عضوه جديده وأحتاج إفادتكم ( ممكِن)🌹

[أجمل إبتسامه]

السلام عليكم ورحمة الله وبركاته
حبيت استفسر عن بعض الشغلات وابغي مساعدتكم


اّْنـ♡̸̸̮̮̃ـا متزوجه من تسع شهور وانا وزوجي مستعجلين عالحمل صراحه☺
رحت لدكتوره فوزيه بمستشفى الاحمدي وطلبت مني اعمل تحاليل الهرمونات والحمدلله كلها سليمه ماعدا هرمون الحليب عندي29،65 نسبته شوي مرتفعه وعندي كمان ضعف في التبويض ونسبته 4،56 صرفت لي حبوب دوبرجين لهرمون الحليب وحبوب كلوميد
سؤالي
ابغى اتطمن استخدامهم مع بعض له اضرار جانبيه ؟
ولا افصل بينهم في المده
سؤال اخر
مدة استخدام الكلوميد عادة كم يوم واستخدامه يكون وقت الدوره ولا عادي
افيدوني جزاكم الله خير

[ياهم ربي كبير]

حبيبتي ماعندي علم
لاني ماعمري استعملت ادوية ولا رحت حق طبيب !!
طريقة اللي استخدمتها هي الميرامية وبعض الاشياء الثانية
الميرامية رح تنزل هرمون الحليب انصحك تستعمليها وهي منشط للتبويض معروف
انا استخدمتها مع حبة بركة و قرنفل ، والحمدلله جابو بنتيجة وحملت

اسأل الله ان يرزقك بالقريب العاجل ويفرحك انتي وزوجك
آمين

[أجمل إبتسامه]

مشكووووره أخت ياهم ربي كبير
بس كيف استخدم المارميه ومتى استخددمها
وانتي كان عندك ارتفاع في الهرمون وضعف في المبايض يعني نفس حالتي
وشكرا حبيبتي وربي يوفقك ويصلح ذريتك ويرزقني

[ام راكان 2012]

ماعندي خلفيه البنات انشالله بيفيدونك
للرفع

[ياهم ربي كبير]

أختي أجمل إبتسامه ..
ماعرف والله لاني ماسويت تحليل لا هرمون حليب ولا ضعف تبويض ، مثل ما قلتلك ولا عمري زرت طبيب ههههههه .. كل اللي اذكره اني كنت متأخرة عن الحمل وكل شهر اتأمل وتنزل الدورة بالأخير..

الميرامية يا اختي وايد معروف عنها تنزل مستوى هرمون الحليب وحتى اللي ترضع وحابة توقف رضاعة ينصح لها تشربو لانه بينشف الحليب اللي بالصدر .. وأيضا معروف عنه انه بيقوي التبويض وينشطه .. فـإن شاء الله يفيدك ..


المقادير اللي كنت استعملها هي:

ملعقة متوسطة ميرامية
ملئ ملعقة صغير كمون
ملئ ملعقة صغيرة حبة بركة
5 حبات بذور القرنفل اللي شكلها مثل المسامير

الطريقة:
تغلين ماي مقدار كوب
وتشيلينه من على النار
وتضيفي فوقيهم المقادير
وتحركي
وتحليه بالعسل
ثم تغطيه مدة 10 دقايق الى 15
وتشربيه

الاوقات:
من ثالث ايام الدورة لين يوم 11 او 12 للدورة وتوقفي بعدها
عدد المرات: مرتين باليوم مرة بالنهار ومرة بالليل

واستمري عليه حتى لو نزلت الدورة ماعليش استمري عليه الشهر اللي بعده ماتوقفي
انا شربته شهرين متتاليين وجابت نتيجة والحمدلله


ونبعض النصائح الأخرى المهمة واللي تساعد على الحمل :
- شيلي موضوع الحمل من الراس ، يعني لا تراقبي افرازات ولا اعراض ولا شيء لان هذا بخرب على الخطة .. فقط اشربي الخلطة هذي وكلي كويس وقت الدورة وتدفي زين وعيشي حياتك ..
- وفي ايام التبويض يعني من يوم 11 الى يوم 15 من الدورة في الجماع خليكي ع السرير لا تقومي بعد الجماع نامي كدا لغاية الفجر ، والفجر تحممي.
- وحطي تحت فخودك مخدة سميكة وقت الجماع وخليها حتى بعد انتهاء الانتهاء ، وارفعي رجولك
هذي نصيحة مهمة تساعد على مرور السائل الى قناة فالوب لتلقيح البويضة بسهولة ..

اتمنى اني اكون افدتك .. وان شاء الله تنفع وتجيب نتيجة وتحملي باذن الواحد الأحد
دعواتك اختي انه يثبت الله حملي ويتمم على خير

[أجمل إبتسامه]

مشكوووره ياعسل وماقصرتي وياررب يتم حملك وتفرحي بضمة البيبي لصدرك وربي يرزقني ويرزقك الخلف الصالح