جد شي عجيب ... ويبيلها يقين وصبر وانك توكلين امرك لرب العالمين ..
يعني مو تقولين بسويها اذا نفعت زين واذا مانفعت ماضرت ... لاااااا ابيك تكوني متأكده انها رح تنفعك
وان الله وحده هو الشافي المعافي ... وحتى لو ماصار حمل على طول رح تلاقي تغيرات في حياتك وجسمك غريبه ..... هي سهله وببداها معاكم خطوه خطوه ... وماارتجي منكم غير الدعاء لي بالشفاء والسعاده وان ربي يتوب علي ويغفرلي ويسعدني مع زوجي ....

اول شي بقولكم سالفتي ...

انا الحمد لله عندي عيال ولد وبنتين بس بعد بنتي الاخيره ماحملت واذا حملت اسقط على طول مااخذ شهر ونص مايمديه يمسك .... الحين بنتي عمرها 7 سنوات وانا مستغربه من وضعي رحت للمستشفى قالت لي الدكتوره مافيك شي ... ورحت لثانيه وثالثه نفس الكلام .... ماخليت احسن الدكاتره الا رحت بس مافي فايده كلهم يقولون مافيك اي شي يمنع الحمل حتى مقويات مانقدر نعطيك لان انتي اصلا بعض المرات تنزل معاك بويضيتين حتى كلوميد ماعطوني ....

رحت لوحده تمرخ معروفه عندنا ... وعانيت معاها لانها اول شي قالت معك تابعه واستمريت بالتمريخ بغيت اموت من الالم الين راحت التابعه وماااااااازلت مااحمل ....!!!!!!!

بكيت انهرت قلت يمكن هذي عقوبه صار ابليس يوسوسلي اليييييين رمضان اللي فات سبحان الله جاني يقين من الله ان اللي معي خيره وان ربي يبيلي الخير وان اكيد ان ربي يمتحني .... قوى ايماني وقوى عزمي وجاتني الدوره عادي مو مثل اول اتضايق بالعكس قلت الحمد لله وانا مبتسمه ومرتاحه ...

في شوال قابلت وحده وبالصدفه وعرفت اني ابي احمل فقالت لي وصفه وحسيت انها زينه فقلت بجربها ومن خلال الكلام عرفت ان في اكثر من وحده حملت بسبب هالوصفه بعد رب العالمين .. والمصيبه كلهم في العيله بس ماكانوا يدرون اني ابي احمل يحسبوني ابي ارتاح كم سنه ...

وحده صار لها 14 سنه ماحملت واستخدمتها بس شهرين وحملت بتوم
والثانيه جابت بنت وجلست 11 سنه واستخدمتها وحملت
والثالثه استخدمتها في البدايه صارت تحس باعراض غريبه طلع معاها نفس وعين واشوى طابت وحملت
ورابعه استخدمتها وطلع معاها سحر وطابت وحملت

فقررت اتوكل على الله واستخدمها ....
والله العظيم اني من اول مره حسيت بدوخه موطبيعيه بغيت اموت قلبي من قوة الخفقان احسه بيوقف والم في المبايض وغثيان ... اول شي قلت مارح اتسخدمها مره ثانيه بعدين تعوذت من ابليس وقلت باستمر وفعلا استمريت وثاني ليله نفس الشي المهم لمن جت الدوره وقفتها وبعد الدوره كملت والحمد لله جابت نتيجه ... وانا الحين حامل .... والله يتمم علي يارب ...
وطبعا في الحمل توقفونها ....


الحين بكتب لكم الوصفه بس ركزوا معاي شوي تكفون ....تراها سهله بس يبيلها دقه

اول شي واهم شي ... تحطين جنب سريرك علبه فيها حبه سوده ( حبة البركه ) ولازم تكون جنب السرير عشان كل ماجيتي تنامين تشوفينها وماتنسينها لانها لاااااازم كل يوم مو تتكيسلين ...
قبل النوم اتوضي وضوء عادي وضوئك للصلاة وخذي بس 7 حبات من حبة البركه 7 بالضبط لاتزيد ولاتنقص وتبدين باول حبه ..... تقولين

..... ((( بسم الله والحمد لله ))) وتحطين الحبه في فمك وتبلعينها وتدعين الدعاء اللي تبينه مثلا بالحمل والخلقه السليمه او بتوم وان الله يطرحلك البركه فيهم وبالشفاء ... ادعي اللللللي تبين ...
بعدين تحطين في فمك ثاني حبه ونفس الشي تقولين ((( بسم الله والحمد لله ))) وتبلعينها وتدعين ..
ونفس الشي الين تخلصينهم كلهم ... خلي جنبك كاس مويه انا استخدمت زمزم اذا حسيتي ان الحبات ماانبلعوا خذي شوي مويه المهم اذا بلعتي الحبات كلهم اشربي نص كاس مويه او كاس اللي تبين وعلى طول انسدحي ونامي ....

ترا الوصفه سهله .... وانا ماخليت وصفه غاليه ورخيصه مااستخدمتها بس مانفع معاي الا هالوصفه

ادعولي تكفون والله اني ماابي منكم الا الدعاء وانا بس مااشتركت الا عشان افيدكم وانزل تجربتي وبروح لمنتديات ثانيه وانزل نفس الموضوع ابي الكل يستفيد ويفرح مثل مافرحت منقووووووووووووول ))

[النوارس]

شكرا حبيبتي الله يوفقج ويسعدك مع زوجك انشاءالله اجربه

[وسيمو محمد]

سبحان الله وصفة جدددددد سهلة
الله يثبت حملك ويرزقنا الذرية الصالحة آآآ مييييييييييييييين

[البستان]

مشكوره اختي الله ايتمم عليك حملك
بس متى ابدي بالحبه السوده انا اليوم السابع من بداية الدوره واتمنى الحمل
واذا بديت متى اوقفها وجزاك الله خير

[عواش]

يعطيك العافيه علئ الوصفه وان شاءالله اجربها . بس متى ابدا ومتى اوقف

[ثابتةعلى قيمي]

الله يجزاك خخير ...وانا اقول غريبه مانفعت معي كنت طاحنتها وحاطتها في
قارورة مويه واشرب منها اذا عطشت ...المهم..خيتي...

متى نبدا فيها ويعني نقول بسم الله والحمدلله قبل اكلها يعني مانقول بعد اكلها
الحمدلله ... وانتي اش كنتي تدعي الله يجزاك خير....
يارب يفتحلك ابواب الجنه ....وتدخلين من اي باب شئتي...

[قمه العطاء]

الله يعطيك العافيه
سمعت عنها هالوصفه
وان شاء الله ربي يرزقنا بالذريه الصالحه

[قدوتي عائشه]

طيب امتي نبدا في اخذ الوصفة؟

[ام وليد2005]

يعطيك العافيه علئ الوصفه وان شاءالله اجربها الله يتمم لك حملك على خير يارب وعقبالنا يارب يا كريم

[شموخي بديني]

الله يجزاك الجنه اختي

الحبه السوده مفيده جدا وبأذن الله وحده بيصير حمل من وراها

الحمدلله على كل حال بجربها بأذن الله

الله يعطيك ما تتمنين اختي وزود يارب
ويتمم لك حملك على خير .. ويرزقك بالطفل السليم المعافى يارب

ويهنيك بحياتك ويسعدك ويجعلك من المتقين الصالحين

اللهم اامين

ربي يحفظك من كل سوء