حقيقة او وهم

[Farwla]

مرحبا يابنات ياحلوات
اول مشاركة الي ..وماعرفت وين اكتب موضوعي..ومشكلتي.. بتمنى تساعدوني وكون صديقة خفيفة الظل عليكم
انا صار معي قصص كتير بس لما احكيا لاهلي واصدقاءي يقلولي عادي ووهاد وهم ووسواس وانت لاتفكري فيه وتعطيه اكبر من حجمه.. رح ادخل بقصتي .. متزوجة من 9 سنوات لم احمل ولا مرة جربت كل شي كل شي كل الادوية والكورسات والعمليات والتحاليل والحقن واطفال الانابيب... وتفشل بالنهاية بدون سبب... تحاليلي وتحاليل زوجي ممتازة ولايوجد اي سبب يمنع الحمل.. عندي خوف شديد بالليل وبخاف انام لحالي بالاحرى حتى هلا بمسك ايد زوجي وبنام ولازم يكون في ضو.. تقولولي خويفة اقلكن السبب.. انا متعقدة مرة نمت عسريري وفجاءة اختي شغلت ضو الغرفة لقيت عناكب صغيرة عسريري منتشرة قمت مفزوعة ونطيت وجسمي يرجف اجت ماما رتعبت قالت منوين هالعناكب ملياااااااان وصغيرة شالت مخدتي طلع عنكبوت كبير ام رجلين كبااار هي امن شكلها وانا شفت هيك اغمى علييي وماحسيت الا اخواتي عميبكو عليي وامي عمتصحيني وتسمي علي..ويومها امي نظفت السرير بالكلور وقالت غريبة كيف وصل العنكبوت تحت مخدتك ونايمة انت مانعفس وايمتى ولدت كل هالعناكب. وتعقدت وصرت كل ماانام احس شي بمشي عجسمي واقوم مفزوعة وانفض جسمي وسريري.. ..... هي البداية اكمل ولا طفشتو

[Farwla]

رح كمل قصتي حتى تفهمو سؤالي... بيوم من الايام قالي زوجي الساعة 12يلا عالنوم ... فانا كنت مشغولة بالواتس واحكي مع اهلي فقلتو سبقني لاحقتك..( مو انا خويفة ولازم امسك ايدو لانام) المهم يومها تشجعت وكنت مشغولة بموضوع عالواتس ... وفجاءة بطلع عالساعة بلاقيا 3 الصبح بقوم بخاف وبطفي كل شي وبروح بنام جنب زوجي لسا ماغفلت وغمضو عيوني اذن الفجر... سمعت الادان وصرت شجع حالي واقول لحالي قومي انتصري عالشيطان قومي توضي وصلي وخليه يبكي... بقوم ركض ركض عالحمام بتوضى باقل من دقيقة لانو خايفة وبركض لاوضة النوم وبمد السجادة مواجه الباب وبصلي الفجر.. ولما خلصت تزكرت انو كنت عجنابة وماتحممت .. فنطيت عسريري لانو كان محلي جنب الحيط وزوجي نايم عطرف التخت... واز بشوف بلوزة سودا ممدودة محل مانايمة بستغرب وبتشوش وبقول لحالي شو جابا هي لهون...!!معقول كنت نايمة فوق بلوزتي وانا هيك بيطلعلها للبلوزة عيون خضر ... انا بكون فوقها رح نام وقت هيك شفت ومامستوعبة شو هاد وقلبي عميرجف وخشبت مابقى اقدر اتحرك ..واز بتطلع قطة سودا راسها عمخدتي وجسمها ممدود لاخر السرير...انا بموت رعبة وبسميي وبصحي زوجي قلتلو في قطة سودا جنبك نايمة.. هو صحي وحتى يهديني لانو شافني عمرجف صار يلحمسلها وهي بمحلها نايمة ماتحركت وتنويلو وهو يقلي عادي قطة انتي بتحبي القطط ولا لانو سودا ... انا عمرجف من رعبتي.. قلتلو كيف اجت قالي عادي بيتنا جنينة بتجي قلتلو كنت نايمة محلها قمت توضيت بنص دقيقة وصليت ادام الباب لو دخلت بشوفا .. معقول بنص دقيقة فاتت ونطت من فوقك ونامت عمخدتي ومدت جسمها وغمضت عيونها.. قلتلو كنت فوقا مافتحت عيونها ولاهربت القطط بتخاف بتنقز بتنط.. هي كنت حنام فوقا وكانت مغمضة ولما فتحت تتطلع فيي بس ماتحركت ابدا بس فتحت عيونها وتتطلع فييي... قالي عادي شالها وزتا جوزي بالجنينة... وانا تعقدت بزيادة وصار عندي خوف وخوف وخوف

[Farwla]

