مشكلتي مع التشنج المهبلي + حلها ولله الحمد

[سحآبة فجر]

السلام عليكم ورحمة الله وبركاته

عزيزآتي آل حوامل الغاليات ..

اولا اعتذر لكم وللاداره عن غيابي المفاجيء وهذا انا جيت اكتب لكم مشكلتي اللي كانت متعبتني لمدة سنه كامله ولكن بفضل الله وكرمه انحلت بنسبة 95% ولله الحمد والمنه ، ولعلي القى منكم قبولا لعذري وخاصه الاداره اللي امنتني بالاشراف على قسم واختفيت فجأه فسامحوني ، واتمنى انه تستفيدون كلكم من مشكلتي ومن حلها لو لا قدر الله اصاب المرض وحده منكم او من اقاربكم .. اسأل الله العظيم لي ولكم العافيه من كل مرض ..
قبل كل شيء حابه احكي لكم عن التشنج المهبلي وبعدين اقول لكم قصتي ..
التشنج المهبلي هو عبارة عن تقلص لا إرادى لعضلات المهبل مما يمنع إتمام العملية الجنسية، وهو صعوبة الايلاج للزوج او حتى الاقتراب من المنطقة أو حتى فحص الدكتوره وذلك لانقباض العضلة مما يسبب ألم شديد ..
و عموماً السيدات المصابات بهذا المرض يشعرن بخوف من ممارسة الجنس، مما يؤثر على رغبتهن واستجابتهن للإثارة الجنسية، وإنما يشبعن جنسياً بالممارسة السطحية أو مجرد العناق .
نسبة حدوث التشنج المهبلى نتيجة لأسباب عضوية قليلة جداً بالمقارنة لما يحدث نتيجة لأسباب نفسية، مثل الخوف من الحمل أو الخوف من الأمراض التناسلية أو الخوف من سرطان عنق الرحم.
وعلاجها يكون بان يبدأ الطبيب فى توسيع المهبل بموسعات خاصه دون أن يتسبب ذلك لها فى أى مشاكل
ثم ينصحها باستخدام الموسعات بنفسها لإدخالها داخل مهبلها ثم إخراجها وإدخال ما هو أكبر منها حجماً ويتم ذلك بمصاحبة جلسات علاج نفسى وتدريبات معينة تقوم بها الزوجة .
هذا هو التشنج المهبلي باختصار وطريقة علاجه .. نجي الحين لمشكلتي وكيف انحلت بفضل الله
انا تزوجت من انسان ملتزم وخلوق ولله الحمد اول يوم بعد ماصار الفرح ورحنا الفندق تم بفضل الله فض غشاء البكاره (اعتقد جزأ منه لان اليوم الثاني نزل كمان نقط خفيييييفه دم ) المهم ان الموضوع تم بحمد الله انا في اول يوم بكيت بكى مو طبيعي بعد ما تم الموضوع رغم انه ماتألمت وكان حنون معي بس بكيت وقلت له والله لأقول لابويه ..!!!! << الى الان يعايرني فيها ذي الكلمه هههههههههه
المهم زي ماقلت لكم اليوم الثاني تم ازالة غشاء البكاره نهائيا وكمان بدون الم ، بعد كذا ماعاد خليته ومن هنا بدأت المشكله صرت اشد رجولي وجسمي كله يقسى حتى هو يقول لي ليش صايره زي الحديد يعني عادي اخليه يسوي أي شيء من مداعبات بس عند ال............ لا والف لا ، اشد نفسي وابعده .. راح تستغربوا لو قلت لكم اني خواااافه ومااقدر اهاوش او اتكلم على أي مخلوق الا وقت الجماع تجيني قوه مدري منين اشد نفسي وابعده عني واروح ابكي .. تأزم الموضوع بعد فتره صرت ابكي قبل مانحاول .. ما اآاكل .. ووصلت اني في يوم جاء يحاول معي بالقوه بعد ماشاف اللين مانفع معي صرت اصيح وابكي واشهق من قلب واشد شعري وهو يقرأ علي ويحاول يهديني ويقول لي خلاص ماابغى شيء خلاص ماعاد بنحاول ابد ...!!!
المهم رحت لدكتوره قالت اكشف عليك وبالقوه خليتها قالت الغشاء خلاص انفض وبعدين قالت انتي تتدلعي مافيك شيء .....!!! يا هوووووو أي دلع شيء غصب عني اتدلع لو الغشاء باقي ممكن تقولي ماتبغى وبمزاجها ويمكن ماتبغى زوجها او تدلع بس خلاص لمتى باتدلع يعني لي كم شهر متزوجه وتقولي لي اتدلع ،، بعدها صرفت لي حبوب قالت راح تدوخك لما تصيري دايخه زوجك يجيك شربت الحبوب وماااااااااافي فايده بالعكس صحصحت .
المهم رحت عند اهلي قالت امي باوديك لدايه مره كويسه تكشف عليك ليش ما حملتي (( محد يدري بموضوعي ابد )) وكلمت زوجي قال خلاص لا تقولي لامك شيء روحي للدايه وارسل لي فلوس اخذت 1000 وشافت بطني ودهنتني ومدري ايش وقالت عندك ميلان بالرحم بس ما يمنع الحمل بس عندك ضعف تبويض ..!! واعطتني دواء اخذته واتكلت على الله قالت زوجك لا يجيك 15 يوم << قلت في نفسي من دون ما توصين يا قلبي ..
بعدها رحت لدكتوره بنفس نزلتي لاهلي قالت فيه حبوب بس روحي الاردن جيبيها << اضرب مشوار للاردن علشان حبوب ..
المهم يابنات اني رحت مستشفيات ومااااااااافي حل ،، بكيت ،، دعيت الله ،، ايام كنت انهار وايام ارجع اقوى واقوي نفسي واقول ابتلاء وربي بيجازيني خير .. كنت ادعي اقول يارب انت الوحيد العالم بحالي وعالم انه غصب عني فيسر لي امري ..


