تجمع قسم النفاس,تجمع خاص لنفوسات

[**سماسم**]

بسم الله الرحمن الرحيم هذا التجمع وضع من أجلكن لتبادل الخبرات والمعرفه بخصوص فترت النفاس .. ونتمنى مراعاة الآتي حتى لاتتعرضين للتوقيف والحضر من المنتدى : عدم التدخل بخصوصيات العضوه . أحترام وجهات النظر وعدم الشتم والتجريح والكلمات الغير لائقه لأي عضوه . تبادل الإميلات والأرقام وروابط المواقع داخل التجمع ممنوع . يمنع مزاولة أي نشاط تجاري داخل التجمع ولا سوف يعرض صاحبتة لتحرير والتوقيف. يمنع التطرق والتعرض للأعراض أو للعنصريه أو للقبليه أو الطائفية والتي بها تجاوزات دينيه وسياسيه. يمنع فتح تجمعات إلا بعد التنسيق مع مشرفات القسم أو الإداره . نتمنى التعاون معنى وأتباع قوانيننا التي وضعت من أجلكن لتتمتعن بدردشه راقيه وذات فائده ,,

[زهرة الموسم]

سلام مامات وينكم تجمع محرررررررررم تعالووووووووووو
افضل انو انفتح دا التجمع عشان مانفترق تاني ويجونا امهات جدد

[Baby doll]

مرحبااااا زهرة كيفك وكيفك تالين
خبريني هدي صورتها ..؟؟؟؟
الله يخليها ليكي وتفرحي فيهاا

ثانكس سماسم ع التجمع ..

[زهرة الموسم]

اهلين بيبي ..
الحمد لله طيبين
ايوة هادي صورتها:)
انت كيفك وكيف روافي كم سار عمرو

[زهرة الموسم]

بنتي فيها زي الحساسيه في بطنها وصدرها مااعرف من ايش يمكن الحليب ضرها في احد سار لطفلتو او طفلها زي كدة
وديتها المستشفى جهة الطوارئ قال الدكتور حرارتها كويسه ووزنها كويس وسمع صوت صدرها بلسماعه قال كل شي تمام يمكن لحستيها اكل ولا موز وطبعاً قلتلو لاء لانو مابعطيها غير صدري ورضعه وحدة بليوم صناعي الحليب الي بستخدمو رونلاك كنت استخدمو لولدي ومرررة ناسبو قلت اتركه دا الاسبوع واشوف النتيجه يروح ولا لاء

[Baby doll]

اهلين فيكي ياذوق
انا بخير وروفي يسلم عليكي
سار عمرو دحين شهر وعشرين يوم ..

اليوم طهرتو والمسكين مو قادر يرضع وبس يبكي
يادوبك دحين نيمتو حتى ماشرب حليب كفاية لانو تعب من كتر البكى ونام ..
دعواتك يخف الالم عنو وترجع تنفتح نفسو للحليب ..

انتي قصدك حساسية بالجلد ..؟؟ او صوت بصدرها وكحة ومن كداا ..؟؟
بكل الاحوال الف سلامة عليها وماتشوف شر .. والله ولدي مسكين نومتوا اسبوعين و3 ايام بالحضانة .. الاسبوع اللافات خرجتوا ..

[زهرة الموسم]

سلامتو مايشوف شر الله يشفيه يااارب ويتعافى بسرعه والله التطهير همو همم وقلق الله يكون بعونك
ايوة حساسيه بلجلد داخليه كانو بلدم

[Baby doll]

يمكن لانك تكوفليها كتير وتحتر البنت ..
ادهنيلها جسمها بعسل دوبيه في موية زمزم وادهني جسمها كلوو
واتركيه ربع ساعة عليها لفيها في منشفة وسيبيه وبعدهت اشطفيلها بموية زمزم
موية زمزم غنية بالاملاح يعني لو جلد بنتك فيه اي ميكروب مسبب لها الحساسية الموية ح تقتلها

والف سلامة عليها مرة تانية ..

[@@الجوووري@@]

ويني فيه ؟؟ << كل شوي لها مكان

[Baby doll]

هههههههه
نورتي ام خالد ... خالد اسمو ولدك والا انا غلطانة ..

كيفك خيتوو طمنيني عنك وعن النونو .. بدأ يناغي والا لسى،؟؟؟