السلام عليكم ورحمة الله
مرحبا يابناااات
انا اختكم عاشقة الجنة متزوجة ماشية فى السنة الخامسة زواج ولله الحمد عانيت كتير مع الدكاترة بأخذ منشطات وابر تفجيرية وحبوب لتنزيل الدورة وعدم تنظيم الدورة
وياما شفت فى السنتين الاولى من الزواج بعد السنتين عملت اشعة الصبغة ونتيجتها انها كانت عندى التصاقت خفيفة فى الانابيب وكان عندى هرمون الحليب مرتفع والحمد لله اخدت العلاج وانتظم الهرمون
بعد اشعة الصبغة بشهرين حملت والدورة اتأخرت عليا 12 يوم ومارضيت اعمل الاختبار لان الدورة كانت غير منتظمة كل شهر تتأخر اسبوعين او 21 يوم
فالمهم الشهر ده كنت حاسة انى حامل وان بطنى مشدودة ومغص يروح وييجى فى اليوم 13 عملت الاختبار الخط ماظهرش الا بعد 3 دقائق كان خط خفيف
يومها الفرحة ماكنت قادرة اوصفه لكم كان منايا انى اشوف الخط التانى وللاسف الفرحة لم تكمل بعدها ب 3 ايام الحمل نزل ورحت كشفت وقالى انه كان حمل وكان ضعيف ونزل الحمل والشهر اللى بعده الدورة نزلت والشهر اللى بعده اخدت منشطات وابرة تفجيرية ودوفستون مثبت والدورة اتأخرت خمسة ايام ورحت للدكتور وعملت التحليل عنده قالى مبرووك بصراحة انا كنت خايفة ومافرحت اوى كنت خايفة للحمل ينزل زى اللى قبله وتابعت مع الدكتور وكل اسبوع كنت اروحله علشان يطمئن على الحمل وانا كل يومين او ثلاثة اعمل اختبار الحمل علشان اطمئن ان الحمل لسه موجود
وكان يجينى مغص شديد فى بطنى وفى ظهرى واخاف واقول خلاص الحمل هينزل
بعد شهر ونص من الحمل بدأ نمو الجنين يقل اصبح ينمو ببطء وكان الدكتور خايف وانا كنت مرعوبة وللاسف فى اول الشهر الثالث الحمل نزل وللاسف كان توأم ونزل قطعتين واول ماشفتهم حزنت بس قلت الحمد لله راضية بقضائك ياااااااااارب
عمرى ماانسى اليوم ده انا لسه حافظة تاريخ نزولهم لحد الحين باليوم وبالساعة وبالدقيقة ولم يحصل حمل بعد كده الا بعد مرور سنة وايضا نزل فى اوله
يعنى مابلحقش افرح بحملى ولحد الحين ماحملت بقالى سنة من الحمل الاخير ماحملت ومازلت متابعة عند الدكتور ومن شهرين فاتوا عملت عملية منظار جراحى على الرحم لمعرفة السبب وطلع عندى تكيسات كثيرة على المبيض الشمال وكيس دم على نفس المبيض والدكتور فرغهم وكواهم وعملى اشعة بالصبغة قبل المنظار وبعد انتهائه من المنظار وعانيت كتير بعد العملية من وجع والم
طبعا الدورة اتأخرت بعد العملية ب 11 يوم وده معروف بسبب المنظار وتابعت مع الدكتور من جديد الشهر اللى فات وكتبلى على كلوميد وابرة تفجيرية وكانت البويضات حجمهم جميل كان فى بويضة فى اليمين حجمها 20 وعلى الشمال حجمها 21 وكانوا فى اليوم 11 من الدورة والدكتور متبلى على ابرة تفجيرية واخدته فى نفس اليوم كان التبويض مبكر عندى
وكانت المفاجأة ان زوجى عمل تحليل وطلع عنده ضعف فى حركة الحيوانات المنوية نسبتها 23% فقط لاغير
حزنت كتير وقلت تعب العملية راح هدر كنت قرأت على النت ان نسبة الحمل بعد عملية المنظار بتكون سريعة ولكن المشكلة ان زوجى لازم يتعالج لفترة علشان الحركة تزيد
ورغم ذلك كان عندى أمل انى اكون حامل الشهر ده وحسيت بأعراض الحمل ولكن للاسف نزل عليا أمس نقطة بنية واليوم بدأت تنزل افرازات بنية خفيفة انا عرفت انها الدورة لانها بتبدأ معى كدا فى الاول وبعد كده بتنزل
كنت ناوية اعمل اختبار حمل غدا قبل ذهابى للدكتور يوم السبت الجاى
بس للاسف ماراح اعمله لانها جاية جاية وموعدى عند الدكتور يوم السبت لنبدأ تانى بالعلاج
انا آسفة لإنى طولت عليكم
بس انا كنت حابة افضفض معكم انا حكيت لكم باختصار
فادعولى بالحمل الثابت السليم خلال الشهرين دول لان زوجى رح يسافر برا بعد شهرين ومش هشوفه الا بعد سنة وكده خلاص لو ماحصل حمل بيكون تعب العملية راح والعملية راحت عليا
ادعووولى يابنات بالله عليكم
وانا آسفة مرة تانية لإنى دوشتكم معى
اختكم / عاشقة الجنة