كيف نتعامل مع اهل الزوج الي يموتون غيرة منك

[غرااام]

حبيت اطرح موضوع نتناقش فيه وكل وحده تنفع الثانيه
يابنات الموضوع جداااااااااااااااامهم واتمنى تتجاوبون
1-ياترى اين المشكله تكمن
2-ياترى مالخطوات المتبعه
3-ايش ممكن تسوي عشان تكسبيهم ومايزيدوا في غيرتهم
4-ولنفترض يوجد مشكلة مالحل
نقاط كثيرة لكن هذا الي جا في بالي حاليا
ياريت الي تكتب شي تكتب ولكن شىئ بالعقل ونابع عن حسن تصرف
طولت عليكم اعذروني

[أم منتظر]

يسلمووو على موضوع


لي عوده *__*

[عآشقة الجنآن]

1-ياترى اين المشكله تكمن
عندما يكبرون اهل الزوج شي بسيط لمشكلة كبيرة
2-ياترى مالخطوات المتبعه
بصراحة ماانادي زوجي لما يجلس مع اهله
واطنش زوجي لما اكون معاهم عشان مايقولوا انها تلمح بشئ
واني مااشتكي لاهل زوجي عن اي مشكلة حصل او اقول عنهم شئ عن نفسي لانهم ماراح ينسوا فعلك وراح يذكروا لك لما تصير معاكي شئ معاهم لاسمح الله
3-ايش ممكن تسوي عشان تكسبيهم ومايزيدوا في غيرتهم
انك ماتتكلمي عنهم من واء ظهرهم
وانك تخدميهم بقدر ماتستطيعين
-ولنفترض يوجد مشكلة مالحل
انك تحاولي ماتكبري المشكلة مهما كانت بس تاخذي حقك شوي شوي
واهم شئ رضا الزوج
وانا صار لي مشاكل مع زوجي بس توكلت ع الله لعلها خيرة واختبار من رب العالمين
وهذا اللي عندي واسفة ع الاطالة

[غرااام]

مشكورة على المشاركة والله يفرج همك ويحلها ربك من عنده وهاذا حال الدنيا

[غرااام]

بصراحه عني لما زادة الامور عن حدها وبالذات اني ماغلطت عليهم صار مايهمني إلا رضا عمي وعمتي والباقيين بالى هم وماأزورهم إلا في المناسبات لاني بكيدا أشتريت راحتي ورضا حبيبي ونور عيني

[PinkCherry]

اعاني من هالموضوع وهاي طريقة تعاملي معاه:
في البدايه ماكنت افهم ان الموضوع غيره .. يتكلمون من وراي و قدامي ويقولون لي كلام ماله اساس من الصحه مثلا اخت زوجي مو متزوجه تقول لي اذا تزوجت علميني شلون اغير زوجي واتحكم فيه وعطتني نظره وقالت اي مو الزوجه كل شي يعطونها ويسوون لها والخوات لهم الله!!!مع ان زوجي يصرف عليهم ولا في عمري قلت له لا تعطيهم مع اني مضطره اتنازل عن اشياء حتى هو يقدر يصرف عليهم!!
وكنت اسكت وما اقول له ان قالو لي هالشي او ذاك الشي ..ولا اقول له عن تصرفاتهم معاي مثلا لين اروح السوق معاهم اذا لبست شي اقيسه لازم يبون يشوفونه علي وياخذونه مني لين خلصت ويجربونه عليهم!!غير ان لما اييون شقتي كل شي يجوفونه يبون مثله واحسن..