غير قصة شلل النوم كانت عطول تصير معييي احس وانا نايمة حدا كامشني ومتل صوت رياااح قوي وصفير واتجمد وانربط ولساني ينربط اقعد اقرا اية الكرسي بقلبي لينفك عني واصحى وانا عمببكي... غير الاحلام المزعجة ... ولما عملت طفل انابيب حلمت بنت صغيرة معها سكينة دخلتا ببطني وانا اقلها ليش هيك وهيا تقلي ماحتحسي بالوجع وتدخل السكينة اكتر.... وعملية طفل الانابيب التانية حلمت انو تريا غرفتي وقعت عبطني... وانا بالفعل كنت نايمة تحتها ولابسة نفس البجامة اللي شفت حالي بالحلم .. بالحلم وقعت الثريا عبطني وبصرخ انادي زوجي واقلو شيلها هلا مابتنجح طفل الانابيب.. ولما صحيت زوجي بنفس المكان نايم ونفس بيجامتو بالحلم... لما احكي للعالم بقلولي عااااادي.. ووهم... انا بتتمنى يكون عادي بس كمان ازا في علاج بالقران او شي اعملو خليني اعملو احسن ماضل عايشة بهالرعب... بدات في رقية خف موضوع شلل النوم او مايسمى بالجاثوم... بس لحد هلا بحس بخوف وبحس في حدا ورايي او حدا بالاوضة بالليل.. ساعدوني هالشي وهم ولاحقيقة

[υм вtℓαα]

خيتي معك قرين انتي وهو اللي مانعك من الحمل
لاكن نصيحتي لك استعملي القسط الهندي انتي وزوجك
وبخري بيتك بلبان وحلتيت وقسط هندي وشب يطرد كل شي
تسبحي بسدر مقري عليه مع ملح ومسك من الشيخ جيبيهم
وكل يوم خذي 7 حبات حبه سوداء مع عسل والهميه بعد الغجر أو المغرب

وخلي القرآن شغال ع الرقيه الشرعيه لاتطفيها ابدا
والله يشافيك ويعافيك

[بحــ العيون ــــــــر]

الله يشفيك يارب ومااقصرت معك الغلا

الله يرزقك بااالي تتمنينه يارب

[Farwla]

الله يعطيك العافية تسلمي عالرد
زوجي مانعني اتواصل مع اي شيخ... لانه مرة دلوني عشيخ و بعد نق رحنا فكانت الغرفة غريبة عالحيط معلق دف عكل الحيط ومسك عصاية وانا لفيت زوجي قلتلو حيضربني وخفت اتاري حطا على ظهري وقال سبحان الله والحمدلله ولا اله الا الله وقال خلصنا بدو مصاري وعطيناه ماقعدنا دقيقتين.. زوجي ضحك وقالي بالله انتي المثقفة اقتنعت بهيك شي... قران ماقرا.. فحلف انه مااروح وقالي اقراي عحالك بالبيت .. سءلت عند العطارين عسدر كلن يقلولي مافي...نزلت رقية من النت وصرت اسمعها عسماعات الموبايل وبعد اسبوع حسيت ايد جوا بطني عمتطلع لبرا من جهة اليمين تحت .. متل عصاية من داخل بطني وتمدد الجلد لبرا ..متل بيبي عميتمطمط مابعرف جوا بطني لبرا شي نتفخ بشكل مومعقول.. وخفت ووقفت .. قالي زوجي غازات قلتلو كانو ايد حسيت... بقلي طول ماعمتفكري حتزيد طنشي وخلص وقصة الشياطين والقرين والجن خزعبلات..

[Tulay]

الله يعينك حبيبتي
انا من بداية زواجي و تصير معي عجايب و للعلم بعد ما حملت لكن ماني رابطة المواضيع ببعض ، المهم الاشياء اللي كانت تحصل معي ما احب اذكرها و بنسي حالي فيها دائما و اختفت هذي الاشياء كلها بليلة وحدة تصدقي راح احكيلك
كانت تحصل معي في الغالب بالليل المهم وفي الليالي اللي يكون وجي معي بطمن شوي لكن لما يكون بالدوام اااااااه شو يصير معي لكن بهذيك الليلة ماكان عندي خوف اللي كنت احس فيه هو الغضب والقلق وقبل ماانام حطيت راسي وقعدت افكر قلت لو شو يطلعلي ماراح اخاف و قعدت اذكر ربي في كلام قلتو بلحظة يقين شديد قلت فوق الله شو في بالدارجة (فوق ربي واش كاين ) مادام معي ربي مالازم يكون عندي ادنى خوف استعنت بالله بكل ماتحمل الكلمة من معنى ولله الحمد و المنة انا الان حرة و مطمئنة والله يوفقك ويخلصك من كل اللي تمري فيه و يرزقنا ربي بالذرية الصالحة ،امين يارب العالمين

[jojo 123456]

الله يشفيكي يااارب الشي لي صاير معك مس او سحر او قرينة مو مهم شو هو بس المهم انك تعالجي حالك بالرقية الشرعية
ارقي حالك وبيتك وخلي الرقية شغالة طول اليوم لان البيت الي فيه قران ما تدخلو الشياطين

[صابريناا]

الله يشفيكي يااارب
حبيبتي يكون معمول الك سحر او مس او جن
كلو هادا مذكور بالقران مالو علاقة بالثقافة
حاولي تزوري شيخ صالح ورشي مية مقروء عليها قران كريم وافتحي سورة البقرة بالبيت
وانصحك بعدم النوم بالجنابة لانها تقرب الشياطين منك وتفضل تلعنك الملائكة لتصحي من النوم
ماتخافي قوي ايمانك وبس
وربي ان شاء الله راح يشفيكي