زنقه التجهيزات

[دلع بنوته]

بنااااااااااااااااااااااااااااااااااااااااااات انا حامل ببدايه الثامن وكل ما اروح المستشفى يقولون لي رجول البيبي مسكرة مانقدر نبين الجنس مع العلم ان في دكتور في نهايه الخامس قالي بنت بنسبه ميه بالميه من بعدها كل ما اروح يقولون مو واضح وانا ابي اجهز الحين
والمشكله الثانيه ان زوجي عليه ضغوطات من ناحيه الفلوس وانا ابي اشتري ماركات مثل سنتربوينت ومذركير ورد تاغ والمحلات هذه معروفه اسعارها نااااااااروجلست احسب من هنا ومن هنا مافي اي مخرج اقل شي للبيبي الفين ريال واغراضي الف والمفرش الف والحلويات والتقديمات خمس ميه واغراض العطار خمسميه ايش اسوي لاتقولون لي اشتري من محلات عاديه لاني ما ابغى لاقولي حل الله يخليكم وهل بيمديني لو اشتري حبه حبه مثلا اشتري اغراض البيبي من الراتب هذا والراتب الجاي اغراضي والمفرش واذا قربت ولادتي اغراض التقديمات مع العلم ان الراتب الثاني بينزل وانا بالتاسع بالله ساعدوني اختكم بحاجه للمساعده وباسرع وقت

[مـثـل الـقـمـر]

المفروض خيتو من شفتي الوقت يمشي وانتي ماعرفتي الجنس على الاقل شغلات محايده

لاتتضايقي ولا تفكري الحين في ماركات لان البيبي لسه مولود وطول الوقت ملفوف ماحد يشوف ملابسه

اشتري الشغلات الضروريه وحتى البانيو موش مهم عشان سرة البيبي وعشان لسه صغير اشتري اسفنجة استحمام وخلاص

وحتى الشنطه اجليها لان ماراح تطلعين الايام الاولى وخليها الراتب اللي بعده او اي شنطه وخلاص

يعني انتي الحين شوفي الاشياء الضروريه اللي ماتتأجل والاشياء اللي ممكن تستغنين عنها او تاجلينها

والمفرش الف ريال لفترة الاربعين وبعدين خلاص يصغر عالبيبي وماراح تطقمين فيه الا كم يوم وماراح تقدرين تستخدمينه بعد الاربعين حرام خذي لك بداله طقم بطانيه ولحاف ومخده شكلهم حلو وطقمي معاها باقي الالوان

واقتصدي خيتو ولاتهمك المظاهر والتبذير

هذا اللي اقدر اقوله لك وشوفي المحلات يمكن الحين عندهم تخفيضات وخذي قطع بسيطه تكفي شهر والرواتب الجايه دلعي نفسك انتي والنونو

موفقه ياقلبي وربي يسهل عليك

[دلوعة الشهري]

خيتي مثل القمر معها حق

ونا مثل حالتك ياقلبو ولازم نقدر الزوج والنونو يكون ملفوف مايبن اذا اخذتي غالي او رخيص

اناا شفت شغلات مرة حلووة في الهرم واسعارها معقووووله

وقدامنا شهر شوال لاتنسي والبيبي راح يصغر عليه الملابس


حلوة الاقتصااااد وربي يفرج عنا ويسهل لنا يارب

[مناير999]

شوفي قلبي
المولود طول الوقت ممهود
ماحد شايف لبسه غالي او رخيص
شوفي موضوعي نزلت مشتريات من الهرم
ماتوقعته كذا بصراحه فيه اشياء خايسه لكن لو بحثتي تلاقين قطع قطنيه ناعمه واسعارها رخيصه وبعضها والله شايفتها نفسها بسنتر بوينت ضعف السعر وحاطه صورها ....
بس يبي لك تروحي وتفتشي على اقل من مهلك وبتحصلي اشياء حلوه تكفيك بالاربعين لان اصلا ماحد بيشوف لبسه
اذا تجاوز الشهرين ساعتها اشتري ماركات براحتك وماتكوني مزنوقه بالميزانيه ....اعرف كثير جهزن ماركات والبيبي كبر بسرعه وتحسفن
ماحد شاف لبسه طول وقته بالمهاد ...

