دلع عادي جيبي العيد حبيبتي اهم شي القصه >>>>بالتفصيل الممل
قلب حبيبي ونبضه حزنتيني شكلي باحكي لك واخرعك نبدا بسم الله
طبعا الثامن والتاسع كله كنت عند اهلي وزوجي في مدينه ثانيه مدرس المهم قبل موعد الولاده بيومين جا زوجي واليوم الثاني كان يوم خميس بدا معي طلق في الليل الساعه 12واتصلت على اختي قالت احسبي له اذا كلن منتظم تراه طلق ولاده لاني ازعجتهم طول التاسع وانا اتألم وكله طلق كاذب فصارو يشكون في مصداقيتي خخخخخخخخخ
والله طنشت وصرت انام واصحا كل نص ساعه اتألم وارجع انام سبحان الله المهم الصباح الساعه سبعه جابت لي ام زوجي فطور الله يسعدها وافطرت وقمت امشي في الحوش والالم منتظم كل ربع ساعه وجابت لي قرفه وعسل الساعه 12الظهر زاد الالم ووداني زوجي المستشفى بالقوه خايفه ولا المستشفى بعيد تقريبا ساعه الا ربع وفي الطريق نتشاور اي مستشفى يوديني>> لسى ماقررت الاخت وقررت اروح خاص وعلى الطواري كشفو علي اول ماوصلت قالو الرحم مفتوح 6سم واستدعو الدكتوره جات عملت لي سونار عشان تتاكد من وضع الجنين بعدين اخذوني لغرفة الملاحظه وزوجي معاي اعطوني حقنه شرجيه واكسجين ومغذيه واخذو تحليل دم وجلست الدكتوره توسع المكان من تحت بيدها عذبتني وركبت جهاز على بطني وبعدين دخلت عود وفكت ماء الجنين كان دافي وبعدها بدا الالم الصدقي وجلست تقريبا ساعه وعلى غرفة الولاده وانا اتألم اول مادخلت اعطتني اكسجين وبعدين
ويبعدين خدرتني تخدير كامل >>>>يعني زيك ماعررف الولاده واتمنى حد يفيدنا باقي على ولادتي شهرين وخايفه بموت من الخوووف كاني بكريه
المهم صحيت وانا على سرير في غرفه ثانيه وزوجي عندي قلت له انا تعبانه قالي الف مبروك تراك جبتي ولد الحين يجيبونه لك وجابو اسم الله عليه الحين عمره اربع سنوات الله يحفظه وعرفت انه هاذي سياسة المستشفى البكريه يولدونها بتخدير عشان ماتتعب وينظفوها ويخيطوها بس هالمره مابغى تخدير ابد الا بعد خروج الجنين ابغى اشوفه واضمه واحفظ شكله عشان مايبدلونه خخخخخخخخخخخخ وتوته توته انتهت الحتوته
الله يسهل علي وعليك يارب ونشوف صغارنا ونحظنهم