ساعدوني حياتي تعيسه جدا

[ام علي الفلسطينيه]

انا متزوجه الي 5 سنوات عندي علي وحامل حاليا ببنوته بتعرفوا اكيد بس وضعنا من يوم ما تزوجنا لهلاء ما تغير عايشه بغرفه ومطبخ وحمام دار جدا صغيره زوجي بشتغل وبتعب كتير للمغرب وحياتنا هي هي يا دوب ملحقين ناكل ابوه قاعد اله اكتر من 15 سنه مو مريض ولا في شي واله 5 خوات 2 اتزوجوا جديد وهو اخوته بصرفوا ع امهم وابوهم وخواتهم وياريت حماي بصرف ع لبسه ولا اكله وشربه مو راحمنا والله والله انا ما بحكيله شي والله العظيم كل يوم بدو لاب توب او تلفزيون او بلفون جديد تطش وهو عمره 60 سنه مرهقنا بطلبات الغاليه واحنا والله وعلى ابني ما املحقه اطعميه ولا اشتري الي ولا للولد اشي كتير نفسيتي تعبت الي بيت الي 5 سنين بعمر فيه ولسه بدو مصاري ربنا ليجهز حياتي ضيقه وبيتي ضيق وطلبات دار عمي ومصروفهم ومصروف بيتي زوجي حاسسته تعب بشتغل وبموت من التعب وكل رايح اله فنتره والله ضحكه يا دوب يضحكها حكي ما بحكي كتير ساكت اغلب وقته حاولت اضحكه والعبه وانسيه همه عالفاضي خايفه هليه يعمي بحاله شي والله انا وهو بنصلي وما بنقطع فرض بس ما بعرف ليه هيك بسير معنا مش عارفه شو اعمل مالي غيركم افضفضله بهمي مش عارفه اهله ليه مو راحمينا حاتينا علينا شهريه 600 شيكل غير طلباتهم التانيه وحماتي وحماي بدخنوا كتير بكتين في اليوم وكل يوم بدهم اشي لبيتهم وانا لاعندي بيت واهلي والله اغلب اغرض بيتي همي الي ساعدوني فيه اتزوجت بغرفه عندار حماي وطلعت من 4 سنين ع هاد البيت الصغير غرفة نوم ومطبخ وحمام فكرت كتير باطلاق بس اتراجع مشان ابني ومشاني حامل زوجي بحبني والله وحنون علي وعمره ما زعلني بس حياتنا خنقتنا دعيت كتير وبصلاة الصبح بدعي وبستغفر ربي دايما نفسي الله يوسع علي واعمر بيتي واسكن فيه ادعولي الله يفرجها علينا ادعولي الله يصبرني ويخليني اتحمل لو فيه تغير بحياتي من 5 سنين ها بقول في تحسن بس فش حياتنا هي هي ديون متلتله فقر الواحد طبيخ مش عارف يطبخ كهربا ومي يا دوب مدبرين حقها بعاني واللله واهلي بساعدوني بس لايمتى وقد ما ساعدوني عالفاضي شو اععمل

[احساس أنثى]

حبيبتي والله حاسه بيكي لأني فلسطينية متلك

بالنسبة لوضعك قولي الحمد لله دائما وأبدا وادعي لزوجك ربنا يفتحها عليه

بس الصراحة وضع حماكي وحماتك مو طبيعي ... يعني كلهم 600 شيكل وكمان يتطلبون

طيب شوفي ليش ماتعطوهم مبلغ كل شهر يعني 200 شيكل وهما احرار يجيبوا يلي بدهم اياه

لأنو اكيدزوجك الو اخوه كمان يصرفون عليهم يعني من كل واحد 200 يسير معهم راتب شخص شو بدهم

وممكن زوجك بأسلوب طيب لو مامعو او متدايق يحكي مع اهلو الشهر هاد مامعي مزنوق .. اعذوني ... الا مايحسوا فيه

معلش الكبار مو باقين العمر كلو ... الدنيا كلها مصائب .. بدنا نتحمل وحيجي يوم وتفرج باذن الله

ربي يهونها عليكي ويرزقكم من اوسع ابوابه

[جنوبية الهوى]

اختي هذا لا يجوز يعني رجل بعمر ال60 سنة شدو بدو بالاب توب يعني ما بعرف الناس ليش هيك صارت بدون رحمة لازم يكون في مصروف شهري لهم فقط من كل الابناء وهيك بصير مبلغ منيح ويعيشوا على قد بساطهم شو هالحكي هيدا وما بنصحك اختي تفكري بالطلاق بس لازم تقوي شخصيتك وتوقلي لزوجك يكون في مبلغ شهري فقط لهم لان مصاريف الحياة صعبة كتير وخاصة بس يكون في اولاد صغار ما في مين يعينهم بس الواحد بس يكبر يتكل على نفسه وهم والدين وربنا وصى بالوالدين ولكن ليس بهذه الطريقة الرحمة حلوة وربي يرحم يلي بيرحم والله ان شاء الله بوسع عليكي اختي واحمدي ربك عندك ولد والان انتي حامل شوفي ربنا اختي بياخد من الانسان نعمة وبيعطي نعمة انا وضعي المادي جيد ولكن ربي لم يرزق لي ولد الى الان يعني ما حدا مرتاح اختي بنصحك تفكري بانك متدينة يعني عندك نعمة الدين والصحة وانسي الباقي وحاولي قدر الامكان تخففي عن زوجك بشتى الطرق وما تياسي وجزاكي عند رب العالمين باذن واحد احد وفي حل اخر اختي ليش ما تفكري تشتغلي مش غلط تشتغلي وتساعدي زوجك فكري باي شيء ولو صغير والصغير اكيد راح يكبر

