تجمع الجزائريات الغاليات المتأخرات في الحمل ‏

[mounira]

واش نقولك يا هدى اختي .. بنت خلتي توفات مسكينة 39س ولادها صغار عندها سرطان .. ماما كانت في الجنازة مع كامل دارنا .. انا مارحتش على خاطر الليل كامل مع بنتي الصغيرة تسمم من الفرماخ حشاك تقيات حتى جرحت الحنجرة و زيد لادياري و الحمى و ما حضرتش الامتحان ديتها للطبيب و خليتها في الدار .. و من بعد ديت خويا 18س لسبيطار كان عنده ماتش ضد الحومة الاخرى دارت رجلو و تنفخت و دارتله الحمى لكن الحمد لله ماشي كسر اعطاولو الدواء .. و زيد في قرايتي اكتشفت بللي كاين جماعة يجيبو معاهم الامتحان في مسودة واجدة في الدار من قبل .. و في نص ساعة يكملو الامتحان .. راني راح نهبل غير الهم

[أسيرة زوجي]

مساء الخير بنات

ان شاء الله التجمع الجديد يكون تجمع خير و بركة عليكم

rayhana مشاركتك دائما في مكانها يمكن ما انتبهتي في الاول

الموضوع عدلته انا باضافة خلفية لا غير

نور الهدى الله ييسرلك امرك و يفرج همك و يرزقك ما تتمنين

مريووومة مبرووك الولادة الله يقومك بخير يا رب

تحياتي لكم

[سهام فرنسا]

المشاركة الأصلية كتبت بواسطة asmabb

السلام عليكم يا اخواتي انا مينداك نطل على التجمع تا الجزايريات و يعجبني و نحب نشارك مي ما نعرفش لبنات
ان شاء الله تكون معرفة خير ونتعاونو و نفيدو بعضانا
انا اسما من الجوائر العاصمة عمري 30 سنة متزوجة عندي عامين و نص و ما حملتش السبب ان زوجي عندو ضعف العدد و الحركة و انا الحمد لله رانا ندعيو و نصليو ربي يفرج علينا و يرزقنا ان شاء الله

أهلا بيك أخت أسما و مرحبا بيك معانا و حنا كامل نهار دخلنا المرة الاولى كنا مانعرفو حتى واحدة و بشوي تعرفنا مليح على بعضانا و لينا الحمد لله كي لخواتات و كل وحدة تحكي همها و مشكلتها للأخرى
المهم أهلا و سهلا بيك و أنا سهام عمري اليوم 23 سنة عام و شهرين زواج و ربي مازال ماكتبلناش و الحمد لله على كل حال
و راهم كي ماقالتلك ريحانة بزاف بنات هنا كيفي و كيفك يستناو و كل وحدة و المشكل تاعها
ربي يفرحك إن شاء الله و أهلا و سهلا بيك

[Nourelhouda]

شكرا اختي اسيرة زوجي يعطيك العافية

[Nourelhouda]

منيرة واش نقولة ربي يقدرك و يقويك اتوكلي على ربي هو اللي ينصرك على الغشاشين ،،،،،،،، انت ضميرك مرتاح هذا هو المهم،،،،،،
ربي يرحمها و يوسع عليها مسكينة،،،،،، و بنتك انت ماقريتيش التاريختاع الصلاحية!؟!؟!؟! رزي بالك راه التسمم واعر،،، انا اختي العام اللي فات قريب ماتت" اميرة" كلات شاورما برا مع خويا هو ماصرالو والو و هي رجعت تتقيا في الدمو حشاك تخرج في الدم من تحت تكسلت في الارض ر تتخبط ماننساش هذاك المنظر عن بالنا ماتت و الدم من فوق و من تحت يا يمى راني نبكي كي تفكرتها،،،،،،، ردي بالك يا منيرة ،،،،،،، و خوك الحمد لله هلو سلامتو راه كيما خويا الاسبوع اللي فات لعب ماتش هبط رجلو مع صاحبو و مسر ظفر رجلو الكبير و زراقلو و تنفخلو امالا خويا كي عبقري و طبيب تاع روحو راح نحا الظفر كامل و راه يسوفري و قيحلو مسكين و قالو الطبيب قادر نحولك صبعك كامل واش اداك تمسو،،،،، المهم دورك راه مليح شوية،،،،، ربي يحفظهم

