بسم الله الرحمن الرحيم
الحمدلله الذي بنعمته تتم الصالحات ..
كيفكوووون صبايا ( حوامل و نفوسات ) يا رب الكل منيح ، سوري مررررره تأخرت عليكم
في كتابة احلى قصه لأي ام اسأل الله ان لا يحرم اي وحده هاذي اللحظه ..
يلا نبدأ بسم الله بسرد الحكايه ...
يوم السبت بتاريخ 20/11 بدأ الطلق معايه على الساعه 9 ونص الليل و ما كنت اعرف انو طلق
لأنو ماسك ظهري و شويه احس بضغط تحت كلمت اختي اسألها و اكدت انو طلق 😰 المهم زوجي
كان برا البيت و انا من الخوف ما كلمته قلت اصبر حتى يشتد الالم بس للاسف قروشوني اخواتي 😠
كانوا خايفين عليا روحي يابنت المستشفى لا تولدي في البيت ، كلمت ماما و خاصمتني اتصلت على زوجي
و قالت دلال تعبانه المسكين جاء طيران اخذت اولادي و الشغاله نزلتهم اهلي و استودعتهم الله وانا ابكي 😭
انطلقنا على المستشفى وصلت الساعه 11 و نص و دخلت غرفة الولاده و حطوا جهاز الطلق و النبضات جات
كشفت الدكتوره قالت عندك طلق بس بارد و الرحم فتح 3 سم والرحم لسى سميك 😳 روحي البيت او امشي
اذا زاد الالم تعالي ، رجعت البيت و امشي الليل كله و الالم كله في ظهري ع الساعه 6 الفجر رحت بيت اهلي
منها عشان اولادي رايحين المدرسه و زوجي العمل فالافضل اجلس عند ماما المهم مانمت و استمر الالم رحت المستشفى
الساعه 11 الصباح و كنت اقول خلاص اكيد ولاده و نفس الكلام بس قالت الدكتوره ممكن تولدي اليوم او تجلسي
اربعه ايام كحد اقصى 😖 ارجع بيتي و الطلق مستمر من السبت ليوم الثلاثاء نوم ما انام شهيتي للاكل قفلت جسمي
مررررررهق ، يوم الثلاثاء جاني مغص في العصر قلت اروح المستشفى اللي جنب بيتي اذا الرحم فتح زياده بروح
طيران على سليمان فقيه المهم دخلت عند الدكتوره و كانت الصدمه نبض الجنين نااااااااااازل 😰 اول ما حطت السونار
على بطني انا اللي قلت لها النبض نازل طبعا الدكتوره ماقصرت طيرت عقلي صارت تصرخ يلا يلا ولاده قيصري 😳
و انا اقولها بروح المستشفى اللي اراجع فيه صارت تقول انتي عاوزه البيبي يموت 😥 بسم الله عليه صرت امشي
وراها و احس الدنيا تدور فيني و افكار تجي و تروح و دموعي تنزل معقوله بعد الصبر و التعب ولدي يموت 😭 صرت ادور لزوجي و اولادي مااشوفهم و هيه تقول يلا يلا طلعتني قسم الولاده و حطت التخطيط النبض يطلع و ينزل قالت
اكيد الحبل السري ملتف عللى رقبته لازم اشعه عشان اذا كذا ولاده قيصري نزلت و كان زحمه قلت لزوجي خرجنا استودعت الله جنيني يلا نروح فقيه نزلت اولادي و رحت اول ما دخلت قلت للدكتوره و حطت الجهاز و مرتين نزل النبض
نزولوني للاشعه و الحمدلله طلع مع حركة البيبي يضغط ع الحبل و يقل الاكسجين هذا سبب نزوله طلعوني للولاده
وجاني الدكتور ياسر استشاري و كنت اتابع معاه و قال انتي عندك طلق اذا نزل النبض مره ثانيه راح نولدك قيصري
واذا الرحم مافتح راح نعطيك طلق صناعي ع الساعه 5 الفجر طبعا الكلام هذا الساعه 12 ونص الليل قلت اووك جهزوني
للولاده و جلست في غرفة المخاض جات ماما و جلست هيه و زوجي معايه جات الدكتوره ع الساعه 2 كشفت وبشرتني
انو الرحم انفتح و صار اربعه و ماراح احتاج طلق ، جات الساعه اربعه و ثلث و كشفت قالت 6 سم فتحت كيس المويه و نقلوني غرفة الولاده جات قبل ما ينقلوني دكتورة التخدير و سألتني تبغي مسكنات و إلا ابرة الظهر طبعاً طلبت مسكنات
لأني ابغى الاجر الساعه 5 ونص بدأت ادوخ و ادخل العالم الاخر مع المسكنات والكمام بس شايفه كل شي و اسمعهم
و لله الحمد انا صبوره وقت طلوع الراس ماقدرت صرت اصرخ واسمع الدكتوره تقول وين راح صبرك يا دلال و الساعه 7 إلا ربع صباح الاربعاء بتاريخ 24/11 شرف بدر سمانا حطوه على صدري وكنت ابكي بوسته و قلت يا حبيب ماما و بعدها ما حسيت بشيء ..وبسسسسس خلصت الحكايه الاروع في حياة اي أم .😍
ربي يحفظه ويحفظ اخوه و اخته و يجعلهم من عباده الصالحين ...
سامحوني على الاطاله 😘