السلام عليكم ورحمه الله وبركاته
انا بيسان 2010 رجعتلكم مره تانيه باسمي الجديد لاني ماني متذكره الباسوورد
والله ان في موضوع محيرني جدااااااااااااا ومقدر اخذ راي احد فيه عشان كدا قولت الاخوات يفيدوني
انا عمري 23 سنه عندي بنت عمرها سنه و3 شهور لسه مخلصه بكاليريوس هذي السنه المهم متزوجه بعد قصه حب دامت ست سنوات من بعد ماولدت زوجي اتغير انشغل عني تماما وبدا يقصر معايا في اشياء كثيره منها انه مابيجامل اهلي يعني اذا عندنا فرح او عزا او زياره مريض مايروح معايا حتى اذا قلت له ابغى دكتور يقوللي شوفي احد يروح معاكي
خدي اختك ولا صديقتك صرت احس اني عايشه لحالي لفت انتباهه اكتر من مره ان الزواج مشاركه مع العلم اني احب اهله جدا وما انساهم ابدا في اي مناسبه لازم اروح واخد هديه وانا اللي اذكره بمواعيد اعياد ميلادهم ومناسباتهم وهو ولا على باله المهم ما ابغى اطول اكتر من كدا صار موقف في البيت مع جارتي هوا فهمه غلط ومن يومها اشن عليا الحرب لاتنزلي الا ورجلي على رجلك لاتكلمي جيرانك ولا اصحابك وافقت على كل شيء لكن لم قاللي لاتروحي لامك انا مقدرت اتحمل لان ابويا مسافر وامي لوحدها كيف يعني ما ازورها عشان هوا بس يبغى يعاند معايا زادت المشكله بيني وبينه الى ان وصلت اني تركت البيت وقعدت عند امي 12 يوم بعدها جه عشان ياخدني انا البنت مارضيت ارجع البيت غير بشروط انه يجامل اهلي زي ما انا بجامل اهله انه يهتم بيا اكثر انه يحس اني شايله مسؤليه وانا صغيره انا كنت حامل وبدرس وبزاكر وبروح السوق وبروح للدكتور وبنضف البيت وشايله مسؤليه زوج لوحدي وهوا ما كان بيقدر كان كل كلامه انتي ايش بتسوي اكتر من اللي اي حرمه بتسويه كل الحريم كدا هذا واجبك ....صحيح هذا واجبي بس انت لازم تقدر حسسني انك جمبي المهم اتحلت المشكله بعد حوارات طوييييييييييله بدا زوجي يتغير لكن انا مازلت جوايا شيء منه هوا طلب اني احمل ونجيب طفل تاني بس انا خاااااااايفه منه يرجع زي الاول لان مشكلتنا كانت راح توصلنا للطلاق خايفه يحصل شيء تاني يوصلنا للطلاق والعياذ بالله بعد ما اكون اتورطت وحملت ماني عارفه ايش اسوي احمل ولا استنى شويه مع العلم ان قدامي فرصه اني اكمل دراستي واحضر ماجستير وطبعا انا لو حملت صعب ادرس الحين احترت احمل ولا اكمل دراسه رجاء ودي اسمع رايكم ساعدوني كل وحده تقوللي وجهه نظرها وهيا لو مكاني ايش راح تسوي