تجمع الجزائريات الغاليات المتأخرات في الحمل ‏

[الشاكرة -لله]

المشاركة الأصلية كتبت بواسطة basouma26

لبنات راني رجعت لداري و الحمد لله و دخلت عندكم لقيت احلى خبر اللهم لك الحمد و الشكر يااااااااااااااااااا رب يا كريم يا ارحم الراحمين الف شكر يا رب اللي فرحت حبيبتي نور الهدى الف مليون مبروك نور الهدى و عقبال للبنات اجمعين

نور الهدى و الله قلبي طار و بغيت نعنقك يا ريت كنتي حداية الله يثبت حملك و يفرحك بزوج او ثلاثة توائم يا رب يعوضوك صبر السنين كثري من الحمد و الاستغفار بصح بغيت نوصيك و ان شاء الله ديري علي حبسي الخدمة راه قريب العطلة ديري ملادي و ريحي في الدار و ما تخدمي حتى حاجة و كولي مليح يا ريت لو كان راكي حداية و الله ما نخليك تنوضي ارجوكي ارجوكي حافظي على روحك قد ما تقدري

عقبالكم يا لبنات كاملين يا رب تجي فرحة مور ختها يااااااااااا رب راني ملي كنت في السبيطار و انا ندعي ان شاء الله يجي رمضان و كاملين خواتاتي حوامل يا رب

انتي لاحلى يا الزينة و الله يجازيك كل الخير ما نسيتيناش بالدعاء ربي يخليك لعائلتك و يثبت حملك حنونة ,,, الحمد لله رجعتي لدارك و عندك الزينة دياولك بسمة بوسيهالي
ايه ان شاء الله رايحة ندير مالاضي و منروحش نخدم بالسيف لا شديت الحمد لله محاباش نخسر
قوليلي انت كيفاش ريحتي شوية ؟

[الشاكرة -لله]

هاكم حبيباتي الفال هذا دوك و مبعد نتهلى فيكم مليح كي نريح ... خسارة راحت امة كون تهلات فيكم مليح مليح ربي يفرحها يا رب تكون بخير توحشناها

[Rosita]

سلام لبنات هذا شحال و أنا متبعتكم و زهر طحت في هذا المنتدى و سجلت غير علاجالكم بصاح مقدرتش نشارك، في بالي دايمن نتوما تتعارفو ديجا لهذا جاتني ثقيلة خاصة أني مازلت ماتزوجت (مبقاليش يعني) لكن متقدروش تتصورو شحال ندعيلكم كيما راكم مرات رايحا نرقد و ندعي و نرقد هكذاك بالدعاء في لساني خاصة ل انتظار لّولة و نزيد نكمل البقية على حساب سنين الزواج و كي قريت الخبر هذا قررت تكون اول مشاركة ليا هي باش نبوركلك و الله فرحتلك من قلبي دموعي محبسوش دنيا دارت بيا تقولي انا لي صراتلي الف الف مبرووووووووووووووووووووووووووووووووووووووك ان شاء الله ربي افرحك نتي و زوجك بشوفة ال بيبيات ماشي واحد برك ان شاء الله ربي ايتمملك يا ربي و اسمع مني و لعقوبة ان شاء الله لجميع لبنات يآآآآآآآآآآآآآ ربي آمين

[bassouma]

هدى من يوم ربي يزيدك فرحة على فرحة و يثبت حملك و يرزقك توأم و صحيتي على قاطو بصح حنا نجو لدار قاع نهجمو إلى هوزتينا ههههه

[basouma26]

المشاركة الأصلية كتبت بواسطة 20 سنة انتظار

انتي لاحلى يا الزينة و الله يجازيك كل الخير ما نسيتيناش بالدعاء ربي يخليك لعائلتك و يثبت حملك حنونة ,,, الحمد لله رجعتي لدارك و عندك الزينة دياولك بسمة بوسيهالي
ايه ان شاء الله رايحة ندير مالاضي و منروحش نخدم بالسيف لا شديت الحمد لله محاباش نخسر
قوليلي انت كيفاش ريحتي شوية ؟

انا راني بريت من فرحتك الحمد لله و مزية اللي قلتي راح تريحي في الدار بعدي على التقلاق قد ما تقدري و ما تاكليش الكبدة ماشي مليحة حامية

لبنات ارواحو ادعو لحبيبتكم راني درتلها موضوع باش كل الناس تدعي معاها دعوات ظهر الغيب مستجابة

http://forum.hwaml.com/t290414.html#post3697141

[bassouma]

أهلا أخت روزية مرحبا بيك معانا ريوم عندنا لعرس ربي يسهلك زواجك يجعله زواج دهر و يرزقك إنتي تاني و شكرا على دعوات و لي راكي تتفكرينا

[basouma26]

شكرا نور الهدى على الحلويات راهم ممنوعين علي بصح في خاطرك و الله الطبسي نكمله هههههههه

بارك الله فيك غوزيتا على الدعاء و المشاركة انتاعك ربي يفرحك ان شاء الله

شفتي نور الهدى مزية سجلتي في المنتدى و اديتي الدعاوي قالك ما كانش كيما دعوات ظهر الغيب و ما تعرفيش قاع شكون اللي راهم يدعو معاك الحمد لله و الشكر لله و عقبال ما نفرحو بجميع لبنات و الله يعوض امومة و يفرحها تاني يا ارحم الراحمين

[Rosita]

شكرا بسمة الله يعطيك كل خير و يرزقك الذرية الصالحة ان شاء الله و كامل البنات يا رب

[Nourelhouda]

ايه و الله راه الفرحة فرحة كبيرة و الله الحمد لله كامل فرحولك نورالهدى خاصة ماما فرحتلك بالبزاف حتى بكات دايما كانت تسقسيني عليك و اليوم عيطتلها في التليفون و بشرتها بكات حتى شبعت الحمد لله و راهي تباركلك ،،،،
عيطت لمريم و الما و باربي ،،،، فرحو بزاف و مريم ادعولها ينيسو مسكين راه مريض ادعولها حباباتي ،،،،،

[Nourelhouda]

هذا هو الشريط تاع ديريلو كوبي كولي كيما درتي تاع اولاد خوك و يخرجلك ربي يفرحك بتوأم يا رب،،،،