اتمنى تساعدوني :(

[soso1997]

السلام عليكم و رحمة الله وبركاته

أتمنى تساعدوني بمشكلتي
انا بنت مو متزوجة بس دائماً أحلم بأشياء تدل على زواج ومايصير نصيب
تقدم لي شخصين
الاول رفضه أبوي
الثاني انا رفضته بسبب فارق العمر بيني و بين الرجال
مشكلتي هيا
انا ادرس بكلية وانا متخرجه السنه الا راحت تخرجت و درست على طول
كانت أول سنه ، هي سنه تحضيرية ( للغة ) درستها و خلصتها و صادفت امتحاناتي في شهر رمضان و كنت يومياً اصحى من وقت حق اتجهز و اروح الى الامتحان
كنت أقدم الامتحان وبس ماكنت افكر بالاسئلة بأختصارر كنت أحل وبس
--
خلصت امتحاناتي وبدت إجازتي حالي حال الناس كلهم
بدت عمتي و جدتي كل ماشافوني سألوني عن النتيجة ، ماطلعت النتيجة ؟ << هذا كان سؤالهم دائماً ، انا مليت من هذا السؤال بس كيف أفهمهم ، صعب التفاهم معاهم
بعد فترة وصلني إيميل على ايميلي فيه مواعيد استلام النتيجة انا بوقت الاستلام كنت مسافرة
ما كان ببالي أبداً اكون مو ناجحة
وصلني بعدها مسج على تلفوني يقول لي ابي ادرس فصل رابع لغة او الانسحاب من الدراسة
لحد الحين محد عرف عني انا ناجحة او مو ناجحة ،، كل من سألني قلتله ماراح اعرف النتيجة الا بأول يوم دراسي لنا
--
المشكلة الثانية
جدتي أم ابوي ^^
أسلوبها معاي انا واخواتي واخوتي غير بالمرة عن باقي العائلة ممكن لان عايشين معاهم بنفس البيت ( للمعلومية بيت عمي معانا عايشين و مانجوف معاملتها لهم مثلنا )
السالفة أهي لسانها ليل و نهار يشتغل علينا ،، واحياناً مثل الا تطنز علينا ، اهي تبي بس تمسك علينا شي و تطنز علينا فيه بكلامها و الفاظها
نزلت باخذ شي قالت اخوانج يتغذون فوق ماتغذيتين قلت لها مابي ردت علي برد ( عسا الله لا يبيج ) انا حقرتها وقعدت افكر انا شمسوية لها مو مسوية لها واحياناً مثل الا تطنز علينا ، اهي تبي بس تمسك علينا شي و تطنز علينا فيه بكلامها و الفاظها
بالعكس هم يغثون الواحد بكثرة سؤالهم نفس السؤال
و مرة كنت واقفة جنب عمتي و جدتي قاعدة
طيب ماكو مككان انا اقعد فيه الا تقول لي اهي قعدي شفيج واقفة خيمة !!!!
ماحب هذا الاسلوب انا
وانا من النوع الا ماسكت عن حقي لساني ياخذ حقي واكثر
بس المفروض تحترم نفسها لان انا محترمتها لان كبيرة بالسن ، لحد يقول لي تحملينها لان كبيرة بالسن
الكبار بالسن مايدعون على احفادهم ليل و نهار و يفرقون بينهم بالتعامل
و كنت اتمنى اتزوج او تطلع لي دراسة برا بس حالتنا المادية ماتسمح لي أطلع برا لدراسة حتى لو بالرياض اوالاحسا بهذي المناطق
و دائماً لمن يسمعون ان مقدمة بمكان احسهم مايتمنون لي الخير و أن ماقدمت عدل يحبون يهدرون على راس الواحد

عطوني حل
ابي اعيش حالي حال أي بنت بعمري
حتى بنومي ماتهنى عادي اصحى بنص نومي أبجي و ارد انام من الهموم الا فيني و ضيقة الخلق
حتى بسفري مايتمنون لي اسافر يستثقلون علي سفري للمدينة واهم كل مكان سافرو له
انا حدي المدينة وبالسنه حسنة بعد

[A..N]

حبيبتي أنتِ عاملي الناس بأسلوبج ومصير الغلطان يندم ،، وهي حرمه كبيرة احيانا تعامل الكبار كذا ودعواتها يمكن تكون بدون قصد فقط لانها متعوده وتبي تتكلم ،، وترا دايم تصير بين الاهل مشاكل بس الواحد يحاول يتجنبهم قدر الامكان ، انتِ خلج قريبه من ربج واكثري من الاستغفار ولا تضايقي نفسج او تبكي لان هذا مش حل ،، الحل عن اللهـ بالقرب منه اكثر واكثر وانا واخواتي بالمنتدي راح ندعيلج بإذن اللهـ ،، وع الدراسه حبيبتي كملي شو تسوي امرج لله ،، حرام دراسه وتضيعي ع نفسج باخر شي ، مو شرط تقولي رسبتي قولي تعديل او رفع من مستوى ماده في كثير ناس ناجحين ويعيدوا بس علشان يرفعوا نسبتهم ب الماده ،، عسي الله يوفقج ويألف بين قلوبكم يارب العالمين

