استفسار عن مستشفى الولاده والاطفال

[*الجوري*]

رفـــــــــــــــــــع

[دمعة موالية]

هلا الجوري
انا ولدت فيه مرتين
معاملتهم كانك في خاص والله بس زي ماقالو لك يعطونك النونو من اول ماتولدينه وعادي يغيرون الحفاظ اذا طلبتي منهم مايرفضون
ومعاملتهم فوق ماتصورين واما الرضاعه لا مايعطونك نهائيا انتي ترضعينه وبس
واي استفسار انا حاضره

[*الجوري*]

مشكووره عمري طمنتيني انا كنت احاتي اذا طلبت منهم يرفضوون

تيب وعلى صرقات دايمن اسمع قصص تصير فيه وش سووويتي مع نونو

لوبدخلين تواليت ناديتيهم يوقفون جنب النونو؟؟ <<<مكرم السامع

تيب لو نمتي تخلينه جنبك ولاتعطينهم ياه ؟؟

لنه مره خاايفه من القصص الي اسمعها من صرقااات الله يحفظ لناا نوناتنا

ادري ازعجتك با سئلتي <<<<<<فيس مستحي هع

[دمعة موالية]

لا عااادي ياعمري لاازعجتيني ولاشي
زي ماقلتي على الحمام انا اخاف بس تعرفين جنبك وحده بالغرفه قولي لها تنتبه له
وانتي انتبهي لنونو حقها تناوبو
وقت النوم ماياخذونه جنبك بس لاتحاتين كثييير كلها يوم وانتي بتطلعين بالسلامه
الله يسهل عليكي وتقومين بالسلامه

[*الجوري*]

مشكوووره حبيبتي مااقصرتي الله يسر امووورك يارب بحق محمد وال محمد الطيبين الطاهرين
ولاصرت مااعرف انام من كثر تفكيررر هع

[دمعة موالية]

الله يسهل لك اختي الجوري وتقومين بالسلامه يارب
وخلي عنك الخوف وكلي امرك لربك ولاتخافين
والله الحافظ سبحانه
ومشكورة على دعوتك الحلوه

[*الجوري*]

الله يسمع منك حبيبتي
العفووو حبيبتي تستااهلين اكثر *_____*

[بسوم]

الجوري اذا عمليه ثاني يوم يعطوني النونو

[*الجوري*]

ايووه حبيتي سمعت كذا من مرة خالي غير طبيعي يجيبوونه بعد ساعه

[بسوم]

اووووووووووف اجل اروح اسطون احسن لي
لان يوم ولدت في اسطون يجوبونه لي اذا طلبته ويرجعون ياخذونه مني حتى النوم مايخلونه ينام عندي جلست عندهم خمسه ايام ومااعطوني اياها الى يوم طلعت حتى شالته لي الى السياره
والله اني احترت صراحه
المشكله اسطون ياخذون عشره الاف على العمليه
والحكومي احسه يخوف ثاني يوم وش اسوي فيه ماقدر اقوم من مكاني