بعدين فهمت الموضوع ..انه غيرانين مني..اولا من شكلي لاني والحمدلله الله عطاني الجمال ثانيا من زواجي لان اخوهم مدلعني ومهتم فيني ومو مقصر معاي لكن كل هذا لاني مهتمه فيه بالمقابل وما اقصر معاه في شي..ثالثا من شخصيتي..انه اللي في قلبي على لساني لكن بعقل شخصيتي قويه وآنه فاهمه لكل شي ومتفهمه لهالسبب عمي "ابو زوجي" يحترمني ولو هم ماسمح لهم يسوون شي او يروحون مكان اذا آنه بروح معاهم يسمح لهم لان يثق فيني وفي حسن تصرفي في الامور..
والحل بالنسبه لي انتي مهما سويتي مايفيد اذا هم يحسون بنقص لان مايغار الا اللي حاس بالنقص في داخله يعني جوفيني مع انهم مضايقيني في اشياء وايد مثلا يقطون علي كلام يحرجوني سواء برى البيت او داخله وماخذين من ميزانية بيتي لكني طيبه معاهم ما احرجهم قدام احد ولا اتدخل بينهم وبين زوجي اللي بيسويه لهم يسويه مايهمني ودايما اخدمهم في اللي يبونه مني واساعدهم ..لكن الغيره كل مالها تزيد ماتقل فأحسن شي تطنشييييييييييين لان مو الخطأ مني الخطأ منهم ..اللي علي اني اعاملهم بالحسنى اذا مو عشانهم عشان زوجي وفي الاونه الاخيره بديت اخبر زوجي اذا سمعت منهم كلام او شي يزعجني وافهمه في نفس الوقت اني احبهم وهم على عيني وراسي لكن في تصرفات ماتعجبني ومومقبوله منهم ..بهالطريقه اهو يعرف شاللي يصير في البيت بدون ما يتضايق وتحصلين فائدتين الاولى زوجج يوقف في صفج وتلاحظين انه يبتدي يدافع عنج اذا صدر منهم اي شي مو مقبول ولافائده الثانيه ان زوجج يقدرج ويحبج اكثر لانج ما سويتي له من الحبه دبه وماسببتي المشاكل بينج وبين اهله وهاي اهم نقطه انج تخلينه يحس انه مهما كانت في مشاكل تواجهه خارج البيت لما يرجع لج وحتى لو عندج مشاكل ماراح يحس بالضغط او التعب ومعاج بس راح يحس بالامان والراحه .
سامحوني على الاطاله وتقبلو تحياتي
pinkcherry

[أم الــجــوري]

هـذا آول رد لي بما آني جديدهـ وآعجبني الموضوع

يممكن ماتصدقوون لو أقوول كيف أنـا وأهل زوجي ولله الحمد سمن على عسسل

ومو بس أنـا حتى سـلفـآتي 00 حتى أخـوآته أوقـآت يكـونون بصـفي ضد أخوهـم

وربي لآيغير عليـنا 00

والله يعين اللي عندهم أهـل زووج نكديين ولا حموآت غيورآت

تقبلوا مروري ياقـمـرآت

[ام بيسوو]

السلام عليكم
كيفكم صبايا
هدي اول مشاركه ليه
وحبيت استفيد منكم
بالاحترام والطاعه
كل شي يهون

[جريحة المحبه]

اهم شي الوحده تكون ماسكه نفسها ومحترمه ولاتتدخل بااي شي يخصهم ولاتحرض ولدهم عليهم

حتى ماتدخل بمتاهات معهم وتنوي لهم الخير لا الشر واتمنى اني اكون كذا

الله يبعد عنا المشاكل يارب

[توتاn]

في البدايه
الوحده عشان ما تكرهم اكتر
لا تفكري انو غيره لا فكري انو الحساسيه المعتاده بين الحده واهل زوجه او زوجه الاخ
طبيعي بتكون في حساسيه لمن يشوفوا اخوهم كيف يعامل زوجه وكيف كان يعاملهم
لانو الرجال مع زوجه شى ومع اهله شى تاني
وهادا طبيعي
بس الوحده تتقهر على نفسهاا انو ليش يعاملني كدا ويعامل زوجه بشى احسن
انو انا اخته وانا اقربله وانو ايش ما صار احنا اخوان وانو زوجه باي وقت ممكن تتركه يعني المفروض يعاملني انا احسن
هادا تفكير الاخوااات
بس انتي عشان تطللعي انتي الاحسن
لا رحتيلهم او شفتيهم باي مكان خلي لسانك حلو معاهم عشان تكسري عينهم
وادا كان عندهم مشكله اوقفي معاهم واسالي عنهم احترام للرجال اللي مهنيكي ومدلعك
لا كان عندهم مناسبه خليكي اول وحده تخل عليهم بس لا تدخلي انك ضيفه لا انو انتي وحده من اهل البيت
بكدا تكسري عين الكل ويزيد حب زوجك لك