هل كل بيبي فاتح رجوله.. ولد؟

[حيآتوو]

مرحبااا

اليوم مريت اسوي سونار
وماكان فيه الا متدربه

الحمد لله الاوضاع طيبه
بس المشيمه شوي نازله!! معقوله يبين من الحين؟
وشسوي عشان ترتفع >> ميتع خوف من القيصريه :"((

البيبي كان وضعه ممتاز وفاتح رجوله عدددل
ومو بس فاتحهم الا فاشخهم ههههه
حسيته ولد

بس هي بعدها متدربه ماتعرف
ولا بين من مسكتها للجهاز يعني حتى انا ماشفت ذيك المنطقه


سؤالي هل فيه بنات يفشخون رجولهم بالشكل؟ > لايكون بنتي دفشه😱 خخخ
والمشيممه بلييييز كيف ارفعها ؟؟
كثرة صعود الدرج تأثر؟؟

[متفائلة دائما]

لااااااااااااا ليس شرط يكون ولد

اما المشيمة فعليكي بالراحة التاااااااااامة و رفع رجليك و ان شاء الله ترتفع

[حيآتوو]

شكراا اختي مع ان احساسي ولد .. مو متخيله بنتي تقعد هالقعده هههه

ااخ على المشيمة هامتني
مافي غير الراحه التامه ،، صعبه وعندي دراسه
لو خففت صعود درج والجماع ممكن يساعد ترتفع؟

[يًح ـلًـ’ـ’ـمُوُنْ]

هههههههههه الله يسعدك انتي وجنينك
الله يرزقك باللي تتمنينه
بس اهم شي الراااحه التاامه والدرج يااثر

[برستيج آنثى]

الدرج ياثر طبعاً والمشي والجماااااع كلها تاثر في تزول المشيمه هذي الشغلات كلها الطبيبه حرمت اختي منها لان جاها نزول بالمشيمه واعطتها مثبتات وهي بالشهر الرابع او الخامس ماذكر ومنعتها من الحركه واجبرتها ع رفع رجلينها والحمدلله ارتفعت المشيمه وتوهاا ولدت امس وجابت احلى بنوته طبيعي ماشاءالله

مابي اخوفك بس لاتنتظري من المشيمه ترتفع لوحدها دام فيه مجهود حاولي تريحي حالك وكمان سمعت انو بالشهر السادس ترتفع المشيمه من الله والله اعلم

وبالنسبه لجنس البيبي ماظن له علاقه

[جنوبية الهوى]

السلام عليكم
اختي لا الوحام ولا فتح الرجلين ولا تسكير الرجلين له علاقة بجتس المولود كله بامر الله والمهم يكون معك كل شيء
طبيعي وصحة باذن الله وان شاء الله على الف سلامة ويعطيكي يلي بدك اياه ان شاء الله

[حياتي بوجودك]

يارب يا رحيم يرزقج بلي تتمنينه ويرزق كل محرومه

[حيآتوو]

تسلموون .. ادعوا لي :(
ان شاء الله ترتفع

حبيبتي جنوبية الهوى
كلها نظريات بس فيه خبرة وغالبيه
خصوصا وضعية الجنين

مثلا غالبية المسكرين رجولهم بنات وفيه دكاتره بخبرتهم يحلفوون
بس يظل فيه اولاد يسكرون ! وتظل الغالبية للبنات

هذا سؤالي .. كخبرة وغالبيه
والا كل شي ممكن !!


ياارب يفرحكم بعيالكم بسلامتهم وسلامتكم :))

[حياتي بوجودك]

حياتو انا اختي بحملها كان طفلها مثل حالتك وقالت لها بنت
وغير دكتور قال لها روحي ربع ساعه امشي وارجعي لنا راحت ورجعت واخذت سونار وطلع ولد والحمد لله ولدت وطلع فعلا ولد
يا الله انته تطلعي مثلها ويكون فيج ولد وتفرحينا يا الله

[حيآتوو]

سبحان الله .. ويعطيك اللي تتمنينه ويرزقك بره وسلامته يارب