هذي حالتي لي 8سنوات لكن الشكوى لله <ادخلوالله يرضى عليكم

[حنونه بزمن قاسي]

بسم الله الرحمن الرحيم
السلام عليكم ورحمة الله وبركاته
بدخل الموضوع على طول انا جاتني حاله وانا كان عمري 14سنه احس كاني بموت ويجيني ارتجاف في يديني وبرود في رجولي رحت كذا شيخ قالوعين ويجيني خوف اقول اخاف احد يموت اوسمعت عن خبر وفاة افكر ومانام ودايم حزينه واذاحد فيه مرض اقول يمكن انا مريضه فيني كذا وافسر اشيا على ان بيصير شي ودايم ماحس بلفرح الانادرا وابكي من اي شي راجعت دكتورنفساني قال اكتئاب وتركت علاجه تزوجت بعد زواجي جاتني حاله كاني في حلم اقول معقوله انتم اخواني لاامومصدقه اواقول انا ليش جيت هنا ودي ارجع عند ابوي ودايم افكر تفكير مستمر اي شي ياثر في نفسيتي اي شي يبكيني لدرجه ان احد رفع صوته بكيت بعض الاحيان تجيني حاله اقول اننا محد يحبني بس اراعي مشاعر الناس ومرات افكر كيف الدنيا وكيف الحساب والقيامه يعني تفكيرات مرهه والمستشفى ماحبه اذرحت جاني وسواس بس افكر بموت وكذا الحين حامل في اِِلشهر التاسع وخايفه من الكشف والولاده والله يفرجها دعواتكم لي بشفاءالعاجل وابي اعرف احد قدمره عليه مثل حالتي ولابس انا <<<<ايه عندي ولد مزعج واحبس نفسي عشانه ولاكل الاطفال مزعجين بس ماحب الناس يهاوشونه وزي كذا دعوواتكم بلله

[سموة الشوق]

الله يسهل ولادتك ويذهب الكدر والحزن عن طريقك

حبيبتي هانت إنتي الآن بالتاسع

هونيها بتهون

وتفائلوا بالخير تجدوه

حبيبتي لايغرك الشيطان ويلعب برأسك

تصدقين أنا نفس حالتك

خاصة بعد وفاة والداي

حياتي مظلمه وتجيني هواجس كثيرة

ومن كل شئ أخاف أحد يتكلم عني

بس الحمد لله تابعت بنفسي بقراءة القرآن وسورة البقرة دائما يوميا وزيت الزيتون المقرئ وماء زمزم

والله ترتاحين خيتو

وماعليكي بالناس
قوي قلبك وطنشي كلام هالناس
وربي يسهلك ويوفقك ويعينك ويولدك بالسلامة

ويدا بيد أختي

ولنرفع من معنوياتنا ونفسياتنا ونكون أخوة نتناصح في الله ونعاون بعضنا على مصاعب هالحياة
لنرتقي لأعلى الدرجات ونسمو بأخلاقنا للدرجات العلى

وحبيبتي الأخوة الصادقة لها دور كبير بتخفيف مافي نفسك ومافي نفسي من الألم والحزن اللي في قلوبنا

فكم أشتاق إليك وأحتري دخولك وكلماتك

فتوقيعك يوحي إلي الكثير من المشاعر تجاهك

فلا تنسينا أختي الغالية

فنحن أخواتك في الله

ودعواتي القلبية الأبدية لك بدوام الصحه والعافية
وربي يرزقك أجمل ذرية بالكون يارب..

[يارب ترزقني بطفل أضمه]

ياقلبي الي فيك اكتئاااااااااااب مافيها شي روحي دكتور نفسي وتابعي خالتك عادي مثل مال الجسد يتعب النفس تتعب ياقلبي وكل مافكرتي افكار شينة استغفري وانصحك تحطين في راسك طريقين طريق فيه الاشياء الي ماتحبينها وطريق فيه الاشياء الي تحبينها واذ ذكرتي الاشياء الي ماتحبيها والمزعجة التفتي للطريق الثاني وربي تريحك هالطريقة ياقلبي

[الحب لك وحدك]

