تجمع الجزائريات الغاليات المتأخرات في الحمل ‏

[أمة الرحمان السلفية]

المشاركة الأصلية كتبت بواسطة صبورة

امة الرحمان
حنونة و الله الحمد لله نسقسيوا عليك؟ماتقوليليش زعفت من عجوزتك عليها طلعتلك لاطونسيون

صبورة حنونة جات هكذاك القلق كل ماندخل في الفراش اجي شيطاان يوسوس وتفكرة الايام كي رهم يجرو وعمر يفوت ياربي رحمتك وزدت عيطتلي بنت خالتي مسكيينة الي عندها 20 سنة زواج غضتني تشكيلي ممن ممرت خوها وواش قلتتلها علي ماعندوش الذراري تقلقت

[كميليا]

مساء الخير بارا امة صبورة لامية بسومةان شاء الله لاباس
لامية انا ماكفانيش الوقت باش نخدم الكريمة والله لصقتها بالمعجون برك

[bara]

كيفك كميليا ياك لاباس

[صبورة]

كميليا بارا
مساء النور حنوناةي واش راكم
امة الرحمان
والله حتى انا يصرالي كيفك..واش نديروا هذا مكتوبنا جا كيما هكدا الحمد لله على كل حال..و بنت خالتك راهي في بالي ديما نقول نسسيقك عليها و ننسى..قوليلها ترمي الكلام ورا ظهرها و الناس اللي يجرحوها بالكلام تحاول ما تحتكش بهم..ربي يفتح علينا كامل ان شاء الله

[سهام فرنسا]

المشاركة الأصلية كتبت بواسطة أمة الرحمان السلفية

اهلا سهام ولله مااني مليحة اليوم وزاد زوجي في االجنازة راني وحدي الوحد يموت يموت وحدو وحد مايجيب خبرو

أمة لعزيزة بعيد الشر عليك نحي هذا التوسويس من راسك
أسغفري و ألعني الشيطان هذا حالة و تفوت تمرضي غير في روحك

[bassouma]

أمة ما تقلقيش روحك صحيح الناس يجرحو بكلامهم بصح الواحد ينحي على خاطره بنت عمتي مكثرت تخمام في كلام الناس كي حملت بأول مات في كرشها كي جاء في 9 أشهر و كي عاودت حملت جابت بنت راهي في 3 سنوات و مزال ماتمشتش معوقة قالولها أطباء من كثرة زعاف و تخمام

[كميليا]

بارا حنونة لاباس الحمد الله وانت لاباس تعرفو روحت نهار السبت لسطيف علابالك من قعدت مع سلفاتي ومرت سلفي يقولولي سمعت بالفلانة راهي بالحمل المهم لقيت نص النساء بالحمل حتى قلقوني قلت للراجل نساء خرين ينويو يحملو برك شهر تلقاهم بالحمل وحنا الطبة والدواء وربي ماكتبش ربي لا تذرني فردا انا واخواتي وانت خير الوارثين.

[lamia zina]

البنات انا اليوم رحت للعيادة باش نشوف اجراءلت التلقيح لقيت وحدة من بجاية قاتلي عندي 9 سنين مني درتها و نجحت و جلبت طفل و عاودتها بعد 4 سنين و جابت طفل و درك المرة الثالثة لي جات ديرها .
و لقيت امراة اخرى جات من باتنة قطعتلي قلبي قاتلي عندي 12 سنة مانعرفش هاذا الحمل كيفاه مداير و لا عمري شفت الوحم حتى خطرة تاخرت الدورة مع العلم انها جامي شربت دواء المشكل فيها و في زوجها و لما تاخرت الدورة مادارتش في رحها انها حامل حتى وحد النهار تلعب مع بنت اخوها صغيرة ضربتها برجلها الى بطنها دون قصد ساح عليها الدم و راحت للمستشفى قالولها اجهاض في عمرو شهرين و 21 يوم قاتلي بديت نندب و ناكل في لحمي قاتلي اعزم دم شفتو في حياتي مسكينة الان راهي في 40سنة قاتلي حتمت على راجلي نجي ندير تلقيح و لا نطلق خاطر كي شافت بلي عندها امل انها تحمل .

[bassouma]

لمياء و كميليا ربي يرزق كل مؤمن بالذرية الصالحة و ما يحرم حتى واحد من هذيك لحظة

[أمة الرحمان السلفية]

المشاركة الأصلية كتبت بواسطة صبورة

كميليا بارا
مساء النور حنوناةي واش راكم
امة الرحمان
والله حتى انا يصرالي كيفك..واش نديروا هذا مكتوبنا جا كيما هكدا الحمد لله على كل حال..و بنت خالتك راهي في بالي ديما نقول نسسيقك عليها و ننسى..قوليلها ترمي الكلام ورا ظهرها و الناس اللي يجرحوها بالكلام تحاول ما تحتكش بهم..ربي يفتح علينا كامل ان شاء الله

ولله ياصبورة بنت خالتي نعمة من عند الله تشوفيها تدخل قلبك حنينة وغير تضحك وقلبها كبير وابيض ماتتصوريش ونسا خوتها وخوتها كل وحد يلوح كلما اتخيلي العام الى فات خوها مرتو كانت ريحا دير العمليا على المرارة عيطلها وقللها انتي خلصيلها العمليا انتوم ماعندكمش الذراري واش ديرو بيهم رهم ارشاو ورهم عندكم الشكاير ياسبحان الله وهو علبلو بلي رجلها ماهوش خدام ومرة عيطلها خوها الكبير مرتو درتلها الروطار واش قللها قللها رهو قريب يجني بيبي ماشي كيما وحد شي ناس وهي ثم كانت ريحا تروح عليها ديرلها في الروطار وسمانة هذي هدرت مع مرة خوها الكبير في التليفون سقستها على بنتها الى تزوجت في الصيف راهي بالحمل قلتلها الا عندها طفلة ولا طفل اتخيلي واش قلتلها هذي بنت خلتي عندها عمها مت الله يرحمو ماعندوش الذراري وبابت بنت خالتي عندو ذراري بزاف قلتلها الحمد لله ماشي كيما عمك مات وخلا دارو خليا شوفي بابك كيمات وخلا دارو عامرة ايا قليلي واش دخل عمها وبابها في الحكية سقستك على بنتك جوبي وخلااص ربي يهديهم لوكان تشوفي مسكينة كيفاش تحب خوتها ونساهم ماتتصوريش وماعندهاش الزهر معهم