تجمع الجزائريات الغاليات المتأخرات في الحمل ‏

bassouma · 04-03-2014, 02:38 PM

أمولة نتي ما راكيش تخدمي
أم عمر ربي يرزقك عن قريب بتوأم واش ديري هذي حكمت ربي سبحانه و يختبر صبرنا
أم مصعب أهلا واش راه مصعب
غفران راكي لاباس

Nourelhouda · 04-03-2014, 02:50 PM

صباح الخير الزينات واش راكم لاباس!؟!؟
ام عمر و هبة هذي هي حالتنا كامل انا راني غير شعرة و نخرج من عقلي من هدرة الناس،،،، ادواحد يصبر و الناس تشعل فيه النار وليت نكره نخرج نشوف العباد ،،،، مع الاول كي مرت لوسي مارفدتش كنت نصبر روحي بيها. كنت نقول رانا في زوج و درك راهي حامل الله يبارك يعني قعدت غير انا كي الراية في وسطهم ،،،،، لول بارح روحنا للبلاد عند جداه مريضة مرت خال عجوزتي كي سمعت مرت لوسي بالحمل بدات تبارك لعجوزتي و تقوللها لعقوبة لهدى و من بعد كي جينا خارجين قالتلي ماديري والو في قلبك ههههههه انا تشوكيت شفت فيها قلتلها علاش ندير في قلبي ياك ربي هو الرزاق هو اللي يمد و هو اللي ينحي ماشي العبد قالتلي ايه ايه علابالي ،،،،، قريب سبيتها غاضتني عنري درك رجعوني انا الغيورة على مرت لوسي ماشي تقولو الواحد يخنق روحو و يتهنى،،،،، كرهتهم كامل كامل،،،،،،

الشاكرة -لله · 04-03-2014, 03:03 PM

اهلا البنات
نور الهدى اخطيك منها لي ماذاقش الحرمان ما يحسش ربي يهديهم راهم هبلونا و خرجونا من عقلنا ,,,,,ياك رتاحتي دوكا صافا ؟
البنات كامل لاباس ؟

bassouma · 04-03-2014, 03:09 PM

أهلا نور هدي مراكيش تباني قاع توحشتك واش نديرو أنا علجال هدرة الناس رحلت من بلعباس راني في شهرين مرحتش و ماما مسكينا هي وعجوزتي كل ما يلقوهم يشبعوهم هدرة خطرش زوجة خويا راهي في عامين و أخت زوجي راهي عام و 8 أشهر ربي يهدي ما خلق

bassouma · 04-03-2014, 03:12 PM

أهلا هدى واش راكي حنونة ستحفظي على روحك

الشاكرة -لله · 04-03-2014, 03:43 PM

اهلا بسومة راني الحمد لله و نتيا حنونة

AMAL JADID · 04-03-2014, 03:50 PM

اقتباس:

المشاركة الأصلية كتبت بواسطة bassouma

أمولة نتي ما راكيش تخدمي
أم عمر ربي يرزقك عن قريب بتوأم واش ديري هذي حكمت ربي سبحانه و يختبر صبرنا
أم مصعب أهلا واش راه مصعب
غفران راكي لاباس

نص نص مفرات خداما مفرات بطالة هههههههههههههه

خدمتي فليكسيبل ههههههههههههه

AMAL JADID · 04-03-2014, 03:57 PM

اقتباس:

المشاركة الأصلية كتبت بواسطة Nourelhouda

صباح الخير الزينات واش راكم لاباس!؟!؟
ام عمر و هبة هذي هي حالتنا كامل انا راني غير شعرة و نخرج من عقلي من هدرة الناس،،،، ادواحد يصبر و الناس تشعل فيه النار وليت نكره نخرج نشوف العباد ،،،، مع الاول كي مرت لوسي مارفدتش كنت نصبر روحي بيها. كنت نقول رانا في زوج و درك راهي حامل الله يبارك يعني قعدت غير انا كي الراية في وسطهم ،،،،، لول بارح روحنا للبلاد عند جداه مريضة مرت خال عجوزتي كي سمعت مرت لوسي بالحمل بدات تبارك لعجوزتي و تقوللها لعقوبة لهدى و من بعد كي جينا خارجين قالتلي ماديري والو في قلبك ههههههه انا تشوكيت شفت فيها قلتلها علاش ندير في قلبي ياك ربي هو الرزاق هو اللي يمد و هو اللي ينحي ماشي العبد قالتلي ايه ايه علابالي ،،،،، قريب سبيتها غاضتني عنري درك رجعوني انا الغيورة على مرت لوسي ماشي تقولو الواحد يخنق روحو و يتهنى،،،،، كرهتهم كامل كامل،،،،،،