هلا بك
حبيبتي والله احزنتني حالتك غلاي
مثل ماقالت لك اختي الغاليه طيف
عليك بسورة البقرة وزيت مقري فيه
وانشالله مافيك الا العافيه
وتركي عنك الوسوسه ترى ابليس شاطر
خليك قلبك قوي بايماااانك
وحاولي قد ماتقدرين عيشي حياتك
ماعليك من احد دامك ماغلطتي عليهم

والله يشفيك ويشفي كل مريض ياارب
انشالله تولدين وتقومين بالسلامه
وتقر عينك بشوووفة ضناك
وتنسين همك وتعبك
دعواتي لك بالشفاء

[جولى الأرووبه]

أنصحك بد كتور نفسى شاطر أذا فى جده دليتك عليه
الى عندك عزيزتى وسواس قهرى وبعدين مع الدكتور
روحى لشيخ واستمرى عليه شافنى الله وأياك من كل شر
أختك جولى

[مآسر]

فعلا أنا تجيني مثل حالتك لدرجة أني أحيانا أفكر ان احد أهلي رح يموت أو أحس ان اهلي بيهم شيء أو صايرتلهم مشكلة وانا باتامن أحس كأني أودع في الناس وحاسة أني راح أموت

[حنونه بزمن قاسي]

الله يجزاكم الف خير ويسعدكم وجعلكم ماتشوفون مكروهـ
اختي جولى انا من المدينه بس بحاول اروح لدكتور ان شاءالله
الله يسعدكم

[**سماسم**]

ماتشوفين شر يالغاليه و الوسواس تراه من الشيطان أرقي نفسج وطرطي هذي الأفكار عنج ..
ونصيحه يالغاليه روحي حق دكتور نفسي أعرف الدكتور عبد الرزاق بالرياض الكل يمدحه وتعالجت عنده عمتي و الحين جدتي لانها تفكر كثير وحتى وهي نايمه تحس تغرق وتفز من نومها وقال لها إكتأب ويروح و الحمد الله لها الحين على علاجه سنه وراحت عنها الوسوسه و التفكير ..
وفيه دكتور طارق الحبيب كان بمدينه عنيزه على معتقد تعالجت عنده صديقتي أجتها حاله خوف غير طبيعي وتخاف من كل الناس وجتها فجاءه وكانت تراجعه من الدوحه كل شهر تروح لمدينة عنيزه عشانه ..
و الحمد الله ربي كتب لها العلاج على إيده ..

[عزيزة النفس]

انا جاتني نفس هذي الحاله واستمرت معي سنوات كثيره وبدايتها ايام وفاة الوالد وجاني جاثوم وبعد هالجاثوم صرت اوسوس زيك ياحنونه والله اني اتعب تعب لدرجه اني افز وامشي وادق على اهلي اقول تعالو اشوفكم انا بموت والله اني بهذلت نفسي وبهذلتهم معي وانا الحين اقرا سورة البقره واحس اني تحسنت شي بسيط ولكن مستحيل اروح للاطباء رغم اني اعترف بعلاجهم لكن اللي حولي مارح يوقفون معي وبالنسبه لطارق الحبيب اللي قالت عنه اختي سماسم بحثت عنه وناس يقولون راعي زرف اموال بلافايده
الله يعافينا جميعا ويبعد عنا وساوس الشيطان الرجيم

[زهرة اللوتس]

يويويويو حبيبتي والله مادري اضحك ولا ابكي
انا تجيني بعض الاحيان مثل حالتك وكلها والله من الشيطان
بالذات قبل سنه تعبت مره وداومت على الاذكار والبقره والرقيه والحمد لله احس اني تحسنت كثيييرتجيني الحين بس على خفيف ومن فتره لفتره بس احاول استغفر واسبح واكثر من ذكر الله وارتاح الحمد لله
اخاف من الامراض بشكل ماتتخيلون ومن الجراثيم مابغى عيالي يمسكون شي عشان مايمرضون
و احيانا" اصحى من النوم فجأه وخايفه واحس اني بموت اواحد عيالي بيموت ...اعوذ بالله من الشيطان ..واحط سورة البقره وارتاااح
الله يشفي الجميع