السلام عليكم ورحمة الله وبركاته
عزيزآتي آل حوامل الغاليات ..
اولا اعتذر لكم وللاداره عن غيابي المفاجيء وهذا انا جيت اكتب لكم مشكلتي اللي كانت متعبتني لمدة سنه كامله ولكن بفضل الله وكرمه انحلت بنسبة 95% ولله الحمد والمنه ، ولعلي القى منكم قبولا لعذري وخاصه الاداره اللي امنتني بالاشراف على قسم واختفيت فجأه فسامحوني ، واتمنى انه تستفيدون كلكم من مشكلتي ومن حلها لو لا قدر الله اصاب المرض وحده منكم او من اقاربكم .. اسأل الله العظيم لي ولكم العافيه من كل مرض ..
قبل كل شيء حابه احكي لكم عن التشنج المهبلي وبعدين اقول لكم قصتي ..
التشنج المهبلي هو عبارة عن تقلص لا إرادى لعضلات المهبل مما يمنع إتمام العملية الجنسية، وهو صعوبة الايلاج للزوج او حتى الاقتراب من المنطقة أو حتى فحص الدكتوره وذلك لانقباض العضلة مما يسبب ألم شديد ..
و عموماً السيدات المصابات بهذا المرض يشعرن بخوف من ممارسة الجنس، مما يؤثر على رغبتهن واستجابتهن للإثارة الجنسية، وإنما يشبعن جنسياً بالممارسة السطحية أو مجرد العناق .
نسبة حدوث التشنج المهبلى نتيجة لأسباب عضوية قليلة جداً بالمقارنة لما يحدث نتيجة لأسباب نفسية، مثل الخوف من الحمل أو الخوف من الأمراض التناسلية أو الخوف من سرطان عنق الرحم.
وعلاجها يكون بان يبدأ الطبيب فى توسيع المهبل بموسعات خاصه دون أن يتسبب ذلك لها فى أى مشاكل
ثم ينصحها باستخدام الموسعات بنفسها لإدخالها داخل مهبلها ثم إخراجها وإدخال ما هو أكبر منها حجماً ويتم ذلك بمصاحبة جلسات علاج نفسى وتدريبات معينة تقوم بها الزوجة .
هذا هو التشنج المهبلي باختصار وطريقة علاجه .. نجي الحين لمشكلتي وكيف انحلت بفضل الله
انا تزوجت من انسان ملتزم وخلوق ولله الحمد اول يوم بعد ماصار الفرح ورحنا الفندق تم بفضل الله فض غشاء البكاره (اعتقد جزأ منه لان اليوم الثاني نزل كمان نقط خفيييييفه دم ) المهم ان الموضوع تم بحمد الله انا في اول يوم بكيت بكى مو طبيعي بعد ما تم الموضوع رغم انه ماتألمت وكان حنون معي بس بكيت وقلت له والله لأقول لابويه ..!!!! << الى الان يعايرني فيها ذي الكلمه هههههههههه
المهم زي ماقلت لكم اليوم الثاني تم ازالة غشاء البكاره نهائيا وكمان بدون الم ، بعد كذا ماعاد خليته ومن هنا بدأت المشكله صرت اشد رجولي وجسمي كله يقسى حتى هو يقول لي ليش صايره زي الحديد يعني عادي اخليه يسوي أي شيء من مداعبات بس عند ال............ لا والف لا ، اشد نفسي وابعده .. راح تستغربوا لو قلت لكم اني خواااافه ومااقدر اهاوش او اتكلم على أي مخلوق الا وقت الجماع تجيني قوه مدري منين اشد نفسي وابعده عني واروح ابكي .. تأزم الموضوع بعد فتره صرت ابكي قبل مانحاول .. ما اآاكل .. ووصلت اني في يوم جاء يحاول معي بالقوه بعد ماشاف اللين مانفع معي صرت اصيح وابكي واشهق من قلب واشد شعري وهو يقرأ علي ويحاول يهديني ويقول لي خلاص ماابغى شيء خلاص ماعاد بنحاول ابد ...!!!
المهم رحت لدكتوره قالت اكشف عليك وبالقوه خليتها قالت الغشاء خلاص انفض وبعدين قالت انتي تتدلعي مافيك شيء .....!!! يا هوووووو أي دلع شيء غصب عني اتدلع لو الغشاء باقي ممكن تقولي ماتبغى وبمزاجها ويمكن ماتبغى زوجها او تدلع بس خلاص لمتى باتدلع يعني لي كم شهر متزوجه وتقولي لي اتدلع ،، بعدها صرفت لي حبوب قالت راح تدوخك لما تصيري دايخه زوجك يجيك شربت الحبوب وماااااااااافي فايده بالعكس صحصحت .
المهم رحت عند اهلي قالت امي باوديك لدايه مره كويسه تكشف عليك ليش ما حملتي (( محد يدري بموضوعي ابد )) وكلمت زوجي قال خلاص لا تقولي لامك شيء روحي للدايه وارسل لي فلوس اخذت 1000 وشافت بطني ودهنتني ومدري ايش وقالت عندك ميلان بالرحم بس ما يمنع الحمل بس عندك ضعف تبويض ..!! واعطتني دواء اخذته واتكلت على الله قالت زوجك لا يجيك 15 يوم << قلت في نفسي من دون ما توصين يا قلبي ..
بعدها رحت لدكتوره بنفس نزلتي لاهلي قالت فيه حبوب بس روحي الاردن جيبيها << اضرب مشوار للاردن علشان حبوب ..
المهم يابنات اني رحت مستشفيات ومااااااااافي حل ،، بكيت ،، دعيت الله ،، ايام كنت انهار وايام ارجع اقوى واقوي نفسي واقول ابتلاء وربي بيجازيني خير .. كنت ادعي اقول يارب انت الوحيد العالم بحالي وعالم انه غصب عني فيسر لي امري ..
يتبع ..