وزن طفلي عمره اربع شهور <وبعض الاسئله ياأمهات

[beauty]

السلام عليكم ورحمة الله وبركاته


اخباركم امهات ياليت تساعدوني بخبراتكم وتجاربكم عندي كم سؤال


1\ ولدي عمره اربع شهور قبل شهر وزنته طلع وزنه 5 كيلو لما كان بالثالث !!
وامس رحت المستشفى بعد مرور شهر وطلع نفس الوزن 5 ماتغير ياروحي هو بالشهر
تعذب شوي لانه كان يرضع صناعي ورجعته لصدري وكان اغلب الوقت يبكي ويرضع قليل كان يعورني
قلبي لكن قلت بتحمل واهم شي صحته اذا كبر ويكون عنده مناعه
يمكن علشان كذا ماتغير وزنه وله يومين بدا يرضع زين الحمدلله بديت اصحيه من نومه وارضعه
والحمدلله يتحرك زين ويلعب وشقي مافيه شي بس وزنه ناقص كيلو ونص هذا قول الدكتور وعطاني حليب صناعي (رونالاك) يقول عطيه مرتين باليوم مع رضاعه طبيعي
انا تحطمت لاني مابي اعيد نفس المعاناة بيرفض صدري اكيد وقررت مااعطيه اهم شي الصحه مو السمنه هذا رايي
قوقولي رايي صح لان امي تقول ذبحتيه بالجوع ؟
وهل اذا عطيته صناعي مع الطبيعي تقل الفائده لاني خايفه من هالشي ؟؟؟؟؟


**
***

2\ قبل يومين زارتني جارتي وقالت رجول طفلك بارده مره شكل فيه (أخت)
قلت عادي حتى انا كذا تبرد رجولي قالت حتى انتي شكلك فيك اخت هههههه
برازه سائل واخضر غامق
تتوقعون فيه اخت وهل علاجها العنزروت وكيف ؟؟


**
***
3\ طفلي صاير شرس بس يبكي ويعض ايديه اتوقع تسنن بداية الوجع حمست رشاد وطحنته
واحط ع اسنانه وعلى خشمه شرايكم ؟؟؟ويصلح له بهالعمر

وامي قالت جيبي قماشه مربعه صغيره وحطي فيها (مره محلب عنزروت حبه سودا رشاد )
وعلقيها في رقبته قلت يمه اخاف يتلوث بيقعد يمص فيها قالت انا سويت فيكم كذا وهذا من زمان نسويها والحمدلله مافيه الا العافيه وخفت العنزروت حار
احط هالشي له او لا .؟؟


ربي يسعدكم ويوفق اللي ترد ويهدي لها عيالها ويصلحهم..آآآمين يارب ياكريم

[beauty]

وخياتي انني في الانتظار

[فوحة الطيب]

ابجاوب لك الي اعرف عن برازه انه احضر اقولك اكيد عنده شي في بطنه واحتمال مثل ماقالت جارتك اخت لانه انا ولدي كان برازه اخضر وعطاني الدكتور علاج واستعملته وصار برازه اصفر وقالي هدا اللون الطبيعي للبراز يكون اصفر

[سفن بارد]

اهلا اختي بفيدك باللي اعرفه ومجربته

رضعي طبيعي واذا صدرك يكفيه خلاص عطيه رضعه صناعي وحده باليوم يكفي انا كذا ولدي كبر ولدك اربع شهور الله يحفظه يارب من كل شر
وانا ولدي نفس ولدك يمصص اصابعه ويبكي يمكن تسنين بس انا استعمل محلب مطحونه افركها في لثته ماشاء الله مفعوووله ممتاز ولاتضر بس محلب تكفي هذه نصيحتي لك واتمنى اكون افدتك

[رورو ام لولو]

شوفي لو حاسه الولد شبعان من صدرك خﻻص ﻻ تعطيه وبالنسبه لبراز اخضر معناه برد لبسيه على طول بربتوزات كاممله او شراريب حرام ماهم زينا
والتسنين نفس المعاناه بنتي على طول يدها ففمها الله يعيننا ماقد جربت اي شي بصراحه

[موكاا]

نفس ماقالو الاخوات
وبالنسبه لرونالاك ممتاز اعطيه ولدك
وبالنسبه للتسنين شايله هم الله يعيننا على ذي الفتره

ربي يخليه لك

[برّو !]

والله بنتي كانت تبرز اخضر
وكنت اعطيها رونالاك جنتل
غيرته لها وصارت احسن
وبرازها اصفر الله يكرمك

الله يحفظ لك ولدك انشالله

[beauty]

الله يجزاكن كل كل خيرياغاليات

استفدت من كلامكم
لكن ماقلتولي وزنه طبيعي وهو له اربع شهور وزنه 5 كيلو ..؟؟
ولو اعطيته رضعه باليوم هل ياثر على الطبيعي ؟

[SARA OSAMA]

ترى طبيعي يكون برازه اخضر هذا ناتج من الحليب الصناعي اما الطبيعي فيكون اصفر وبعد كل بيبي ونوعيه بطنة اما عن تسنين مثل ابني من شهر 3ولحد هسه 5اشهر ونص نفس الحالة يعض ويمص بايده والاسنان شكلها حتطول

اما عن وزن البيبي ماشاء الله وزنه منيح بس كان من مفروض يزيد ورا شهر كيلو !!

[Om malk]

اش هوا الاخت
بنتي كدا دايم رجولها باردة. وبرازها سايل