تجمع الجزائريات الغاليات المتأخرات في الحمل ‏

[alma021]

ربي يشافيه ان شاء الله مايكون غي الخير

[alma021]

اسمحيلي ام مصعب رح ندير العشا في امان الله

[احلى شيء الاموموة]

السلام عليكم ماسء الانوار لبنات ان شااء الله راكم بخير ....اسما يسال عليك الخير حنونتي وربي يفرح لبنات الكل هذي حاجة ربي والله فرحة نور الهدى نساتني في خسارتي ربي يثبت حملها وتفرح بيه .....الما ضحكتيني لسانك طويل وانا ما علاباليش ربي يشدهو لك والله لازم في الوقت هذا لناس كيف سلفتك ....ربي يرزقنا ويعطينا على قد صبرنا ....

[ASMA layal]

المشاركة الأصلية كتبت بواسطة bassouma

معليش أسماء رانا كامل كيف كيف
أسماء جربتي خلطتة أم لجين

ايه بسومة جربتها الشهر لي فات ودارتلي الروطار 11 يوم

المشاركة الأصلية كتبت بواسطة أم نهى الجزائرية

اسومة الزينة واش حوالك حنونة و الله غير توحشتك هادي غيبة

بسومة و اسومة واش قصة التوقيع ديالكم راهو كيف كيف ولا شعار تاع كاش ما مسابقة ههههههههههههه

علابالكم و الله ما وليت ندخل لاي صفحة في المنتدى غير تاع التجمع نديرلها غير تحديث و خلاص ههههههههههه بي العجز و التفنيين

اهلا ام نهى حتى انا توحشتك وعلى التوقيع راهو تاع فريق الزهور والفراشات خاص بالمشرفات

المشاركة الأصلية كتبت بواسطة alma021

هاد الهدرة قاع راهي فايتة عليا واكثر والتالية قاع اللي صراتلي البارح
رحت عند اخت راجلي نهنيلها جات من العمرة كي دخلت لقيت الصالون معمر نسا مانعرف ولا وحدة فيهم فاميلة راجلها وجيرانها المهم انا فالدقيقة اللي قعدت نطقت وحدة قالت شكون هادي قالتلها هادي مرت خويا الصغير اللي ماتولدش انا سكتت ومبعد عاودتها دوزيام فوا هادي مرت خويا اللي ماتولدش "][/ زدت دهشت وكي عاودتها الخطرة الثالثة قلتلها حبسي ثم وش هاد الهدرة واش قالولك عليا عاقر ولا الطبة قطعوني لياس وزدت هدرت حتى شبعت بردت قلبي حتى بداو النسا يسكتو فيا العباد تاوعنا ربي يهديهم يخرجو الواحد من عقلو
ربي يهديهم هادي زعمة جات من بيت ربي
ونزيد نقولكم هادي حماتي يعني اخت راجلي اللي هدرت هاكا عمرها قد يما 55 سنة وقعدت قريب 5 سنين باش حملت

هههههههههه الما ضحكتيني والله غير الناس مهابل هدا قعدت 5 سنين باش رفدت وتهدر هكدا الله يهديها

المشاركة الأصلية كتبت بواسطة احلى شيء الاموموة

السلام عليكم ماسء الانوار لبنات ان شااء الله راكم بخير ....اسما يسال عليك الخير حنونتي وربي يفرح لبنات الكل هذي حاجة ربي والله فرحة نور الهدى نساتني في خسارتي ربي يثبت حملها وتفرح بيه .....الما ضحكتيني لسانك طويل وانا ما علاباليش ربي يشدهو لك والله لازم في الوقت هذا لناس كيف سلفتك ....ربي يرزقنا ويعطينا على قد صبرنا ....

اهلا امومة الحمد لله الحاجة لي تجي من عند ربي مرحبا بيها تغيضك لي تجي من الناس ربي يفرحك في القريب ان شاء الله

[احلى شيء الاموموة]

تعيشي اسما الحمد لله على قضاء الله ....والناس ربي يهديهم...

[om.mess'ab]

سلام صحا عشاكم يابنات ....

