قروب لا للشحوم .. بعد الولادة .. و لا للسمنة .. مين بتشاركني ؟؟؟

[-قطر الندى-]

المشاركة الأصلية كتبت بواسطة ميوووش محمد

بناااااااااااااااااااااااااات انا في ورطة وتعبانه نفسيا كتير

فرح سلفي ( اخ زوجي ) كمان 3 اسابيع وانا كنت عامله اطفال انابيب وما كنت ناوية احضر ما زبطت معي بس المشكله اني زايده قريب ال 10 كيلو اشتريت طقم سواري ع فرح اختي قبل اكم شهر ناويه البسه نفسه لاني ما حضرت حالي للفرح بس المشكله انه هلا ديق ... بدي وصفه او اي شي انه ينزلني بال 3 اسابيع اقل شي 5 ل7 كيلو ,,

بناااااااااااااااات ساعدوني ما بدي اكون مش حلوة بفرح سلفي


وزني هلا 78 ولازم يصير 70 للفرح شووووووو اعمل سااااعدوووني

سجلت بنادي رياضه ابدا من بكرة ,,, بدي رجيم او وصفات اعشاب واللي يومين ما اكل خبز بس اليوم اكلت شوية ,,

حبيبتي لا تاكلي هم بدك بس ارادة قوية .. الصراحة قدامك عدة حلول :

اولا : حمية التمر و حليب
بتاكلي 12 تمرة خلال اليوم كله موزعة متل ما بدك و حليب خال الدسم بنقص الوزن بشكل رهييييييب و بيعمل تعب شوي بس اصبري و ما تعمليه اكتر من اسبوع و مع مشي كل يوم ساعة

ثانيا : ريجيم تخفيف اكل بشكل عام يعني الفطور خبزة سمرة مع لبنه قليلة الدسم او بيضة مسلوقة و كاسة حليب خال الدسم و الغدا سلطة و صدر دجاج مسلوق او تونا و سلطة او لحمة مسلوقة و سلطة و العشا قطعتين فواكه او لبن و خيار او سلطة او خضار مسلوقة بالاضافة لشرب عصير الرمان او عصير التفاح او عصير العنب بدون سكر رح ينزلوا وزنك بشكل فظيع و مشي كل يوم ساعة و نصف


ثالثا : ريجيم كيميائي مجرب و فعال : الفطور كريفونة ( كريب فروت ) + بيضة مسلوقة .. الغدا : سلطة ( خيار و بندورة و كرافس و خل تفاح ) + بيضة مسلوقة
العشا : قطعة لحمة ستيك مشوية بدون اضافات و بدون دهن او زيت + السلطة نفسها
هاد الريجيم مع مشي نصف ساعة بنزلك كل يوم نص كيلو

بدي قلك شغلة اول شي اذا انتي مسجلة بالنادي كرمال هالفترة القصيرة ال 3 اسابيع تنحفي فيهون فنصيحة لا تلعبي هلق تمارين الشد يعني ما رح تلحقي تشدي لذلك استثمري وقتك بالشي اللي فيه نتيجة سريعة و اللي هو السير الكهربائي و الستيبس و البايسكل اذا حبيتي تعملي تنوع .. بس غير اجهزة نتيجتهم بطيئة و ما بتظهر ب 3 اسابيع
و كمان اذا نويتي تطبقي ريجيم من الريجيمات ال 3 لازم تطبقيه بشكل حرفي و الا ما بتستفيدي و اذا و لا بد خبصتيه شي يوم لا تيأسي و تتراجعي .. كملي و عاقبي حالك بأن تزيدي مدة الرياضة نصف ساعة زيادة !!

و اشربي عصرة ليمونة مخلوطة مع ماء دافئ عالريق وقت تفيقي كل يوم بتخفف البطن و الخواصر .. بس صدقيني النتيجة تبع رياضة المشي فناااانة اذا اقترنت بالريجيم ..
الشغلة مو صعبة بدها ارادة
موفقة

[Dana]

المشاركة الأصلية كتبت بواسطة بلوك على الحياه

مرحبا انا معكم تسنيم
بدي اشارك معكم

هلا نورتي حبيبتي

[-قطر الندى-]

المشاركة الأصلية كتبت بواسطة dana

اكلت اليوم نص صدر دجاج مع شوية بطاطا
وربع رغيف اسمر وشربت كاستين نسكافيه

صحة و هنا يا رب
برافووو عليكي ما شالله ارادة و تصميم

[Orchid109]

مرحبتين حبيباتي اخباركم
وكيفكم مع الرجيم والرياضة

اامس شفتلكم مقطع لوحدة يالله جسمها منحووووت نحت بسبب الرياضة والاكل الصحي المتوازن
ياسلام بس لو جسمي زيها

المهم احد لاحظ تغير على وزنه من بعد الدايت والرياضة ؟! والبطن راح والا لسه ؟!