[بحــ العيون ــــــــر]

الله يرزقك ويكتب لكي الخيررررررررررررر

وهذي مهمااا كان ومهم صار ترى من جو قلوبهم يتمنون لكي الخيرررررررر

والله يهديهم لكي يارب ويهديك لهم

[smile girl]

عادي حبيبتي لتخلين بالج تعلمي اطنشين لو هسة تسمعين جبل كلام ميعجبج طنشي لمصلتج ولمصلحة صحتج
وبالنسبة لجدتج سامحيها لان اكيد هي جبيرة بالعمر والعمر الة حوبة
وبالعراق عدنا مثل دائما نكولة للشي الي ميعجبنة ( طنش تعش تنتعش )
اهتمي بصلاتج واقري قراءن لان القراءن بحد ذاتة سعادة للانسان مهما تكون ظروفة
وربي يرزقج راحة بال وطمئنانية

ولتكولين ميتمنولي الخير لا بالعكس ماكو ناس احن ع الشخص مثل اهلة بس يمكن همة ميعرفون يعبرون عن الي بداخلهم

تحياتي الج

[Um sara1]

على قولة سمايل طنشي لسى بتشوفين مواقف اكبر وجارحة في الحياه اذا هالامور مسببه لك هم وغم مراح تقدرين تواجهين المجتمع وبعدين الزواج ماهو حل بالعكس ممكن يكونون اهل الزوج اكثر قسوة وحدة هذا اذا ماكان الزوج نفسه سليط لسان

تعودي تعيشين الحياه وتبسطين الامور وكل المواقف الي ذكرتيها ماتجي نقطة ببحر التجارب الي راح تواجهينها مستقبلا لو ماقويتي حالك راح تنهارين او تدخلين حالة اكتئاب وعزلة

انتي الان في مرحلة تحول والهرمونات و التنشأة تلعب دور في ردة فعلك وطريقتك في التعامل مع الامور بس مثل ماقلت لاتعقدينها وتكبرينها وتعيشين جو حزن والم على حاجه ماتسوى

تاكدي اليوم الي يروح مايرجع واذا ماعشتيه صح الان بكره تتندمين على شبابك وضياع وقتك ومشاعرك على تفاهات


للاسف البنات مع ادنى احتكاك ومواقف عائلية تهرب للزواج من الشخص الغير مناسب مع عدم القدرة على تحمل المسؤلية وقلة الصبر وطولة البال والنتيجة انفصال وطلاق وتحولات اكبر

تعلمي تدفنين السلبيات في نفس المكان ونفس الزمان وتنطلقين وتتفائلين

الدراسة مهمه والنجاح غاية الجميع لكن ماشوف في مشكلة لو عرفو ولو تشمتو فيك او جرحوك بالكلام قولي الحمدلله توي صغيرة وبعوضها السنه الجايه

ودعاء جدتك مايضرك ومعاملتها الحادة عشان التصاقها بكم ولكن تاكدي ان محبتها لكم اكثى من الاخرين مثل الام تقسى على عيالها لمصلحتهم

وسسسعي صدرك ولاتخلين شي يحبطك او يسرق منك الفرح والمرح والحيوية الي عايشينها البنات بسنك سوي لك حساب بتويتر والانستقرام حملي العاب وتسلي فيها خصصي لو عشر دقايق قبل النوم اقري فيها صفحة من القران والاذكار وصلي ركعتين ونامي اهتمي بانوثتك لان هذا جانب مهم يدعم شخصيتك كل مافضيتي سوي لنفسك ميك اب والبسي وتصوري كانك رايحه مناسبه مارسي الاشياء الي تحبينها تسوق او زيارات او مكالمات اصدقاء رياضة خذي وصفة جديدة واطبخي وبدعي راح يعدي الوقت بسرعه ومراح تلاقين فرصه تفكرين فيها بتصرفات الاخرين

[اكتوبرية]

بالنسبه لدراستك لازم تكملين
وعادي تخبرين اهلك ان مستواك ضعيف والحل انك تاخذين فصل رابع
بس اهم شي تكملين دراسه

اما بالنسبه لجدتك ،، طبيعي مررة في ناس كبار فالسن
وكله كلامهم كذا دعاوي وسب ،، انتي لاتاخذين بكلامها
وبوسيها على راسها واضحكي معها لان كبار السن نور فالبيت
الله يحفظها وبخليها لكم

[sjode]

معلشي تحملي جدتك لان اكثر الجدات لسانهم طويل وانشاء الله ربي يبعتلك زوج الحلال