تجمع الجزائريات الغاليات المتأخرات في الحمل ‏

[AMAL JADID]

المشاركة الأصلية كتبت بواسطة عبير الحرية

اختي الكريمة اذا حبيتي تنبهينا شكرا لك لكن تمنيت لو كان بطريقة افضل

او لاحظتي شئ ماشي نورمال

على كل حال البنات هنا كامل ماشاء الله عليهم

ماهمش بالمستوى حتى ما يقدروش يفيقو لعفايس كيما هذه

مشكورة للتنبيه

المنتدى مفتوح اي شخص يدخل و يقرا واش تكتبو و اي شخص يقدر يسجل حتى رجال
وهادي متحتاجش نقولك عليها او كي نقلك نخلعك
تبادلو معلومات بلا ذكر الهويات تاعكم و لا حاتى حاجة تعرف بيكم لا رقم و لا ايميل ولا سكايب و لا فايسبوك
و نزيد نخبرك بشئ انتي الحمد لله عندك الذرية بصح كيما حالتي انا و غيري تقولي اشربي السم ترفدي يديروها ماشي لدرجة السم بصح يجبدولك وصفات راسك يحبس

[lamia zina]

شكرا امل على التنبيه بصح هذا التجمع راني على يقين بلي كامل في المستوى و ان شاء الله يدوم عشرتنا

[AMAL JADID]

المشاركة الأصلية كتبت بواسطة lamia zina

شكرا امل على التنبيه بصح هذا التجمع راني على يقين بلي كامل في المستوى و ان شاء الله يدوم عشرتنا

الحمد لله

حتى نور اليقين شكرتكم بزاف و قاتلي بزاف مبنتيش

لازم نتبادلو الخبرات انا كل مرا نتعلم حاجا و نحب نتبادلها معكم

[عبير الحرية]

المشاركة الأصلية كتبت بواسطة amal jadid

المنتدى مفتوح اي شخص يدخل و يقرا واش تكتبو و اي شخص يقدر يسجل حتى رجال
وهادي متحتاجش نقولك عليها او كي نقلك نخلعك
تبادلو معلومات بلا ذكر الهويات تاعكم و لا حاتى حاجة تعرف بيكم لا رقم و لا ايميل ولا سكايب و لا فايسبوك
و نزيد نخبرك بشئ انتي الحمد لله عندك الذرية بصح كيما حالتي انا و غيري تقولي اشربي السم ترفدي يديروها ماشي لدرجة السم بصح يجبدولك وصفات راسك يحبس

تبادل المعلومات الشخصية او الارقام او العناوين تبقى امور شخصية و قناعات و حريات

اما بالنسبة لي انا نحب اخواتي هنا هذا الي خلاني مشتركة بهذا التجمع

و هذا لا يعني اني ما نحسش بيهم

لقيتهم ايامات الشدة كانت عندي مشاكل ووقفوا معايا

اما عن اخذ الوصفات او غيرها الحرام بين و الحلال بين

[AMAL JADID]

المشاركة الأصلية كتبت بواسطة عبير الحرية

تبادل المعلومات الشخصية او الارقام او العناوين تبقى امور شخصية و قناعات و حريات

اما بالنسبة لي انا نحب اخواتي هنا هذا الي خلاني مشتركة بهذا التجمع

و هذا لا يعني اني ما نحسش بيهم

لقيتهم ايامات الشدة كانت عندي مشاكل ووقفوا معايا

اما عن اخذ الوصفات او غيرها الحرام بين و الحلال بين

كي كون الشخص داخل بنيتوا و ميعرفش الواجب واحد بنبهو هادي مفيهاش قناعات شخصية كلي كامل راهم واعيين لواش راكي تقولي
يقدر واحد يسجل فيسبوك بءسمو الشخصي و يدخل و زيد يخلي الناس يشوفو احبابو و اصحابي و تصوري لو يطيحو هادو المعلومات عند عديانو

اما عن الوصفات مادخلها في حرام و حلال وصفات تضر ميعرف بيها غير شخص واعي

مثلا تقلك انا رفت و جربت طريقة الثوم تشوي ثوم و تديريها تحاميل هادي تضر عطيتك مثال فقط
او تقلك جربي الشب الخ ,,,

