تجمع الجزائريات الغاليات المتأخرات في الحمل ‏

[bara]

صباح الانوار جمعة مباركة

[ام عمر و هبة]

السلام عليكم و رحمة الله اهلا اخت بارا جمعة مباركة علينا و عليك ان شاء الله
كيف حوالك ان شاء الله تمام عن نفسي انا راني مليحة و الحمد لله

[bara]

حمدلله انا لاباس
واش اخبارك كانش جديد

[bara]

ام نهى وراكي ارواحيييييييييييييييييييييييييييي بشرينا

[أم نهى الجزائرية]

صباح الانوار حبيباتي جمعة مباركة ليكم كامل

اهلين بارا حنونة و الله واش راح نقولك الصباح درت التاست في البداية خرجلي نيقاتيف و من بعد رقدت شوي و عاود زدت شفتو لقيت خط خفيف خلاص في الخانة تاع النتيجة مارانيش عارفة هل صح بوزيتيف ولا كيفاش؟؟؟؟؟؟؟؟؟؟؟؟؟

ادعيولي يا لبنات اليوم راهي الجمعة و الدعاء مستجاب فيها

[جميلة الجزائرية]

سلام بنات ان شاء الله كامل راكم لاباس انا الحمد لله بخير
و جيت اليوم لدارنا و نروح و حبيت ندخل نسلم عليكم المهم لعشية الا كملت قبل منروح راني ندخل ....
جيت باش نروح مع بنت خويا للحفافة نروحو كيف كيف راه بالاتنين الخطبة تاعها

[عبير الحرية]

السلام عليكم


لبنات كاااامل دون استثناء شكرااااااااااااااا للسؤال

و الله الكسل قاااااااتلني ما قدرتش نقرا الارشيف و نرد على كل واحدة -

عندي يومين نضت الصباح لقي اكرمكم الله ساح عليا الماء

و من يومها عندي شوية سطر راني خايفة ميتة

هكا صرالي مع ليلك

ربي يستر ادعولي امانه ربي يعطيكم و يقر عينيكم بالذرية الصالحة في القريب العاجل

[الشاكرة -لله]

ام نهى ان شاء الله خير
جميلة اهلا عرفيني عليك ...
عبورة حنونة ما يكون غير الخير و فليلك هكذا ؟ و ياك خير ماجاتكش ولادة مبكرة ؟ المهم ربي يطمن قلبك و طمنينا اختي

[أم نهى الجزائرية]

اهلين عبورة غير الخير ربي يشفيك حنونة و يرفع بلاك و ما تشوفي شر ابدا و ربي يثبت حملك حتى تكملي 9 اشهر و تولدي بالسلامة و تشوفي جنينك بين يديك في صحة وعافية

[جميلة الجزائرية]

نعم 20 سنة انتظار انا جميلة من جيجل 29 سنة متزوجة من سبتمبر 2011 و مزال بلا اولاد ربي يرزقنا و انت ؟