يتبع ..

[سحآبة فجر]

نكمل ..



وفي يوم وانا ادور كالعاده في قوقل دخلت منتدانا الغالي ولقيت وحده من البنات كاتبه مشكلتها نفس مشكلتي بس هي باقي غشاء البكاره فرحت ويوم شفت ردود بعض البنات بصراحه عليها تحطمت اللي تقول كيف زوجك صابر وسيبي الدلع وزوجك بيتزوج عليك وحرام عليك حارمه زوجك ومن الكلام اللي يحبط ما يداوي ..
بعدها جت بنت ثانيه وكتبت موضوع نفس المشكله ونفس الردود اللي تحطم وتزيدك هم وتحسي انك لحالك كذا وبعدين البنت كتبت انها راحت المستشفى وطلع هذا اسمه تشنج مهبلي لا ارادي فرحت والله فرح كبير انه طلع له سبب وله اسم مو دلع على قولتهم صرت ادور في النت عن هذا الشيء واقرا تجارب الين ربي دلني على تجمع بنات عندهم التشنج ومنهم تعالجوا منه .. ناس راحوا عملوا الجلسات مع دكتوره ومنهم اللي ماشاء الله تغلبت وصارت تسوي التمارين بنفسها في البيت وربي اكرمهم وتيسر امرهم .. تشجعت بفضل الله ثم بفضل كلامهم وصرت معهم وشجعوني والله كثيييير يااااااارب يكرمهم اجمعين ..
وقلت لزوجي وقرأ الموضوع وتجارب البنات وفرح كثيييير انه عرف ايش فيني .. والحمدلله اولا واخيرا
بعدها كلمت مركز سمير عباس واخذت موعد عند الدكتوره اماني شلتوت ربي يسعدها ويفرح قلبها << على فكره يابنات هي الدكتوره الوحيده في جده اللي تعالج هذا المرض .
ولما كشفت علي اول مره ما لمستني بس من بعيد كانت تقول لي سوي كأنك بتتبرزي الله يكرمكم وشافت ولانها عارفه خوفنا ما تقرب وهي خبررره في العلاج تبارك الرحمن ومره تريح لانه يابنات اللي عندها التشنج يكون فيها خوف مو طبيعي وفيه بنات يطلع مو تشنج مهبلي بس عندها خوف من التجربه وهي تعرف اذا هو او لا وبعدين قالت لزوجي انه فيني تشنج وقالت له حتى لو قلنا لها رخي حالك وحاولي ماراح يصير سبحان الله العضله تقفل بقوه وصرفت لي حبوب مهدئه استخدمها طوال فترة العلاج .
تعالجت الحمدلله في اسبوع ونصف وفيه ناس في اسبوع وناس اسبوعين والحمدلله .. الحمدلله .. الحمدلله له الفضل سبحانه ..
الآن انا خلصت من التمرين على الموسوعات لله الحمد وببداية الجماع صحيح في البدايه ( الجماع ) تواجهي صعوبه بس ربك يسهلها سبحانه اهم شيء حاولي تفكري وترجعي بذاكرتك وتخمني ايش ممكن يكون سبب الخوف والتشنج هذا .. انا ( الولاده ) تخيلوا بس اسمع بقصة ولادة أي وحده ابكي وابكي وابكي وكنت اخاف من الولاده بشكل ماتتصوروه فقلت اكيد هذا السبب في عقلي الباطن بس الحمدلله الفكره راحت وبالعكس نفسي احمل الحين ^_^

