الاسبوع الواحد والعشرون

[ام ليووون]

كيفكم يا كروشات ياحلوين كيف النفسية تبعكم انا اليوم اول يوم في السادس من معي دخل اليوم وكيف البطن كبر ولا لا والسائل الي من الثديين طلع ولالا ونفسكم في الاكل تحسنت المهم ابي تفاعلكم معي الي بنفس الشهر تقول وش تحس فية. باااااااااااااي

[نوري101]

حبيبتي توك ع السادس
السادس تدخلينه لما تكملين 22 اسبوع ويوم
انتي شكلك تحسبين ان كل 4 اسابيع شهر
الحساب الصح كل 4 اسابيع و 3 ايام شهر

[ام ليووون]

اهلين نوري والله زي ما قلتي انا احسب كل اربع اسابيع شهر ليش الزام وثالث مدري اشلون حسابك على العموم الله يعين الجميع انتي باي شهر الحين اعطيني الي عندك ًً

[نوري101]

المشاركة الأصلية كتبت بواسطة ام ليووون

اهلين نوري والله زي ما قلتي انا احسب كل اربع اسابيع شهر ليش الزام وثالث مدري اشلون حسابك على العموم الله يعين الجميع انتي باي شهر الحين اعطيني الي عندك ًً

انا مثلك بالضبط
متى كانت دورتك ؟
انا كانت 24 / 12 هجري و 20 / 11 ميلادي
احنا لو حسبنا الشهر اربع اسابيع لقينا نفسنا وصلنا العاشر ماولدنا هههههه
عموما شوفي انا عندي جدول مفسم لكل شهر وش الاسابيع فيه
وملف اكسل مرة حلو ماعليك الا تحطينه بجهازك وتعدلين تاريخ الدورة فيه
ويصير يحسب لك من نفسه كل ماتفتحينه تلاقين حاسب لك

[لحظة إحسآس]

ياهلابكم
انا بالاسبوع الواحد وعشرين كروشتي كبرت شويااات وملابسي ضاقت
بس ماحس اني بخلص الخامس وبدخل السادس لان بطني صغيرون كاني بالرابع
//
بالنسبه للسائل؟؟
اول مره اسمع انه يطلع

لانه اسمع يطلع بعد الولاده مو الحين..
ويعطيك العافيه نوري علئ الجدول
اجل متئ ولادتكم ؟/
انا بواحد شوال ان شاء الله

[نوري101]

لحظة احساس دامك بتولدين بـ 1 شوال انتي بالاسبوع 22 باين من شريط حملك
باقي يومين وتدخلين السادس
انا بعدك بأسبوع انا موعدي 9 شوال بس هالمواعيد هي آخر يوم بالتاسع
يعني الولادة متوقعة من دخول التاسع يمكن تولدين في رمضان
وبالنسبة لكرشتي كبرت اول مادخلت الخامس وبعدها ثبتت بس ترى مانحس
اللي يشوفنا بعد فترة يحس بالتغير
والحليب فيه ناس يبدأ يطلع لهم من الثالث او الرابع انا للحين
بس الحلمة صايرة جافة وتتقشر :(

[لمِيس]

أنا معكن بالاسبوع 21 وولادتي 21 - 8 إن شاء الله وبتكون 2 او 3 شوال

بطني الحمدلله كبرت والنونو كمان حركاتو صارت واضحة بس لسة ماصارت قوية بسبب موقع المشيمة صار يضرب فيها

السائل لا ماطلع ومو شرط يعني في ناس لما يولدو يطلع وناس يطلع من وقت الحمل

نوري، لازم ترطبي الحلمات بزيت زيتون او زيت جونسون، أنا من ساعة ماعرفت إني حامل بديت ارطب الحلمات مشان ماتغلبني في الرضاعة، وحتى البطن لازم ترطيب لان ممكن يتشقق

[دروووب]

مرحبا حبيباتي انا بعد بالأسبوع الواحد والعشرين واخر دوره لي بتاريخ 20/11/2012م ومتوقعين لي اولد بتاريخ 26/8/2012م وبالهجري 10 شوال 1433هـ وطبعا شهيتي فالكل كبيرة كل ساعه اجوع والثدي عندي ما طلع سائل ومثل ما قالوا الحوامل انه ما ضروري يطلع ففترة الحمل بعضهم بعد الولاده ومثل ما قالت لميس الأفضل انك ترطبي الحلمه بزيت الزيتون وانا عن نفسي ارطب كامل جسمي بزيت الزيتون عشان ما يصير عندى تشققات ان شاءالله واذا على الحركه فبداء يتحرك من الشهر الرابع بس حركه بسيطه ولما دخلت الشهر الخامس حسيت بأنه يرفس بس رفس خفيف والله شعور حلو الله يرزق كل محرومه والله يسهل علينا الحمل والولاده

[نوري101]

لميس ودروب الله يسعدكم
بالنسبة للبطن والله ادهنه بزبدة الكاكاو بس الصدر كنت ادهنه بس مليت
لانه لازم شوي ماتجيه الملابس عشان مايروح فيها الكريم ههههههههههه
الله يسهل علينا ويتمم لنا على خير يارب بالطفل التام السليم المعافى