تجمع الجزائريات الغاليات المتأخرات في الحمل ‏

[أمة الرحمان السلفية]

لبنات اسمحولي روح ندير العشا سلاام

[أمة الرحمان السلفية]

المشاركة الأصلية كتبت بواسطة سهام فرنسا

أممممممم و الله غير يعطيك الصحة و الله غير يهبلو فوووووووووووووور
حوايج نقلك الصح جامي جربتهم بربي إن شاء الله ندير كل يوم حاجة
عجبني بزاف الزيتون المغلف حاجة جديدة و هايلة

الله يسلمك حنونة تع صح يجي روعة اطلبي برك حنونة كل شيئ يجيك انا راني ديرة مجلدات تع طبخ وحلويات المهم هني ريحا ندير عشيا واذ دخلت صبورة غير قليلها تلبس الحويج بزاف باش ماتمركيش العضة مليح

[سهام فرنسا]

المشاركة الأصلية كتبت بواسطة أمة الرحمان السلفية

الله يسلمك حنونة تع صح يجي روعة اطلبي برك حنونة كل شيئ يجيك انا راني ديرة مجلدات تع طبخ وحلويات المهم هني ريحا ندير عشيا واذ دخلت صبورة غير قليلها تلبس الحويج بزاف باش ماتمركيش العضة مليح

خلاص عليا نقلها غير أهربي كون تحكمك أمة طفرها فيك هههههههههههههه

[bassouma]

سهومة يعطيك صحة لي طمنتينا على بسومة ربي يشافيها
سمراء ربي يسهل و تجي سكنا و ولاد و كلش مع بعض
أم نهى إن شاء الله تفوت مشكلت زوجك على خير
إنتظار واه كنت نكونيكتي من الخدمة أنا مساعدة مدير في شركة أجنبية

[مريم13]

السلام عليكم بنات
واش راكم توحشتكم بزاف
بسوم حبيبتي حبيت نسقسيك تاع واش اللصقةاللي تحكي عليها

[bassouma]

لبنات قولولي منجمتش من ظهري ندير لصقة و لا لا و زادني راسي و تقية حشاكم

[bassouma]

مريومة واش راكي ريحتي شوية من جرحك و شراه أنس
لصقة هذيك الحارة لي ديروها لظهر قالتلي عليها أمة لبارح و شريتها اليوم

[lamia zina]

بسومة واش بك مقلقة اشربي حبة دوليبران حتى انا كي يوجعني راسي نتقيا راني شاكة راكي حامل و اللصقة تعود كاش ماديرلك

[bassouma]

و الله يا لمياء مرانيش مقلق ما والو بصح كلش راه يضرني مانيش عرفا مالني

[rayhana05]

المشاركة الأصلية كتبت بواسطة jiji belle

اهلين اسماء ليال ايه فكرتيني راني غدوة ان شاء الله رايحة ندير ابرة تفجيرية تعيشو ادعيولي ربي يكتبلي الخير قولولي ياك تديرلي ايكوغرافي قبل الابرة راني حابة نعرف حجم البويضة

ان شاء الله ربي يكتبلكالي فيه الخير يا رب
و تلقاي حجم البويضة الحجم المطلوب و ربي يرزقك الحمل هذا الشهر وما اروحش تعبك خسارة يا رب

المشاركة الأصلية كتبت بواسطة bassouma

لمياء قولي بلحمر راه يرقي
ريحانة مزلتي هنا هههههه

وين رايحة نروح هنا اموت قاسي
هههههه

المشاركة الأصلية كتبت بواسطة سمراء

مرحبا بك ليوم وغدواحبيبتي وريحانتي ربي يفرحنا بك حنونتي غير كليوم إن شاء الله ويسلك وحلك دعوة من صميم القلب ياااااااااارب إنك سميع الدعاء..

ربي اخليك اختي سمراء على هاذو الدعاوي
يوميا من تدخلي تدعيلي لك بالمثل حنونة
ربي رزقك الحمل هذا الشهر يا رب
ربي اعيشك

المشاركة الأصلية كتبت بواسطة ASMA layal

ههههههههههههه ريحانة عجبتني هادي تاع راني نتوحم عليك

حتى انا توحشتك حنونة ربي يعطيك وقفة ساهلة ان شاء الله وماتنسايناش من الدعاء

ربي اخلسك اسماء ان شاء الله تكوني لاباس
و ان شاء الله نجيب مهودة اشبه على الاقل للفوطو الي حاطاتيه في البروفيل نناعك