و المنتدى الي كان سابقا في حوامل كان يضم اكثر من 10 بنات تقريبا او اكثر و غير الي كانو يدخلو يسءلو و يروحو

[AMAL JADID]

اي واحد يكون مضرور حتى غريب تحسي بيه و تتفاعلي معاه و كاين الي يستغلو هادا الشيء فينا
تصوري كانت معانا بنت تشتكي دايما بمشاكلها و حالتها بنتضار الحمل و كانت تشتكي من التهابات و غيرها مدة طويييييييييلة جداا تقريبا اشهر انا اصلا كي سجلت كانت هنايا
في الاخير اتضح انها مريضة نفسيا انا كلمتها شخصيا بالصوت و نتاقشت معاها على مفاهيم بزاف
و في الاخير قاتلنا انها عندها اولاد و دخلت برك جوز بينا الوقت

[عبير الحرية]

المشاركة الأصلية كتبت بواسطة amal jadid

كي كون الشخص داخل بنيتوا و ميعرفش الواجب واحد بنبهو هادي مفيهاش قناعات شخصية كلي كامل راهم واعيين لواش راكي تقولي
يقدر واحد يسجل فيسبوك بءسمو الشخصي و يدخل و زيد يخلي الناس يشوفو احبابو و اصحابي و تصوري لو يطيحو هادو المعلومات عند عديانو

اما عن الوصفات مادخلها في حرام و حلال وصفات تضر ميعرف بيها غير شخص واعي

مثلا تقلك انا رفت و جربت طريقة الثوم تشوي ثوم و تديريها تحاميل هادي تضر عطيتك مثال فقط
او تقلك جربي الشب الخ ,,,

و المنتدى الي كان سابقا في حوامل كان يضم اكثر من 10 بنات تقريبا او اكثر و غير الي كانو يدخلو يسءلو و يروحو

رانا في عالم افتراضي يعني مافيهاش تدخلي بنيتك الي زلق طاح

و الي يحط معلوماته يتحمل العواقب

قتلك الحلال بين و الحرام بين فقط ضربتلك المثل

تقولك كولي سحلية او ضب مشوي مستحيل تديريها رانا في 2014

و العلم تطور و ما كانش العقم راهو عدم الانجاب

على كل حال انا اعتذر اذا هدرتي قاساتك لكن يا اختي الكريمة

نحن هنا باه نفيدو بعض من غير مصلحة و ربي يرزقك و البنات كامل الذرية الصالحة

و بلاكي من تخلاط الوصفات

ودي

[AMAL JADID]

ميحس بالجمرة غير الي كواتوا

نتذكر مرة دخلت اخت للمنتدى وكانت في السبيطار هاديك المدا كلينيك و كانت في حالا وراتلنا التحاليل تاوعها

كانت حامل في الشهور الاولى بصح واضح من التحليل انها جربت المنشطات و محفزات التبويض و بدوز كبيرا بزاف كانو المبايض تاوعاها خلاص راحين يتفجرو و كانت في وضع حرج كي سءلتها وقتلها جربتي كذا و كذا قتلي ايه انا درت كامل هاداا الدوا حبيت نرفد
قتلها بلي راكي عرضتي روحك للخطر
دخلت تسقسي غير على الحمل خافت عليه و نسات نفسها
تصوري غيرها تقوليلها سحليا تاكلها ,,,

وحدا قاتلي و تحلف بربي بلي رفدت بالشما ربي يهدي ماخلق الشما ؟؟؟؟

انا راني بلغت حتى انا دخلت سابقا بنيتي و كنت نحكي من قلبي وكنت نتبادل مع حباباتي كلش و كانو خياتي في المنتدى ماشي صديقاتي برك و مازلنا الي اليوم نهدرو في الهاتف و نتزاورو

[احلى شيء الاموموة]