بنات جده في الدكتوره اماني شلتوت اللي عالجتني موجوده في مركز الدكتور سمير عباس وهذا رقمهم 6530000
وبنات الرياض عندكم الدكتوره إيمان فوزي في الرياض في مركز الدكتور سمير عباس تعالج التشنج المهبلي وهذا رقمهم 4160000
وسمعت انه برضوا فيه الدكتوره طرفه بالرياض بس مااعرف رقمها ..

• بنات انا احمدالله ان زوجي وقف معي ومع كذا مريت بايام مايعلم فيها الا الله سبحانه ولله الحمد والمنه اولا واخيرا ، الاستغفار والصلاة في وقتها وصلاة الشفع والوتر والضحى والصدقه لهم فائده كبيييييييييره من الله سبحانه .
• حاسه في اللي تعاني من هذا الشيء واعرف كيف تنتكس وتصير الوحده في حاله نفسيه مو طبيعيه بس بنات لا تيأسوا ولا توقفي ولا تخلي شيء يوقفك وتفائلوا واحسنوا الظن بالله وادعوه بصدق وبتضرع والحوا في الدعاء .
• كثيييير ازواج كانوا يعنفون ويخلونها تنهار ولكن لا تيأسي المرض مو معروف وهو ممكن يكون يسمع كلاااااام من اللي حواليه ومقهور على نفسه ليش مايقدر فالتمسي له العذر ..
• التمارين بسيطه وخفيفه ومافيها أي الم وراح تتفاجئين من سهولتها بأذن الله ..
• بنات كثير قولي الحمدلله كثير اسجدي لله سجود الشكر انك عرفتي ايش فيك وانك لسى على ذمة زوجك وخلي ذكرك لله على طوول على لسانك

ادري طولت عليكم بس والله حاولت اختصر كثير والا فيه اشيااااااااء كثيره ماحكيتها نفسي اكتب كل شيء عن معاناتي وعلاجي علشان الكل يعرف ايش اعراضه وايش احساس اللي تعاني منه ..
سامحوني وادعوا لي يابنات ربي يرزقني بالحمل في هذا الشهر وافرح زوجي واهلي اللي مو عارفين ايش فيني ادعوا لي ربي يسعدكم ويحقق امانيكم .. ادعولي لعل فيكم وحده دعائها مستجاب او توافق ساعة استجابه .. طلبتكم ادعوا لي

ويارب لك الحمد حتى ترضى ولك الحمد اذا رضيت ولك الحمد بعد الرضا ..

[سحآبة فجر]

بنات اي وحده عندها استفسار او شيء انا موجوده

بحفظ الرحمن

[يارب ارزقني مااتمنى]

الحمد لله ع سلامتك ياقلبي الله يسعدك يارب

[سحآبة فجر]

الله يسلمك ويسعدك ويثبت حملك ويرزقك ما تتمنين يارب يا كريم ..

[4يو]

ي حياتي الحمد لله على سلامتك
وان شاء الله ربي يرزقكي الذريه الصالحه في القريب العاجل

[سحآبة فجر]

آمين يارب ويسعدك ربي ويخلي لك نايف وتشوفيه في اعلى المراتب ويجعله ربي بار فيك وفي ابوه
ويارب يحقق اللي تتمنيه

والله فرحتني دعواتكم وهذا العشم .. عسى الله يسعد قلوبكم الطاهره ويفرج همومكم

[ورده حساسه]

الحمدلله على سلامتك والله يرزقك بالحمل انا صارلي سنه وشهر للحين بنت عجزت بشيل الخوف ماني قادره اصلا قبل يقرب مني زوجي ابعده طيب كيف اعرف انو عندي تشنج طيب التمارين تنفع وانا لسى ماانفض الغشا

[ورردي]

الحمد لله على سلامتك
وان شاء الله ربي يرزقكي الذريه الصالحه

[أم هبة]

الحمدلله على سلامتك