المشاركة الأصلية كتبت بواسطة 20 سنة انتظار

اهلا ام نهى .... حنا تاني الريح داير حالة
بلا مزية سهام حنونة

راهي بارتو الريح دايرة حالة

المشاركة الأصلية كتبت بواسطة أمة الرحمان السلفية

الله يسلمك حنونة روعة روعة انا نجرب بزاف لازم الي نشوفها نخدمها ولا مانرقدش زوجي هبلتو مسكين انا ملي كنت في دارنا نخلاط بزاف كي مايحبوش يعطوني درهم نخدم الكروشي ونبيع ونخلاط نكره الماعن وتسياق بزاف لوكان نصيب نضل نطيب بصح نتفكر الماعن اف

والله غير يعطيك الصحة و يسلمو هذوك اليدين
مع اني متوقعاتك ام رامي هههههه
و الله غير اطباق تشهي و هذي ادل على نفسك الرائع في الطبخ
بارك الله فيكي
امة نجي نقعد عندك سمانة
بصح كل يوم طبقين غذا و عشاء تقبلي هههههه؟؟؟؟

المشاركة الأصلية كتبت بواسطة 20 سنة انتظار

البنات يويويويويويويويويي جارتي ولدت جابت 2 دراري و طفلة .... أروى أيهم أشرف
يا عمري يا عمري و الله غير حابة نروح نشوفهم دوكااا اسخايلو ثلاثة هههه الله يبارك حابة نشوف الاجواء .. حنا زوج و قلال وين نشوفوهم معندناش التوام فلافامي فما بالك يا تلاتة هههههه
بصح معليش نصبر للعشية نشاء الله و نزورها

الف الف مبروك لجارتك هدى و عقبالك و عقبالي يارب و عقبال كل البنات
امين يا رب العالمين

المشاركة الأصلية كتبت بواسطة أمة الرحمان السلفية

يو يو يو الحمد لله الى سلكت على خير ولعقوبة لرحونتي والف الف مبروك

ان شااااااااااااااء الله يا رب
يسمع منك ربي ان شاء الله
و لعقوبة ليكم كامل حبايبي تولدو توام و ثلاثة و نفرح بيكم كيما راكم تدعيولي كل يوم
ربي اخليكم ليا و يحفظكم

المشاركة الأصلية كتبت بواسطة سمراء

أأأأأأأأأألف مبروك ياحبيبتي هدى وزيادة في الإسلام إن شاء الله شوفي لفال كشباب ربي يلحقنا بيها ويقربلنا لبعيد ولا يحرمنا من كلمة ماما ياااااااااااااااااااااااااااااارب إنك سميع الدعاء.

امين يا رب العالمين

المشاركة الأصلية كتبت بواسطة 20 سنة انتظار

البنات اسمعو منامتي و فسرو معايا
نمت انا و اختي قاعدين في دارها و مبعد جات يما الله يرحمها جابتلي اونسومبل ابيض ايهبل قالتنا لي تحب تديه نتي و لا هي
و مبعد اختي قالت لالا انا عندي خلي هى تديه راهي شحال و هي تحوس تخيط على تاعي و صح انا لي ديتو

ان شاء الله منام خير و اكون حمل في القريب يا رب

المشاركة الأصلية كتبت بواسطة أمة الرحمان السلفية

ان شاء الله يرزقك بتوئم حلم يفسر باولااد ان شاء الله يتحقق حلمك وحلم ريحانة وتربحي علينا ونفرحو بيك حنونة وهدية الميت مليحة ان شاء الله ربي يرزقك ا لذرية صالحة عجلا غير اجل امين

ان شااااااااااء الله
و نفرح بيكم كامل

المشاركة الأصلية كتبت بواسطة سمراء

لبنات راني راني محتاجة دعائكم ليا راني غير كاريه دار ودايره دوسي تاع سكنة من 2010وحنا نسناو وقسمو مرة وقالونا راكم فيها بصح مخرجناش كلش بمكتوب ربي راهم در يقسمو سكنة شهر داخل ولا لبعدو كثرولي الدعاء كتتفكروني باش نتهنا ونستقر والله قشي تهرس من رحلة ربي يعوضنا خير والحمد الله على كل حال تهلاو متنساونيش بدعائكم ولكم بالمثل.

ان شاء الله اخت سمراء يعطوك الدار و تتهناي
صح الكراء صعيب و سامط
و ان شاء الله الدار و الحمل مع بعضاهم في يوم واحد يا رب

المشاركة الأصلية كتبت بواسطة سهام فرنسا

البنات راني كنت نحكي مع بسومة راهي تسلم عليكم كامل
راهي شوية مريضة مع ليسطومة دارت فيها حالة مسكينة ماقدرتش حتى تاكل و لات تفابلات بزاف ربي يشفيها إن شاء الله
قالت إذا قدرت و كانت شوية مليحة لعشية في الليل راهي تدخل

يعطيك الصحة سهومة و ربي اجبلها الشفاء ان شاء الله
سلمي عليها بزاف
صحى ليك الدوش؟؟؟؟؟فقتلك و شراكي انتي لاباس ؟؟؟؟
توحشتك عندي بزاف محكيتش معاك