يسعدلي اوقاتك سعادة الروح عندي تلت احلام هالاسبوع بعد انقطاع ياريت مايكون فيها تقلة رح اكتبلك ياهن اول حلم :
شفت حالي راكبة ورا جوزي على متور ومعانا الولاد قال وانا حامل بتلت توائم مع العلم بالحقيقة حامل ببنت وبس اي قال وداخل فينا بسباق والارض يلي عم يسوق فيها كانها جبلية وماسرع كتير وانا قلو دخيلك ياعبد عمهلك رح نوقع وهو ماعم يرد عليي وهالمتور عم ينطوط فينا المهم منوصل لخط النهاية سالمين بس رفقاتو يلي عم يتسابق معن سبقونا وكانو عم يضحكو انن فازو وكانو راكبين سيارتين لونهم فضي وعليهم غبرا وماشفت اشكالهم بس قال كانو معهم عيلهم كمان وكانت الشمس طالعة وقوية بس فقت كنت مبسوطة ماكنت خايفة من الحلم وبالحقيقة بحياتنا ماركبنا متور ولاعنا واحد اصلا
الحم الثاني :
شفت انو نحن بسوريا عند اهلي وقاعدة كنت بالطابق التالت هو بيت اهلي القديم مو الحالي وكنت حاملة بايدي بنت صغيرة عمرا بالاشهر على اساس انها بنتي بس بنتي بالحقيقة هلق عمرها ست سنين وكان يجي صاروخ لونه اسود يضرب فوق راسي بالحيط وانا خفت واتصلت على جوزي قلتلو حجزلنا دغري نسافر وحجزلنا بالطيارة وشفت حالي عم اركض لاطلع فيها وضليت متوترة لحتى طارت عن الارض وقتا هيك ارتحت واتنفست بعمق وشفت انو كل ماسالنا حدا ليش رحتو احكيلن الحادثة وانو لهيك سافرنا وبالحقيقة ماصار شي من هالحكي اصلا كنا بدبي وماحضرت الحرب ابدا
الحلم الثالث :
شفت انو انا كنت عم زور رفيقتي اسمها نور هية بالواقع ارملة وعندها ولدين وكنت شوف عندها اخوها راح عطاني شي لونو اسود مو متذكرة شو هو قمت اخدتو وطلعت وانا عم قول لحالي مارح نخطبو اختي قمر لانه اكبر منها وهو فعلا هيك صار لمحو على اختي وهو بزيدها 18 سنة فما مشيت الامور بس هالحكي من شي تمن شهور مو عن جديد وكنت بالحلم عم قول رح ندلو على بنت قرايبتنا بتناسبو بالعمر وبعدين شفت حالي عند اهلي واجو جماعة دقو علينا الباب وانا فتحت ودخلتن وقالتلي امي خليكي معن وانا رايحة زيارة مع اختك لعند خالتك لانو البيت ديق قلتلها اي وانا معاهم قاعدة بتفتح المرأة جزدانا وبتعطيني 19 يورو معدن وبتقلي هدول لاختك قمر وانا بعقلي عم قول يي هدول خطابة بس ليش 19 مو عشرين يعني وكان مع هالمرأة شب وكان حامل بيبي وانا كنت مفكرة انو جوزا طلع هو العريس وانا بالواقع مابعرفهم للجماعة سمر وشعرهم اسود بس بعقلي عم قول هدول اهلها لنور اختا واخوا بس بالحقيقه شكلهم غير بس مافعلت اخد المصاري منهم قلتلها استني لنادي لامي ورحت ناديت لماما وكنت مزعوجة منا كيف بتتركني لحالي معهم هيك ومابتقلي انو عريس لاختي وبكون لسى جاية عالم معاهم كانو ختيارة مافيا منيح عم تمشي
خلصت الافلام عفوا بقصد الاحلام هههههههههه ياريت يكونو خير دخيل عينك طمنيني