تجمع الولاده القيصريه

[غفران الحلوه]

سلام عليكم

انا قررو لي عمليه قيصريه لان الجنين مقعدي
ابي اعرف منكم بعد العمليه متي يدولي البيبي ؟

وشكرا

[غفران الحلوه]

ليش كذا مافي رد ؟؟

[amani_nor]

اختي غفران على حسب العيادة ولا المستشفي و البلد انا بالجزائر بعد العملية ب 3 ساعات جابولي بنتي شفتها و خلاص روحت البيت مع باباها و جدتها و طلعت انا من العيادة باليوم الثالث وانا مشتاقتلها كثير و الحمد لله وجدت شوي صعوبة اول يوم مع الرضاعة بعدين كل شي تمام...الله ييسرلك ادا عندك اي استفسار من عيوني

[شعاع الأمل]

انا لعد العملية بساعة طلبت البيبي وجابوه لي
الله يقومك ويقومنا بالسلامة.
أماني/حرام طلعو بنتك وانتي بالمستشفى احس صعبة

[شعاع الأمل]

أنابرضو ولادتي إن شاءالله قيصري بعد
عيد الفطر إن شاءالله هذي ثالث ولادة قيصري
الله يعديها على خير ويسهلها يارب..

[amani_nor]

شعاع الامل ايه و الله كثير صعبة كثير اشتقت لها لكن الحمد لله كل شيء يهون لما نشوفهم بخير و كلو يصير ذكريات
الله ييسرلك حببتي و يقومك بالسلامة..تحياتي

[غفران الحلوه]

تسلمون علي الردود حبايبي

[غفران الحلوه]

احس صعبه يدولي البيبي اول السوم راح اكون تعبانة من العمليه وانا اول بيبي وماعندي خبره ومااعرف شلون اتعامل معاه والم حييل
بعد العملية بكم ساعه يروح البنج ؟؟ البنج النصفي ؟
ويكون الم كثير ؟؟

[شعاع الأمل]

لاتفكري كثير بالعملية هذي ثالث عملية لي وإن شاءالله
بتهون والبنج النصفي افضل من الكامل جربت الثنين
البنج بعد ماتخرجي من العملية ساعة ويروح ولااقل بعد
من ساعة واطلبي مسكنات وراح يعطونك إن شاءالله
واذا البيبي ماتبغية لاتطلبينة الالما ترتاحي وتخفي ..

[SooSoo2020]

السلام عليكم

الله يعطيك العافية صاحبة الموضوع والتجمع الجميل ..

هذي أول مشاركة لي بالمنتدى مع أني سجلت فية من أول ماحملت وكنت أقرأ كل المواضيع وأدخل كل الأقسام حسب شهر الحمل اللي أنا فية

أنا بكرية ولله الحمد ولدت في 27 فبراير وجبت أحلى سلطان بالدنيا الله يحفظه لي يارب
بس حبيت أشارك بهذا الموضوع بالذات علشان أحكي تجربتي بالولاده
أنا طوال فترة حملي الحمدلله كان وضع الجنين بخير وكان مقرر لي ولادة طبيعية لأن كل شئ تمام
أنا ولدت بآخر يوم بالتاسع وحمى علي الطلق والرحم مفتوح 1 سانتي بس
وظليت أطلق من 11 الظهر ألين 8 العشاء ويالله أنفتح 3 سانتي والممرضة نصحتني بأبرة الظهر مع أني من البداية كنت قارية عنها بس سبحان الله مع الألم تنسين الطرق اللي تخفف ألم الطلق والأدعية اللي لازم تقولينها وكل شئ ، بس من جد والله يشهد على كلامي صدق اللي قال عنها رحمه من الله من أخذتها ماحسيت بأي ألم الحمد لله وكنت جالسه أنتظر بس ينفتح الرحم علشان الولاده

ولما جت الدكتورة تفتح مويه الرآس شافت أن الموية مو نظيفة لأن الطفل وأنتوا بكرامه تبرز داخل بطني
وهي خيرتني إذا ينتظرون مع أن توسعي كان بطيئ جداً أو يحولوني عملية وأنا أخترت عملية على طول
وحولوني على غرفة العمليات وقالت لي تبن تخدير كامل وماتحسين بشئ وإلا نصفي وتشوفين البيبي وتتطمنين علية طبعاً أخترت النصفي بدون تفكير وماكنت محتاجه إلا زيادة جرعة التخدير بس لأني مخدرة من تحت بسبب أبرة الظهر

ولله الحمد العمليه كانت سهله والألم اللي بعدها كان محتمل بس الإحساس الثقل هو المتعب نوعاً ما

وبالنسبه للإهتمام بالجرح لاتسمعين أبداً كلام الناس حطي مره وماأدري أيش خليك بس على المسحه الطبيه من برا والمره أشربوا منها علشان تعالج الجرح من داخل بس لازم تشربون منها بعد ماتوقفون المضاد اللي يعطونكم أياه المستشفى لأنه بيتعارض مع المره لأنها تعتبر مضاد بعد ، والمره مفيده للشمم علشان مايتأثر الجرح بريحه العطور أمسحوا فيها البطن فوق الجرح بس مو عليه.

الولاده القيصريه سهله وماتخوف ولاشئ بس أهم شئ تحسنون أختياركم بالمستشفى أنا ولدت بمستشفى أسطون بالخبر

المعذره على الإطاله
بس أنا والله كنت زيكم خايفة وأحاتي بس والله أن الولاده شئ جميل لايوصف وذكريات حلوه
وربي لو أحد يسألني عن ألم الدورة وأنتوا بكرامه أقدر أتذكره بس الولاده سبحان الله ربي ينسيك أياه من تشوفين طفلك
الله يهون على كل حامل .. ويرزق كل محرمه يارب