تجمع الحوامل الي بيولدون في شهر ذو القعده ^_^

[جامعية]

هههههههههه ريحانة انا من اول انتظركم تخبروني بتواريخ الولادة عشان اضيفكم و ولايهمك توي عدلت ع القائمة واضفتكـ وبالنسبة للرقبة حتى انا مسووودة سواد فظيع والمكياج مايفيد فيها ولاااشي والمشكلة بروح بكرة لبيتي ونفسي اسمكر نفسي بسرعة
لكن هذا كله من هرمونات الحمل

[جمره غضى]

جامعيه الله يسمع منك يارب


ريحانه الدنيا
عادي سواد الرقبه .. بعد الولاده ترجع طبيعي باذن الله

[أم عبدالرحمن السلفية]

جمرة غ
الحمد لله ما ضاقت إلا فرجت ان شاء الله مسكن خير عليكم
جامعية :
اش استقريتي على اسم لبنوتتك أو لسى ؟

ريحانة الدنيا :
من ناحية الفشلة كل شكلنا صار يفشل خلاص نحنا فيها هههههه ان شاء الله ح نتسمكر بعد الولادة

حاملة قيمي :

الله يسهل يارب لا تخافي اصلا الشهر التاسع أسهل في الحمل من الثامن ,,,, بس الله يسهل الولادة
انتي بكرية او لا؟

أول وحدة تولد روح وخواطر ما شاء الله لكن كيف كل وحدة ح تخبرنا أنها ولدت ,,,, بالجوال أو لمن تخرج من المشفى

[ورد القلوب]

جامعية .. انا راح اجيب بنوتة

[ماما زوزو]

مرحبا ياحلوات
بكرة موعدي عن الدكتورة ياربي يكون ولدي العنيد لف وصار راسة تحت واتطمن وربي يرزقني ويرزقكم ولادة طبيعية اسهل من شربة المي

رورو... بتزعلين مننا في اخر المشوار والله حرام.. عادي ياقلبي ياما سألنا اسئلة وماحد شافها او راحت مع الزحمة يعني احنه خوات ونساعد بعض ونعذر بعض وانتي عزيزة علينا وغالية ومايهون زعلج... عيدي السؤال ومايكون خاطرج الا طيب وان ماودج تعيدي برجع ادور على سؤالج في الردود السابقة وأرد عليج ولايهمج ولاتزعلين.. فديت قلبج

جمرة غضى... ربي يرزقج الخير دايما ويفتحلج ابواب رحمته وكرمه
مبروك عليج الشقة وياربي يكون مسكن خير الكم وتشوفين فيها اسعد ايام حياتج

بنات كلكم احبكم ربي يسهل لنا اجمعين

[رمش الغلاا]

اهلين كروشات كيفكم
وياللي دخلوا التاسع كيفكم معه؟؟
ماما زوز ان شاء الله تعدل وضعيه جنينش
جنينش وجنيني مثل بعض حتى انا اخر موعد كان الراس فوق مدري شفيهم معاندينا خخخخخخخخ
يلااا ادا رجعتي بشرينا يمكن يغار جنيني ويصير مثله خخخ

خلاااص باقي قليل وادخل التاسع متانسه حددددددددددددي يارب سبوع واولد....
الله يسهل علينا يارب

[صوتك يناديني]

انا اليوم رحت للدكتوره وقلت تكفييين ابغا اولد بسرعه دوب داخله التاسع

قالت ابشري من عيوني اذا ما ولدتك اول اسبووع من العااشر

[مرهفة حس]

حبايبي كروشات
وحشتوني كلها ايام وادخل التاسع ويارب ماطول وابشركم بالولاده باذن الله
كان عندنا ضيوف جلسو عندنا 10 ايام والله يعين غداء وعشا فطور وكرف لدرجة اني انام ماادري عن عيالي
من التعب المهم امس راحو وقضيت للنونو وخلصت من ملابس واغراض وملابس النفاس عندي حقت عيالي مره كشخه لان دايم اولد عند اهلي المره هذي بالبيت وانا بديره واهلي بديره عزيمتي قويه
بجيب شغاله وابو العيال ان شالله مايقصر والله مادري عنه يمكن يسحب علي
وبالنسبه للالام احس بنغزات بالارحام احيانا ماقدر اوقف منها والى الان مامشيت وحاسه اني لو استمر اسبوع على المشي باولد مجرد احساس بس ماراح اولد لين اخلص الغرفه الي باولد فيها وبالنسبه للبيت والله ماينضف الغبار معدم الدنيا انظف الصباح اليل ولا كاني مسويه شي
من الغبار الله يعين ويهونها علينا يابنات انا عندي اثنين بس اكذب لو اقولكم ماني خايفه باموت من خوف الولاده لاني اتعب فيه اجلس بغرفة الولاده 14ساعه هذي بربرتي ان شالله عجبتكم ابي تعليقكم يارب يسهلها علينا يارب العالمين

[MooNi]

صباااح الخير جميعا وش أخباركم مع الثقل

مرهفه خوفتيني جتني الروعه يوم قلتي 14 ساعه تهئ تهئ تهئ يعني لهدرجة الولاده تطوووول

أنا متفقه بيني وبين نفسي أني ادخل على عماي مابي اعرف وش يصير اثناء الولادة بس شكلي بقرا قصص الحريم وأتثقف

[مرهفة حس]

هلا موني صباح النور والسرور
حبيبتي اصابعك ماهي سوى
انا الوحم والولاده عندي مووووووت الوحم 4شهور طايحه بالفراش سواء بنت او ولد والولاده في ولد من الساعه 9 الصباح اطلق ماجبته الا 12باليل
وبنتي من 4العصر ماجبتها الا تسع الصباح
وخليها على ربك لاتلوموني اذا قلت لكم خايفه من الولاده
على الالم بغرفة الولاده مااصارخ زي الحريم اتاوه واستغفر واسبح ان شالله تخفيف ذنوب