[Nourelhouda]

المشاركة الأصلية كتبت بواسطة عبير الحرية

عبير شوفي الرسائل تاوعك راني بعثتلك رسالة

[mounira]

المشاركة الأصلية كتبت بواسطة nourelhouda

منيرة واش نقولة ربي يقدرك و يقويك اتوكلي على ربي هو اللي ينصرك على الغشاشين ،،،،،،،، انت ضميرك مرتاح هذا هو المهم،،،،،،
ربي يرحمها و يوسع عليها مسكينة،،،،،، و بنتك انت ماقريتيش التاريختاع الصلاحية!؟!؟!؟! رزي بالك راه التسمم واعر،،، انا اختي العام اللي فات قريب ماتت" اميرة" كلات شاورما برا مع خويا هو ماصرالو والو و هي رجعت تتقيا في الدمو حشاك تخرج في الدم من تحت تكسلت في الارض ر تتخبط ماننساش هذاك المنظر عن بالنا ماتت و الدم من فوق و من تحت يا يمى راني نبكي كي تفكرتها،،،،،،، ردي بالك يا منيرة ،،،،،،، و خوك الحمد لله هلو سلامتو راه كيما خويا الاسبوع اللي فات لعب ماتش هبط رجلو مع صاحبو و مسر ظفر رجلو الكبير و زراقلو و تنفخلو امالا خويا كي عبقري و طبيب تاع روحو راح نحا الظفر كامل و راه يسوفري و قيحلو مسكين و قالو الطبيب قادر نحولك صبعك كامل واش اداك تمسو،،،،، المهم دورك راه مليح شوية،،،،، ربي يحفظهم

انا نقرا دايما تاريخ الصلاحية و نزيد ندوق باش نتاكد .. لكن هدي صراتلها في مطعم المدرسة .. يمكن ما كانش محفوظ في الثلاجة

بعيد الشر على خوك .. يا اختي نعسسوهم ب 10عينين و مانعرف ؟؟ ما يكون غير الخير انشاء الله

[سهام فرنسا]

المشاركة الأصلية كتبت بواسطة nourelhouda

سهام عيد ميلاد سعيد لعقوبة ل100 سنةانشاء الله اتمنى لك كل الخير و السعادة و الهناء يا رب و العام الجاي ان شاء الله يجوز عيد ميلادك ووليدك او بنتك في حجرك يا رب يا رب امين

أمين يارب العالمين ربي يعيشك حنونة
إن شاء الله ربي يرزقني و يرزقك و كل مشتهية يارب العالمين

[عبير الحرية]

السلام عليكم

لبنات اولا الف مبروك على مريومة و ان شاء الله ترجعلنا بخير هي ووليدها ذرية صالحة باذن الله

لبنات انا خاطيني جاتني رسالة على اساس انا الجزائرية المتواجدة و قالولي عدد المشاركات الي

فاتت 100 صفحة تغلق و قالولي افتحي واحد جديد

واش اداني انا ندخل في حاجة خاطيتني

اسماء مرحبا بيك بيناتنا

اسماء و ريحانة و سهام واش راكم

نور الهدى حنونتي من جاتني رسالتك و انا وراء الموضوع ما حبش يتثبت

شوفي مع المشرفة على القسم

منيرة حنونتي الله يسلمك

بلاكي راهم ما يخافوش ربي و بنتك صغيرة شربيها الدوا و كثريلها الماء مسكينة بالشفاء ليها و لخوك

و عظم الله اجركم في بنت خالتك ربي يتقبلها قبولا حسن و يسكنها الجنة و يصبر اهلها

[سهام فرنسا]

منيرة بنت خالتك ربي يرحمها و يوسع عليها إن شاء الله
و بنتك ربي يحميها و يجيبلها الشفا إن شاء الله و على سلامت خوك