لا يسعني الا الدعاء لكي بظهر الغيب ولا تنسي بان ان مع العسر يسرا

[ام علي الفلسطينيه]

شكرا كتير خواتي الكم انا مخلصه بكالوريوس تاريخ وجغرافيا وقدمت اكتر من مره الي 3 سنوات بقدم بس ما حد قالي وين انتي اشتغلت شهر بمدرسه بس بديله وساعدت زوجي وبعدها ما لقيت والله حاولت وهلاء مشان ابني وحامل وين اروح بابني وحماتي قالتلي اشتغلي ال واعطيني شهريه منك وبدير بالي على علي وانا اسمعت هالحكي بطلت اشتغل اتعب وابعد عن ابني وحامل وكمان اعطيهم شهريه زي زوجي شو استفدت بقعد وبلبس ابني وبطعميه احسن الي ومشكورين والله كتير نا ارتحت لما شفت ردودكم والله انتوا بالنسبه الي اهل جد

[حبيبة تيتو]

ان بعد العسر يسر .. والله حاسه بيكى
بابا الله يرحمه كان طيب اوى زى جوزك كده واللى معاه مش ليه وكان بيحب يساعد حتى لو اخر حاجه فى جيبه ومع كل ده محدش ساعده والله وانا صغيره افتكر بابا كان ايام كتير بيبقى مش معاه اى فلوس بس والله ربنا فرجها والحمد لله عيشنا عيشه كل الناس كانت تحسدنا عليها .... ربنا يعطى لجوزك الصحه ويرزقه برزقك ورزق عيالك وادعيله دايما اوعى تيأسى من رحمة ربنا

[احلى كرميلا]

شوفتي الغيوم لما تتركم على بعض وتسير سودااااااء وبعدها بينزل المطر وتطلع الشمس والزرع كدا حياتنا تتراكم المصايب والهموم وتصبح حياتنا سوداء لكن بصبر والحمة وبالدعاء ترجع الحياة تنور وتضئ وتملى حياتنا فرح وسرور اصبري واستعيني بالله وابدا لا تخلية شكوتك غير لله وهذا ماتعلمتة من حياتي

[ام علي الفلسطينيه]

ان شاء الله اخواتي وجزاكم كل خير على الدعاء الي هاد عندي بسوى الدنيا وما فيها الله يحفظكم ويخليكم

[عهد الوفاء]

حبيبتي انا كمان فلسطينيه وحاسه فيكي وفهمانه عليكي كل كلامك
بس والله اللي قهرني انهم بيدخنوا ...حرام يعني لو مصروف ضروري نقول معلش
كلمي جوزك بهدوء وقللوا المبلغ الشهري
وراجل كبير بالعمر شو بدو بالاب توب وانتو وضعكو هيك
الله يعينك اختي ...
واطمني حبيبتي كل ماضاقت كتير هيك الا مايجي الفرج
الله ييسر امرك

[sundy1]

اختي نصيحتي ليكي انك تصبري وتساندي زوجك وبدل ماتفكري ف الطلاق فكري كيف بدك تساعديه ودوري ع شغل وماتياسي ابدا بس الصراحة حماتك جبتلي الجلطة مكانك شو هاد وفوق ما ابنهم تعبان ليل نهار مشان لقمة العيش ليهم ولاولادو يدخنو كمان واحلى شئ حماكي عايز لاب توب وبعدين حكاية انك تشتغلي وتسيبي ابنك لحماتك وتديها شهرية احلى منهم كلهم هاي اوعى تعمليها فوق ماتبعدي عن اطفالك وتعبي نفسك تديها لفلوس بلاخير وبعدين هي بدخن يعني ممكن الاولاد يمرضو عندها باعزيزتي شو بدك تعملي اصبري وخلاص لانو الطلاق عمرو ماكان حل واديك مش لاقية شغل ممكن تطلقي وماتلاقي وتتعزبي انت واولادك خليك جنب زوجك طالما يحبك وادعي الله يفرجها هدعيلك بصلاتي وسامحيني لو حكيت كلمة مش مناسبة ع حماتك

[نبع المحبة]

الله يفرج عنج همج يااااارب ويسخر لج زوجك