ان شاء الله جايتكم بعد الولادة وان شاء الله مايكون لي بطن بعدها تهي تهي تهي

[-قطر الندى-]

المشاركة الأصلية كتبت بواسطة بلوك على الحياه

مرحبا انا معكم تسنيم

بدي اشارك معكم

بتنورينا يا قلبي
اهلا و سهلا
بانتظارك

[-قطر الندى-]

المشاركة الأصلية كتبت بواسطة orchid109

مرحبتين حبيباتي اخباركم
وكيفكم مع الرجيم والرياضة

اامس شفتلكم مقطع لوحدة يالله جسمها منحووووت نحت بسبب الرياضة والاكل الصحي المتوازن
ياسلام بس لو جسمي زيها

المهم احد لاحظ تغير على وزنه من بعد الدايت والرياضة ؟! والبطن راح والا لسه ؟!

ان شاء الله جايتكم بعد الولادة وان شاء الله مايكون لي بطن بعدها تهي تهي تهي

اهلييييييين حبيبتي نورتينا
الحمد لله انا مستمرة ريجيم و رياضة و البناااات كمان ما شاء الله عليهم
ااااه لا تشكيلي ببكيلك .. يا الله ما في احلى من الوحدة يكون جسمها منحوت و اخدة عقل جوزها و شو ما بتلبس بيلبقلها .. و ما في شي بيعيقها
بس بصراحة ما في شي مستحيل اذا الوحدة حطت عقلها براسها بتوصل للي بدها ياه

الحمد لله انا بطني راح نهائيا و لا كأني جايبة بيبي ( علما انو انا ولدت قيصري )
و الوزن نقص منيح الحمد لله
بس انا ناطرة اوصل لوزن معين لحتى اعملكون مفاجئة صاعقة

و بتمنى كون حمستك لأنو النتيجة باهرررررة ان شاء الله
و انشالله بتولدي على خير و سلامة و بتنضمي النا يا قمر

[-قطر الندى-]

انو معقول هاد احمد زاهر هو و مرته ؟؟؟ ما شاء الله عليهم

[-قطر الندى-]

سمية الخشاب قبل و بعد التنحيف



قبل ::









بعد :

[-قطر الندى-]

ما رح قول حلم ..

رح قول إحساس جديد !!

[-قطر الندى-]

منذ العام 2006 وحتى العام 2011 عاشت كيري ويليامز الشابة بعمر 28 عاما مرحلة من الإدمان على طلب الوجبات من المطاعم، من الصيني إلى الأميركي. كل يوم وجبة شكل.
دفعت ثمن ذلك من نقودها ومصروفها الكثير وميزانيتها المكسورة بسبب ذلك قبل ان ينتهي الشهر، ثم دفعت أثمانا أكبر حين أصبح وزنها 120 كيلو كما ترين في الصورة!
لم تعد كيري ويليامز قادرة على الاستمتاع بحياتها مع طفليها وزوجها، ولم تعد قادرة على السهر معهم أو الرقص أو اللعب. وحتى حلمها القديم بأن تكون راقصة تبخر في الهواء.
تقول كيري لصحيفة ميرور البريطانية “في اليوم الواحد كنت آكل قطعتي خبز وشيبس وأطلب طعاما صينيا وأكل قطع الدجاج المقلي بين الوجبات، وبالطبع البيبسي والشوكلاتة”.
كانت كيري قد حاولت أكثر من مرة أن تلتزم بحمية ولكنها حملت مرتين فأوقفت الحمية كل مرة، وانشغلت بتربية الأطفال طيلة الوقت والعمل فتجاهلت نفسها، واستسلمت لحل تناول الأكل السريع.
وظلت هكذا حتى زارت الطبيب بسبب مغص كلوي وحصى في الكلى وهناك رأت على الميزان حقيقة وزنها، لقد تحاوزت فعلا 120 كيلو. وتخديرها لإزالة حصى الكلى أو أي عملية اخرى سيكون خطرا جدا على حياتها.
بدأت كيري في حمية، ليست قاسية، تعتمد فيها على تناول كميات كبيرة من السلطة والتقليل من النشويات واللحوم، وكانت تمشي فقط لمدة 30 دقيقة يوميا، وفي إحدى المرات رأت إعلانا عن دروس الزومبا وهو نوع من الرقص السريع مع التمارين والذي يحرق الكثير من الدهون. لم تكن كيري تجروء على الذهاب لدروس الزومبا، كانت محرجة جدا من وزنها وكيف سيبدو شكلها وهي ترقص الزومبا.
لكنها استجمعت شجاعتها وبدأت في الذهاب، وكم كان الأمر صعبا في البداية ومحرجا، ولكن كم كان أيضا مجديا في نهاية الأمر، فمنذ عامين وهي تمارس الزومبا، وقد خسرت من وزنها النصف.
وأكثر صورة تستعيدها وتؤثر فيها هي صورتها وهي تطعم الدلافين حين كانت سمينة، وكان الناس ينظرون إليها ويسخرون منها، وتقارنها بصورتها الآن وقد خسرت نصف وزنها ومازالت على الطريق.
أما الخبر الأهم أنها أصبحت مدرسة محترفة في الزومبا وستبدأ في إعطاء الدروس العام المقبل. فهي تمثل قصة نجاح يحب الآخرين الاقتداء بها.