اخواتي هل هناك ضرورة للخياطة التجميلية

[جالكسيoo]

السلام عليكم
اول شي ابشركم ولدت يوم الخميس 8/11
انا وقت الدفع عملو لي توسعة وبعد الولادة خيطو مكان التوسعة فقط
ماعندي خبرة بهالامور وخايفه اكون وسيعة مرره وقابلت وحدة قالت زوجك اذا ماسويتي خياطة بيتزوج غيرك لانك بتكوني وسيعة مررررره والله انا هاليومين اللي فاتت كنت اكل خلطات للنفاس ومن سمعت هذا الكلام ضاقت فيني الدنيا وتركت ربط بطني وصرت مااكل ولا اشرب وبس ابكي واقول زوجي بيتركني حتى بنتي اللي كنت طايرة من الفرح فيها صرت مااهتم لها
وش رايكم يابنات اسوي خياطة ثانية ولا ايش ؟!!!
والله محتارة مع اني ولدت بمستشفى اهلي واللي خيطتني قابله وقلت للدكتورة من بكرة لما جت تشيك علي اني اذا محتاجة زيادة خياطه ابغى تسوي لي قالت بعدين بموعدك نشوف قصدها قبل مااطلع من النفاس بعشرة ايام
الله يهون على كل حامل ويرزق كل متأخرة ويساعد كل نفوسة ترد علي
مالي غيركم يااخوات *

[غلانا]

انا بكريه ولسى حامل ولا عندي فكره

[ام سلطان!]

والله مااعرف ياقلبي
انا بكرريه،،
بس الي اسمع انوو اذا تحتاجي تجميل يسوولك بدون ماتطلبي
والدكتوره اخبر واذا رحتي للموعد اسأليها
ولازممم تاكلين زين عشان تطيب جراحتك وترجعين نفس قبل..

بس البكريه تحتاج تجميل..؟*

[جالكسيoo]

مشكورين على الرد يااخوات
انتظر البقية

[عيش الحياة]

ان شاء اله ما تحتاجي

اللي اعرفو اللي تحتاجها اللي ولدت اطفال من خمسه وفوق

وسبحان الله هذه المنطقه ترجع تضيق بقدرة الله حتى اللي تلاقيها طولت وماحملت اربع سنين او سبعه سنين تحس نفسها ضاقت

وان شاء الله المودة والمحبه تعمي كل الاشياء الثانويه

واهم شي الزوجة تكون واثقه من نفسها والله الزوج ما يحس بتغير

[حامل شيك]

الحمد لله ع سلامتك وسلامة البنوته
البكريه ماتحتاج تجميل أبدآ بالعكس أهتمامك واكلك بالنفاس هو اللي بيرجعك طبيعيه
اهم شي منطقة التوسيع خيطوها
وخليك وااااااااااثقه حتى لاتلمحي لزوجك بشي ولاتسأليه حتى بعدين اذا حاس بتغيير ولا لا
أرجعي أهتمي بنفسك وأفرحي ببنوتتك والله يكتب لك الخيرر

[( أم التوأم )]

لالالالا تطمني حبيبتي انا بكريه مثلك وتوي والده من شهرين وكنت مثلك
مرعووووبه والله قبل الولاده سئلت واتفقت حتى مع طبيبه بخاص

ويوم انفكت غرزة رحت جري لدكتوره وقلت خيطيها وبالمره خيطيني قالت
مايحتاج راح تلتأم من نفسها بس حافظي على الاكل والفيتامينات وماتحتاجين تجميليه لانك بكريه ولاحتى بالثاني وكنت اتهرب من زوجي من التفكير اسبوعين لين عدت اول مره ولله الحمد
طلعت ماأحتاج فعلا الحمدلله
لان العضله تنشد وترجع لطبيعتها وبعد مايمر 60 يوم ابدأي تمارين كيجل لوحبيتي

كنت اقرأ هنا وبمنتديات كثير ان البكريه ماتحتاج بس ماكنت اصدق حتى صديقتي
قالت لي بس ماصدقتها لين جربت بنفسي ههههه
هذا رعب البكريات دااااااااااايم وتقريبا اكثر سؤال يطرحونه ويخوفهم

تطمني حبيبتي وانبسطي ببنوتتك وحافظي على نظافة الجرح لين يلتأم شوفي طريقتي كتبتها هنا وراح تطلعين الاربعين وتدعين لي

[مامت عبودي]

الصراحه انا سوتلي خياطه تجميليه لانها ترجع الحرمه كانها بنت

الافضل راجعي الدكتوره وفاتحيها في الموضوع

[جالكسيoo]

جزاكم الله خير يااخوات
انا مو بكرية انا هذا ثاني طفل وانا ماابغى ارجع زي لما كنت بنت لاني تبهذلت وانا عروس ابي ارجع زي بعد ولادتي الاولى
الله يسعدكم انا براجع عند دكتورتي بعد اسبوعين وبشوف ايش بتقول

[ملكتني بهمسك]

جلكسي يا الغاليه كلام البنات كله صح واعتقد انك ماتحتاجيها اذا اهتمتي باكلك وحافظي على جسمك واربطي بطنك واهتمي بشعرك وباذن الله ترجعين عروس وانا ماسويت التجميلي الا بعد الطفل الثالث >> بالله ايش فايده ضيقه وكرشك كبير وجسمك وشعرك حالتها حاله ترى الرجال ينغروون بنظر يعني شوفيهم لاجلسو قدام التلفزيون كيف يطالعون النجمات ( نصيحه من اخت العمليه انشاءالله منتي محتاجتها كلي كويس واهتمي بصحتك وجسمك وافرحي بكتكوته ولاتبينين شي للرجال وممكن تحتاجيها بعد الطفل الثالث لك )
وشوفي الدكتوره اكيد هي بتقولك الشي المناسب لك ومع ذلك اكلك وجسمك وبنتك لاتهمليهم نصيحه من اخت لك