تجمع الجزائريات الغاليات المتأخرات في الحمل ‏

[bicha24]

المشاركة الأصلية كتبت بواسطة أم نهى الجزائرية

صباح الانوار حبيباتي وين راكم من البارح و انا نسنى ما دخلت حتى وحدة فيكم


حبيت نبشركم بلي خلاص عطاونا لوكي باه نروحو للعمرة و ان شاء الله غدوة ولا بعد غدوة يعطيونا البيي تاع الطيارة و نهار الثلاثاء نروحو باذن الله


تمنيت نلقاكم باه تفرحو معايا مي خسارة ما لقيت حتى وحدة

اليوم جانا الصباغ صبغلنا البيت قعدتلي الدوزيام كوش و يخلص عيطت لجارتنا باه تجي تعاوني العيشة في الميناج

الف الف مبروك حبيبتي ام نهى
تروحي وتجينا بالسلامة وبالاخبار السعيدة ان شاء الله
امانة امانة امانة عليكي توصلي سلامي لرسولنا و حبيبنا محمد الف صلاة و سلام عليه
وتدعيلي بالذرية الصالحة ان شاء الله
راح نفكرك قبل ماتروحي ان شاء الله ولا مفكرتكش ان شاء الله تتفكرينا

[أم سيف الله]

السلام عليكم يا بنات
ارجوكم اختي قالت لي ان اطلب منكن ان تدعين لها بالنجاح في البكالوريا قالتلي اكيد دعواتهم مستجابة باذن الله
والله يفرح قلوبكم ويقر اعينكم بالذرية الصالحة

[bara]

المشاركة الأصلية كتبت بواسطة أم سيف الله

السلام عليكم يا بنات
ارجوكم اختي قالت لي ان اطلب منكن ان تدعين لها بالنجاح في البكالوريا قالتلي اكيد دعواتهم مستجابة باذن الله
والله يفرح قلوبكم ويقر اعينكم بالذرية الصالحة

يارب وفق ويسر وسهل اخت ام سيف الله واختي واجعلها من ناجحين في البكالوريا
انا تاني اختي تعقب في البكالوريا يارب يكونو من ناجحين في شهادة البكالوريا

[bicha24]

ااااميين يارب

[أم نهى الجزائرية]

مساء الانوار حبيباتي واش حوالكم كامل؟؟؟؟؟؟؟؟؟؟؟؟

الله يبارك فيكم كامل و العاقبة ليكم وحدة وحدة بارا غفران جيجي بيشا متفائلة و كامل الي مذكرتهمش

الحمد لله خلصنا الصبيغة و المناج جاتني جارتي عاونتني يعطيها الصحة كملنا الدار كامل

ادعويلها ربي يرزقها الزوج الصالح عاجلا غير اجل يا رب

و غدوة باذذن الله راح نروحو للبلاد بعيدة علينا مشية ساعة بالطونوبيل و نروح نشوف اختي نبقيها بالسلامة و عندنا شوية حوايج راح نشريوهم من تم و منبعد نهبط لدارنا تاني مشية ساعة نشوف يما وبابا قبل ما نروح ان شاء الله

و القاطو راح نزيد نعيط لجارتي تعاوني فيه نهار الجمعة خاطر سلفتي ما هيش جاية

الحمد لله ما بقاليش نقول تقريبا خلصت سوغتو كي تهنيت من الصبيغة و المناج ههههههههههه

و انتما كاش جديد لبنات وينهم مش يبانو كامل؟؟؟؟؟؟؟

امولة امة صبورة هدى باربي الما لامية اسماء سهام ’’’’’’’’’’’’’’’

[bara]

يعطيك لصحة وبصحتكم الصبغة ربي يرزق جارت الزوج الصالح
صح حمدلله راكي قريب تكلي اكتر حاجة هي الميناج وزيد مع الصبيغة
انا روحت ليوم لطبيب لقيتو كونبلي حتى ليوم الخميس ان شاء الله

[bara]

لبنات راها تسلم عليكم اموموة كامل
ليوم رحت انا وزجي نحوسو راني عيانة نخليكم في امان الله

[أم نهى الجزائرية]

ان شاء الله تعيشي بارا حنونة لميزة كي للقيتك و الله اليوم كامل ما قعدتش صباح ضالة واقفة في الكوزينة لفطوور و لغدا و زيد مامبا ماكاش وين نقعد خاطر الخدام في الدار بقيت محبوسة حتى للظهر حسيت رجلي وظهري تكسرو وانا نسنى وقتاش يخلصو

و لعشية كملت مع لعشاء رهم رجلي يسطرو علي حتى و انا راقدة مي الحمد لله تهنبت منهم كانو مقلقيني بزاف

ماعليش حنونة ربي يجيب الخير مي و الله احسن كون تروحي عند مرا خير تقلبك مليح خير من الراجل

[أم نهى الجزائرية]

يسال عليها الخير و انت بصحتك التحوييسة ربي يدوم محبتكم و يزهي ايامكم و يرزقكم بالذرية الطيبة عاجلا غير اجل

[أم سيف الله]

امين اختي بارا الله يوفقهم كامل وان شاء الله ينجحو كامل واحنا تانيك نكونو فرحانين بالحمل معاهم
يا يالله
الله يوفقكم كامل