تجمع الجزائريات الغاليات المتأخرات في الحمل ‏

[سمراء]

ربي يشفيها ويعفيها ويعطيك الصحة لطمنتينا عليها حبيبتي سهومة .

[سهام فرنسا]

المشاركة الأصلية كتبت بواسطة أمة الرحمان السلفية

بارك الله فيك سوسو يعطيك ربي ماتتمناي والله غير تقلقت عليها خلات سماطة في تجمع ربي يشفيها عزيزتي وثبت حملها

أمين يارب العالمين لك بالمثل إن شاء الله
و الله صح كانت منشطة التجمع الله يبارك ربي يكون معها ويبتلها حملها إن شاء الله

[سهام فرنسا]

المشاركة الأصلية كتبت بواسطة أمة الرحمان السلفية

سهام اذ قدرتي جبيلي صبورة نعضها عضة عمرها ماتنسها نخلهالها ذكرةرهي هبلتني راني نبعثلها في الرسائل ولو ورهي متصلة وماحبتش تدخل جبيها وخلني عليها زعاف ناس انفرغو فيها وتزيد تدي طريحة من عند رجلها يقللها واشكون عضك

ههههههههههههههه كي عدنا في العضان وطريحة من عند راجلها من فوق مالا خليها ماجيش خير ههههههه و الله ماعندي نيمورو تاعها كون عندي نقلها أهربي أمة راح تنحيلك طرف من لحمك هههههههههههه

[سهام فرنسا]

أمة ماتعرفيش وصفات واح أخرين تاع الزيتون من غير تاع السلق راجلي يحبو بزاف و كل مرة يانديرولو مرقة يا في الفور إذا عندك وصفات أعطيهملي

[أمة الرحمان السلفية]

تفضلي سوسو حبوبة
زيتون مغلف بالدجاج

السلام عليكم ورحمة الله وبركاته
ان شاء الله الجميع يكون بخير
طبق اليوم خفيف ولذيذ وهو عبارة عن زيتون مغلف بالدجاج او اللحم
نحتاج الى قطعة كبيرة صدر دجاج + زيتون اخضر

نرحي الدجاج مليح ونتبله بالملح الثوم الفلفل الاسود

نغلف بيه حبات الزيتون ونبلل الايدي بالماء لتسهيل العمل

نغمسهم في البيض ثم الفرينة

نقليهم

نحضر صلصة بعظم الدجاج ملح توابل ثوم رند وفلفل حار طماطم وهريسة
نقلي الكل ونمرق

نضيف الزيتون المغلف للمرق ونخليه يطهى على نار هادية

ويقدم

[أمة الرحمان السلفية]

لوبيا باجنحة الدجاج

السلام عليكم ورحمة اله وبركاته
اهلا بالجميع ان شاء الله تكونوا بخير
طبق اليوم خفيف سريع ولذيذ
نحتاج لوبياء خضراء .بطاطا ..قطع دجاج انا استعملت اجنحة ..شوية بصل ثوم فلفل حار رند

نحط في قدر اللوبياء + الدجاج + البصل والثوم الزيت الملح الرند الفلفل الحار والتوابل ونقلي مدة حتى تذبل المكونات بعدها نمرق بقليل من الماء + ملعقة صغيرة طماطم ونغلق عليها تطيب

نقلي البطاطا ونضعها في صينية الفرن

نفرغ عليها اللوبيا والدجاج وتكون مرقتهم قليلة

ندخلها الفرن تتحمر مليح

وتقدم

وشهية طيبة

[أمة الرحمان السلفية]

خرشف محشي

السلام عليكم ورحمة الله وبركاته

اهلا بكل زوار مدونتي البسيطة

اليوم اعرض لكم كيفية تحضير الخرشف المحشي

وصفة بسيطة ولذيذة

تابعوني

نغلي قطع الخرشف العريضة في الماء مدة 10 دقائق

ثم نقطرها

نحضر الحشوة لحم او دجاج مرحي متبل باضافة الملح الثوم الهريسة الفلفل الحار والفلفل الاسود والكمون وبيضة ومعدنوس او دبشة

مرق خفيف محتوياته واضحة في الصورة

بدون اكثار الملح لان الصوص نحتاجها نااااشفة

نخلط مكونات الحشو باضافة شوية خبز مرحي ونحشي قطع الخرشف

نغلقها بالقطع الاخرى للخرشف ونربطها بخيط

نقلي مكونات المرق ونضيف الخرشف ونمرق ونغلق الكوكوت او القدر حتى تنشف الصوص

قدمتها مع بطاطا مقلية وجزر بالدرسة والزيتون

[أمة الرحمان السلفية]

درس تزيين قراتان

السلام عليكم ورحمة الله وبركاته

اليوم نعطيكم فكرة تزينوا بيها اي غراتان بعد ما تخرجوه من الفرن وتقدموه في احلى حلة

انا درت غراتان البطاطا باللحم انت ديري اي غراتان تحبيه سواء بالبيض او بالبيشمال

سلقت البطاطا وبرشتها والباقي من البطاطا اضفت له فرماج وشوية مايونيز وملح ورحيته مليح في الروبو حتى صارت البطاطا ناعمة وجاهزة للتزيين

***

قطعت ورود من الكاشير وطهيت اللحم المفروم وجهزت البيشمال

خلطت الكاشير المفتت واللحم وشوية بيشمال

في قالب فرن زجاجي ضعي طبقة رقيقة من البيشمال ثم نصف كمية البطاطا ذري عليها ملح وفلفل اسود ثم اللحم
ثم النصف الاخر للبطاطا +ملح وفلفل اسود واخيرا بيشمال والى الفرن

زينيها بالبطاطا وورود الكاشير واوراق الدبشة والذرى ولك الاختيار هذه مجرد فكرة

[أمة الرحمان السلفية]

شرمووولة

السلام عليكم ورحمة الله وبركاته
اسعد الله يومكم ودمتم بخير وعافية
هذه طريقتي البسيطةوالذيذة في تحضير الشرمولة
اترككم مع الطريقة بدون اطالة
كبد ورئة وطحال قلب كلى

قطعيهم قطع متوسطة واغسليهم وقطريهم

ضعيهم في كوكوت واضيفي شوية زيت ملح فلفل اسود كمون وفلفل حار احمر واي توابل تحبيها وثووووووم نقصي للنار وخليها تتقلي على راحتها مدة 20 دقيقة او اكثر حتى يبدا يدخلها الطياب

من جهة اخرى ضعي حبة طماطم مرحية + طماطم مصبرة وهريسة وفلفل حار ورند واضيفيهم للمكونات بعدما يتقلوا مليح

قلي شوية جميع المكونات ثم مرقي بكاسين ماء ساخن واغلقي الكوكوت ربع ساعة او 20 دقيقة
لما تفتحيها تلاقيها هكذا واذا كانت فيها شوية مرق خليها على النار حتى تنشف

قدميها

شهية طيبة

[سهام فرنسا]

أممممممم و الله غير يعطيك الصحة و الله غير يهبلو فوووووووووووووور
حوايج نقلك الصح جامي جربتهم بربي إن شاء الله ندير كل يوم حاجة
عجبني بزاف الزيتون المغلف حاجة جديدة و هايلة