[ام عمر و هبة]

السلام عليكم يالبنات واش راكم كامل راه قلبكم خارج من كلام الناس كيفي انا وليت منروحش للمناسبات خاصة تع لافامي يكرهولي حياتي هذا كامل ماعلابالهمش شكون الي مايجيبش انا ولا راجلي انا منهدرش على اموري الشخصية ليهم هكذا خير

ام نهى الحمد لله على سلامتك واش راكي مع اللرقية مليحة شوية

امومة واش ركي حنونة النفسية تاعك لاباس شوية طلعي المورال التاعك ربي مايخليكش ان شاء الله بصح لازم تشوفي علاش راكي تسقطي و ديري الاسباب

المة متشرفين بمعرفتك حنونة و الله غير عندك الحق كاين ناس يحبو غير الي يحطهم عند بلاصتهم غزيتلها

ام مصعب لاباس على مصعب اتهلاي فيه

امولة كاش احدهم كاش تصاور

اسما معريفة خير اختي واش راكي ان شاء الله تكوني بخير

[om.mess'ab]

السلام عليكم يالبنات واش راكم كامل راه قلبكم خارج من كلام الناس كيفي انا وليت منروحش للمناسبات خاصة تع لافامي يكرهولي حياتي هذا كامل ماعلابالهمش شكون الي مايجيبش انا ولا راجلي انا منهدرش على اموري الشخصية ليهم هكذا خير

ام نهى الحمد لله على سلامتك واش راكي مع اللرقية مليحة شوية

امومة واش ركي حنونة النفسية تاعك لاباس شوية طلعي المورال التاعك ربي مايخليكش ان شاء الله بصح لازم تشوفي علاش راكي تسقطي و ديري الاسباب

المة متشرفين بمعرفتك حنونة و الله غير عندك الحق كاين ناس يحبو غير الي يحطهم عند بلاصتهم غزيتلها

ام مصعب لاباس على مصعب اتهلاي فيه

امولة كاش احدهم كاش تصاور

اسما معريفة خير اختي واش راكي ان شاء الله تكوني بخير

صحا حبيبتى ماتعمريش راسك الناس يحبو يقرعجو سيرتو اذا ماخالطتيهمش



مصعب قالوا عندك ليGAZالحمد لله ماشي GRAVE

[om.mess'ab]

اخت امومة الله يعوضك خير

اسباب الاجهاض كثيرة

انا امى اجهضت خمس مرات باش جيت انا وبيني وبين اختى الكبيرة ثمان سنين


وكانت عندى حبيبتى طيحت ثلاث مرات فى الشهر الثانى وقالولها الرحم فيه سخانة



المهم فيه حمل ونشالله يثبت .

[أم نهى الجزائرية]

مساء الخير لبنات واش حوالكم كامل ؟؟؟؟؟؟؟؟؟؟؟

انا و الله مع المغرب بارك خرج من عندي الراقي سبحان الله و الله غير تشوفي لعجب في الدنيا هادي تخيلو ظهر ما غير واحد عندي برك ولاو زوج انثى و ذكر يعني لحد الان وصل عددهم 4 الاول خرج و زاد خرج مسلم ثم ظهر هذا و معاه واحدة اخرى قال بلي كانت ساكنة في البطن و الرحم و انها كانت تمنع الحمل

و تخيلو في البداية كي بدا يقرالي في ايات التوحيد و الصلاة ولا يدحر و ينين و يقول بلي هو كافر وما يحبش المساجد و بقى يدير في الحركات تاع البارح


"نصيحة اخواتي عن تجربة شوفي الذكر واش يدير كي بدا يدير في الحركة تاع قرن الشيطان قريت "اعوذ بكلمات التامة من كل شيطان وهامة ومن كل عين لامة سبحان الله و الله غير الاصابع هادوك الي كانو مغلوقين تفتحو غصبا عنو و زيد قريت سورة
الفلق نفس الشي صرالو سبحان الله

المهم و منبعد قرا سورة الجن وبقا يعاود فيها و هو ولا يرجف و يعيط و يبكي من "الشهاب" كررها تقريبا 5 مرات و من بعد بدا سورة غافر سبحان الله كي قراها حبس الحركات و بدا يسمعلو و كي شغل واحد مستغرب و يحوس يفهم و لكن الراقي حبسها و قرا سورة اخرى فقعد يطلب منو يعاود يقراها وهو ما حبش وقالو بلي اسمو مصعب وقالو بلي حاب يسلم لاكن الراقي ما صدقوش

وكمل يقرا و هو يقولو اقرا غافر المهم قرالو الملك و الحاقة و عاود قرالو الجن فلما سمعها تاثرش نهائيا ماشي كما المرة الاولى
و من بعد باه قرالو غافر و هوارتاح نهائيا وفي الاخير قرا حزب سبح كي وصل لسورةالشمس بداو رجلي يتعوجو قالو بلي الي معاه راهي حابة تخرج كمل يقرالها ومن بعد اذن فحسيت برجلي تكسلو بزاف و كي شغل خرجت حاجة من فمي قالو بلي راها خرجت و انها كانت في الرحم



سبحان الله و الله غير ما فهمت والو ما عرفت واش نصدق ولا واش نكدب

ربي يجازيكم يا لبنات ديما ادعولي ربي يفرج علي و يشفيني مما انا فيه


علابالي طولت عليكم لاكن الله غالب ما عندي لمن نحكي غير انتوما نفضفض معاكم و نسمع نصايحكم