سؤال عن اللي استخدمت حبوب ياسمين :( !!

[كتكوته1986]

السلام عليكم بنات..،
شخباركم ان شالله بخير
انا يديده عالمنتدى وان شالله استفيد منكم وتستفيد مني باذن الله تعالى
حبيت اول مشاركه لي تكون عبر هالمنتدى
لاني وااااايد احاتي العقم (الله لايقول ) ان شالله
انا مشكلتي يا جماعه انه صارلي 5 شهور متزوجه
ولاني كنت في فتره صعبه عشان زوجي يشتغل بره واضطريت اروح معاه
قلنا نآجل موضوع الانجاب كم شهر فقط
وللاسف الكل من صديقاتي واهلي نصحوني بحبوب ياسمين ،،،
مع انه زوجي كان ضدها
المهم انا استعملت حبوب ياسمين فقط ثلاث اشهر
والله يعلم اشكثر تعبتني نفسيا لين ماتركتها
والحين صارلي تاركتها شهرين بالضبط،،، والصراحه من شهرين انا وزوجي نحاول في موضوع الانجاب
سبحان الله غيرت رايي لانه الشهر الجاي راح ارجع علي بلادي
ف الشهر الاول جاتني الدوره بعد ماوقفتها وجاتني في موعدها اللهم تاخرت يومين بس
والشهر هاي سبحان الله كنت متآمله اني حامل وتاخرت الدوره 5 ايام بس نزلت الدوره بعدها
مع اني دورتي (ماشالله ماشالله )منتظمه من قبل لاتزوج
الحين سؤالي لاني قمت احاتي وزوجي قام يلومني لاني استعملت حبوب
هل ماراح احمل ؟ من صار معاه جي؟ وكم شهر راح تظل تجيني الدوره؟ استغفر الله صرت احاتي وايد ونفسيتي تعبت ووزني نزل شوي
هل تنصحوني اكشف عند دكتور؟
ارجو الافاده الله يبارك فيكم

[بنت من البنات]

هلا
المفروض ما تاخذى حبوب
لان فيه بعض منه سبب العقم
وانتى ما تدرى
غلطنه انتى
كان سويتى عزل
عشان ميصيرحمل
مو حبوب
وثانى شي
روحى لى دكتوره افضل
ولا تنتظرى اكثر من كذا
روحى بسرعه
عشان لاقد ر الله وصار شي
يكون اعلاجه سهل

[حبيبة فهد]

شوفي اختي. يختلف من شخص لاخر انا استخدمتها بعد ماجبت بنتي الله يخليها لي ودكتوره صرفت لي حبوب الياسمين واستخدمتها لمدة سنه وشهرين. وبعدها تركتها واللحين لي 4 شهور وماحملت بس دورتي تخربطت وانا زيك كانت منتظمه. واللحين انتظمت دورتي ماشاءالله والحمدالله بس صار يجيني الاتهابات في المهبل. والحمدالله علاجتها وان شاءالله ربي يكتبي لي حمل الشهر الجاي انا قلت لدكتوره وقالت لي تعالي اشوف مبايضك في ثاني يوم لدورتك وانتي اذا جتك الدوره الشهر هدا روحي للدكتوره وخليها تكشف عليك وانصحك انك تروحين وتشوفين. وفي وحده اعرفها تستخدمها وبعد ماتركتها حملت ماشاءالله عليها بس تر مثل ما قلت لك يختلف من جسم لاخر. ومعليش طولت عليك والله يرزقك ويرزقني ان شاء الله. ويرزق الكل بذريه صالحه وحمل سليم ان شاءالله

[ماروكوو]

انا اخذتها اول شهر من زواجي ووقفتها وحملت اربع مرات بعدها بس كلها اجهاضات والحمل الخامس ثبت سبحان الله

[كتكوته1986]

مشكورين حبيباتي عالرد وماقصرتوا
ان شالله بمشي على نصيحتكم انا الحين جاتني الدوره وان شالله باخذ موعد وبشوف دكتوره بس عادي لو كان في اي يوم من موعد الدوره صح ؟ عشان تشوف المبايض والرحم؟

بالنسبه لاختي ماروكوو ماشالله طمنتيني والحمدالله ربي عوضج عن كل الاجاهاضات الاربع اللي صارت ماشالله بس حبيت اسالج متى بالضبط اجهضتي (يعني صار حمل ) بعد ترك الحبوب الشهر اللي وراه على طول ولا تميتي شهر وحملتي؟
وشكرا

[كتكوته1986]

من غير جربت الحبوب ياريت لو تفيدوني

[الطيبة في]

أنا جربتها حسبي الله عليها من حبوب تعبتني وصارلي ست شهور من تركتها وربي كريم يرزقنا معاك أنا وأخواتي الحمل يارب

[كتكوته1986]

فديتج،، الله يرزقنا ان شالله
بس شكثر استعملتيها ؟؟ وهل استعملتيها في بداية زواجك

[ام الولاء]

حبيبتي لاتخافي اذا اراد الله انما يقول للشي كن فيكون
انا اخذتها سنتين من دون توقف واخر شهر وانا اخذها احس الدوره لخبطتني قلت اوقفها واعمل لولب وسبحان الله ماعاد اجتني دوره وحملت على طول
نصيحتي روحي افحصي عند دكتوره على طول ولاتتاخري احيانا يكون السبب شي بسيط

[كتكوته1986]

المشاركة الأصلية كتبت بواسطة ام الولاء

حبيبتي لاتخافي اذا اراد الله انما يقول للشي كن فيكون
انا اخذتها سنتين من دون توقف واخر شهر وانا اخذها احس الدوره لخبطتني قلت اوقفها واعمل لولب وسبحان الله ماعاد اجتني دوره وحملت على طول
نصيحتي روحي افحصي عند دكتوره على طول ولاتتاخري احيانا يكون السبب شي بسيط

الله يسمع منج حبيبتي ويوفقج
الله كريم .. ادعي لي