وحتى قمصان الرضاعه عندهم تشكيلات منوعه واسعارها بحدود 50 ريال تقريبا ونفسها بالسوق فوق 100 شايفتهن بنفسي ....



والتوزيعات انتي سويها بنفسك ...ابحثي عن طرقها بالنت تراه سهله وبسيطه وماتكلف ...


والمفرش ابحثي عن واحد ناعم وقطني ويفضل الابيض الساده او تشجيرات ناعمه ترى الناس تركوا المفارش الدفشه المطرزه غاليه وشكلها مزعج وموضتها قديمه ....

[رغدالشرقية]

اناااقولك اللغي التوزيعات ومفرش النفاس

ترا ولله زيادة فلوس على الفاضي اشتري لك مفرش لك من سنتر بوينت هادي وانيق
والتوزيعات خلك منها يكفي ضيافه عاديه

والهرم فيه اشياء روعه وروحيوقضي اللي تقدرين عليه والباقي وزعيه على محلات الماركه

[مناير999]

ايوه بقولك من ناحيه جنس الجنين اشتري محايد اذا انتي شاكه احتياط
لكن والله اعلم انها بنوته نهايه الخامس وبدايه السادس افضل وقت لمعرفه جنس الجنين يكون واضح ومكتمل
غير ان الولد يبين اعضائه مادام حملك متقدم حتى لو مسكر رجوله يكون واضح العضو الذكري
لكن البنت لاسكرت رجولها مايشوفون شي لان مافيه شي نازل وبارز ..
فاتوقع انها بنوته مثل بنوتتي الحلوه اللي انتظرها
والله يقومنا جميعا بالصحه والعافيه

[دلع بنوته]

بس وين احصل محلات الهرم في ابها ماظني موجوده

[بشرى الحمود]

البنات وفو وكفوو...
ونصايحي
اولا
بس خذي مفرش..عادي ناعم وحلو ابو 200 وكذا..وروحي محلات ابو ريالين وخذي سلة زباله وسلة لاغراض بنوتك ..بس
ثانيا
روحي الهرم حلو ورخيص.. وخذي ملابس النونو واغراضه كللللها بس الي تعجبك من ناحية الخامة والقطن ..وسلة النونو ويكون لونها نفس المفرش واهم شي عشان الميزانه لا تكثري ولا تاخذي اشياء تعرفي ماراح يحتاجها الا بعد كم شهر خليها
مثل
حوض الحمام لانك بتتحمييه عللى المغسله لاني صغير ومايسوي يطول في حمامه تغسيل سريع وبس على المغسله
بشامبو جونسون بدون اسفنجه لان جسمة ناعم بس روشيه بايدك وبسسسس ومايحتاج لوشن وتعطير وزيت وخرابيط ولا بودرة حتى اذا خفتي من الحفى يجيه وكذا عليك بالنشاء وبس

ثالثا

روحي سنتر بوينت خاماته ممتازة واسعاره مناسبه وكملي منه واختاري الوان محياده مثل ابيض- بيج -تفاحي -اورنج- احمر- كله يمشي بناتي وولادي ومحد راح يشوف لانها مللفوفه في المهاد ..واذا ودك ونفسك في الوردي خذي واحد او ثنين وردي لاني احس انها بنوته..دايم البونات مقفلين رجولهم..^.^

رابعا الصيدليه ..
خذي الاشياء الي متاكده راح تحتاجيها من اول ماينولد..اما الباقي خليه وحده بوحده مثلا احتجتي شفاطه حليب ارسلي احد يجيب..ولا تشتري غسولات وخرابيط خليك على المرة واي شي تحتاجه ارسلي في وقت نفاسك ..والخ

خامسا واخيراا
التوزيعات اذا يهمك وزعي شكولاتات من محل حلوو ومميز وخلاص


يعني في النهايه فكري في الاهم لفترة لنفاس وبسسسس..

ولاحقه على كل شي ان شاءالله ...

[بشرى الحمود]

ابحثي في قوقل عن سوق الهرم في ابها

[دلع بنوته]

رفع رفع رفع