تفسير الأحلام بإشراف المفسرة سعادة الروح

[um.shams]

صباح الخير سعادة الروح اليوم انا فقت مزعوجة من هالحلم ومع العلم مبارح كنت نايمة معصبة المهم حلمت انو الدنيا عيد وانا عم اتجول بسوق ومرقت وحدة من حدي ومعاها ولد او بنت ماانتبهت بعمر منيح يعني شي تسعة او هيك شي وضربت فيني من الخلف اول شي فكرتها بالغلط بعد شوي رجعت وضربت فيني وكانت قوية وقلت لحالي شبها هالمرة عم تضرب فيني هيك طنشتها ورحت عند طاولة قال وفي معلمة اولادي العربي عم تعطيني فستان لبنتي وشي لابني وفي وحدة تانية كمان مفصلتلها قطعتين تياب لولادها وسالتها شقد بدها منها قالتلها الف وانا قلتلا وانا شقد بدك مني قالتلي كمان الف وكانت مبسوطة انو نحن التنتين رح ندفعلها وقالتلي هلق صار فيكي تشتري شحاط شتوي واطلعت على رجلي لقيت حالي لابسة واحد صيفي وضحكت وقلتلها مظبوط وماشفت غير هي المرأة نفسها يلي كانت عم تضرب فيني رجعت ودفعتني بكل قوتها اطلعت عليها لقيتها حلوة ولابسة جاكيت بني لكن كتير معصبة مني ماعرفت ليش قمت انا كمان عصبت وهجمت عليها قرصتها بقوة بايدها وهية بدها تضربني وعم قول شكلها قوية كتير ومانا شايفتني حامل شبها نازلة فيني شو بدها مني وصحيت وانا حاستها رح تغلبني وخلص الحلم شو قولك