انا وليت نرد الصرف تم تم منعمر قلبي منخمم فيهم
ثماك نحطلها صرفها
حبت عجوزا صغيرا كبيرا هههههههههههه و لاو كامل يهربو مني

انا شريرة ارواحو نبججكم
الي تهدر نقولها ربي عطاك دراري و ضيعتيهم ههههههههه
يبداو يتزربعو

نقولهم انا واش ندير بالدراري مهنيا من تكسار الراس نوض وقت الي نحب و نرقد وقت الي نحب
وكي نروح كاش مناسبة منبقاش نكركر فيهم

يبقاو يتخازرو في بعضاهم
حتى و لاو يقولو لعجوزتي عروستك مراهيش حابا جيب دراري اهدري معاها ههههههههههههه
كلي ولادهم ههههههههههههههههههههه ولات عجوزتي تقولي اذا ماكمش حابين دراري حنا رانا حابين نشوفو ولادكم
ايه نقولها نشاء الله

اعطيهم بالبارد بالسخون ههههههههههه

حشيهم قبل ميهدرو ههههههههه

كي تشوفي وليدها قبيح قوليلها زين تهنيت
ولا قوليلها بطلت منرفدش اذا دراري هكدا

مرات انا نشملهم شطايط و هوما مابيهم والو نقولها روحي بدليلو راه فوحها هههههههههههههههههههههه

لبنات الي عندهم الدراري راني نهدر على القرعاجات الصامطات و لبنات راهم فاهميني نهدر علا الي تسقسيك باش تستشفا فيك ربي يعافينا

الشاكرة -لله · 04-03-2014, 04:02 PM

هههههههههههه يا امل ضحكتيني هههههههههههههه

om.mess'ab · 04-03-2014, 04:10 PM

اقتباس:

المشاركة الأصلية كتبت بواسطة bassouma

أمولة نتي ما راكيش تخدمي
أم عمر ربي يرزقك عن قريب بتوأم واش ديري هذي حكمت ربي سبحانه و يختبر صبرنا
أم مصعب أهلا واش راه مصعب
غفران راكي لاباس

الحمد لله اختى بسومة الله ينورك

مصعب اليوم صبح يرد حشاكم مانعرف واش بيه

رانى درتلو سميكتا شوي لاباس

وكيما كانوا يقولوا البنات انا سمانة لى فاتت تلاقيت مرت خال ماما وعندها بنتها قدي

جابت طفلة وهابلة على طفل سورتو كى قريناتها بكروا بالذر راهى بالحمل الثانى وفى بالها ذكر

امالا قاتلى امها واش كاش مادرتى على ولدك قلتلها انا والو مازال ماكتبش ربي

هى فهمتها بفهامتها قاتلى ايه بالاك برد ؟؟

ارواحى انتى وعيشي مع هاذ الغاشي ؟؟

ومرة بنتها قالت لالا الطفلة البكرة خير من الولد

الى جابها ربي هذيك هى الواحد مايكونش حساد

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
تجمع الغاليات بنات العراااااقالتجمع الجديد	عطر الربيع	ملتقى عضوات حوامل	764	07-06-2014 12:30 PM
الغاليات بنات فلسطين @هنا التجمع الجديد@	عطر الربيع	ملتقى عضوات حوامل	1033	01-21-2014 09:00 PM
التجمع المغربي الجديد لتجديد الامل و مرحبا بكم من كل بلد	chamcham	منتدى علاج العقم و تأخر الحمل	141	12-12-2013 08:26 PM
تجمع الجزائريات المتأخرات في الحمل و أهلين بالتونسيات الغاليات	اميرة الحنان	منتدى علاج العقم و تأخر الحمل	8220	12-11-2013 11:57 PM
هل الحديد والكالسيوم مهمين للبيبي	احلى شعور	إستفسارات حوامل من الشهر السابع إلى الشهر التاسع	4	05-18-2011 02:57 PM