اختي لامية ربي يفرحك ويعوضك ان شاااء الله....
انا راني مع سورة البقرة نقراها كل يوم ربي يقدرني ان شااء الله على المداومة....
واذكار الصباح والمساء ....ورقية تثبيت الحمل ...هزيتها من اليوتيوب والرقية لي عطاتهالي صبورة ربي يفرحها ان شاء الله....والدعاء والذكر والاستغفار ....ربي يقبل مني ان شااء الله ربي يكمل فرحتي ويتمم على خير....ربي يفرح كل محرومة يااا رب
الاخت امل ...انا نعطيك الحق في كل ما قلتيه اي واحدة فينا لازم تاخذ احتياطها ما فيها والو هاذي وربي يعطينا على قد نيتنا مي انا نضمن في هذا التجمع بنات لي فيه الكل ما شاء الله ربي يجمعنا بالناس الطيبين ويبعد لينا اولاد الحرام لي ما يخافوش ربي...
عبير انا تاني راني معاك لبنات الكل ربي يفرج علينا ويفرحنا وربي يجمعنا في الاخرة حنا تجمعنا على وجه ربي وما عندنا حتى مصلحة والا نية خاسرة ....وكلهم كلامهم موزون واخلاق عالية وكلام طيب ...من يوم دخلت هذا المنتدى ما شفت واحدة كتبت كلام فاحش والا خاسر ....ان شااء الله نكونوا طيبين عند ربي ...
ربي يدوم العشرة الطيبة بيناتنا ....ويفرح قلوبنا بللي نتمناوه....

[alma021]

المشاركة الأصلية كتبت بواسطة amal jadid

انا كي سجلت في وقت تعرفت على بزاف بنات كانو كامل عندهم نفس المشكل و حتى وحدا مكانت تعرف ختها من مكان وحداخر كنا كامل تلاقينا في التجمع

بصح دخلو بنات مراض نفسيا ولا مهابل
ولاو يدخلو و يلعبو على المورال و كنا حتى نتبادلو السكايب الفايسبوك
و دخلو يهبلونا ويلعبو على المشاعر و تهديدات و يتناقلو حتى امورنا الشخصية
ووحدا تحلفت فينا تروح تواسيلنا سحاحر
ووحدا كان راجلها يصنت علينا في سكايب و يكتب هو مرات و كي فقنالها وواجهناها قالت هو ماشي انا انا خاطيني

علاداك كرهنا التجمع و خرجنا وكل وحدا وين راحت
كاين الي تبادلنا الكونتاكت و تلاقينا وكاين الي شكينا فيهم و كتن ولاو يدخلو فشعال من اسم
ولينا منردوش في هاداك الوقت لانهم مثلا تدخل وحدا تقولنا اعملو هاديك الوصفا و تشوفي الوصفا مضرا ماشي مليحى و مرات بدعية
وخلي و خلي

شكرا اخت امل على التنبيه وكيما قالت عبير رانا في عالم افتراضي وتبادل المعلومات الشخصية حرية كل واحد فينا وعلى الوصفات اللي يذكروهم هنا يا اختي كل واحد و ثقافتو و قناعتو الشخصية انا كي يقولولي ديري هديك الوصفة مش راح يسيفو عليا بسيف نديرها على العموم بارك الله فيك علابالنا بللي بزاف يصراو كيما راكي تقولي ربي يبعدهم علينا وخلاص
انا مللي دخلت هنا للتجمع الحمد لله قاع لبنات ماشاء الله عليهم اخلاقا ومكان حتى وحدة خسرت مع اختها

المشاركة الأصلية كتبت بواسطة amal jadid

انا هادي الحالة راني نشك فيها مرات تجيني دورا غريبة

نعس بدرجة الحرارة نلقاها متهبطش و تكمل حتى للدورا تهبط
ومرات لالا تهبط درجة الحرارة عادي قبل الدورة بيامات و نعرف بلي راحا تجيني
والايام الي متهبطش فيه نحس بصدر و حرارة و بعض علامات الحمل و تختفي و تجي دورا غريبة دم و ريحا و حتى افراازات

لالا اختي امل انا دايما تبقى درجة الحرارة تاعي مرتفعة حتى لنهار اللي تهبط الدورة باه تهبطلي وعندي تقريبا عام نقيس فيها جامي ماهبطتلي قبل الدورة مش معناتها كي ماتهبطش درجة الحرارة صرا حمل