تجمع الجزائريات الغاليات المتأخرات في الحمل ‏

[mounira]

- هدى .. خموس على حسونة .. الله يبارك عليه
- ااااه يا ندى الوردة .. ما عندي ما نقول

[ندى الوردة]

المشاركة الأصلية كتبت بواسطة nourelhouda

صبورة ايه اختي سيريوز بزاف انا المهبولة في الدار غير نضحك نهار كامل نقرقر ههههههه
في عرس لوستي اديناها لتيارت و مي جينا راجعين ماحبيتش نركب مع راحلي على خاطر ركب العجايز رحت رمبت مع وليد عمو و بنت عمو و خواتات راحلي زوج درنا لومبيونس في الطوموبيل من تيارت لبويرة و احنا الضحك و اللعب و الزغاريت و الغناء درنا حالة و غير لحقنا لدار عجوزتي بدينا نشطحو و نفرحو و انا نشطح مع راجلي جات بنت عمو قالتلو مرتك ملي خرجنا من تيارت ماخبستش ضحك حتى لدوركا،،،،، قالها راجلي خليها تضحك و تزيد و وليد عمو قالو مرتك هايلة دارت لومبيونس فور،،،،،،صدقيني صبورة مور عرس لوستي ضربتها اسبوع و انا غير نبكي صباح و عشية قريب اتعميت صرالي مشمل مع راجلي قريب تفارقنا الله يسترنا،،،،،، الناس نايعرفوش يقولو الله يبارك العين واش دير فينا،،،، و الله يا صبورة كي يشوفونا انا و راجلي مع بعض في اي مناسبة يقعدو يضبحو علينا حتى ماربحناش يا راحلي تصرالو مصيبة في خدمتو يا نداوسو و هذي دايما،،،،،

صح العين حق أناثاني تقرصت منها قداش مرة
بعد زيادتي بابني جاتني ديبريسيون قلت خلاص وليت مهبولة نهار كامل بلا والو نبكي حتى كليت دي كالمون وارتحت ولله الحمد
في ولادتي ببنتي جاو نسا سلافي وسلافاتي يشوفوني في لاكلينيك
قاتلي مرت سلفي نتي كي تزيدي تقولك عروس ماشي مزيدة انا مانحطش بروحي قدامهم جامي مايجيو يجيوني يشوفوني يلقاوني مدوشة ومبدلة في نهاري والله بعدها جاتني قريب قولي شهر وأنا مريضة مانقدرش حتى نهدر
وبنتي 15 يوم ودخلت للسبيطر حكمت برونكوليت 5 أيام قلت خلاص

[bassouma]

أهلا منيرة واش راكي حنونة ريحتي شوية و كيراهم بناتك إن شاء الله تكونو بخير

[mounira]

الله يعيشك بسومة انا كي نكون معكم نحي على خاطري شوية .. و البنات الحمد لله راهم مع الاختبارات .. ربي يوفق و يرزق الجميع

[Nourelhouda]

ايه ندى شفتي حتى انا شكيت هكذا على خاطر الطبيبة قالتلي كي يكون السبارم ماشي مليح مايشدش الجنين على خاطر مخصوص ،،،،، و يطيح،،،،،
ايه ندى العين واعرة و انا تانيت كل عرس او مناسبة نلبس و نبيش و نروح عروسة و هما مبهدلين نهار كامل و يضبحو عليا ،،،، حتى عجوزتي يقولولها جبتي عروسة هايلة كو غير عندنا كيما هي،،،،،،،،
حتى لحقت مرت عمو كي تبريزونتيني للناس تقوللهم عروستي و عجوزتي تولي تنطح ههههههههههههه،،،،،،حتى داوست معاها مرة قالتلها هذي عروستي ماشي عروستك ههههههههه،
كي تزوجنا جداد انا و راجلي راجلي جاب روحو تبنبن و رجع يبيش و نتهلى فيه الله يبارك رجع هايل شافوه في العيد الصغير روحنا لدار عمو نقبلو عليهم شافتو بنت عمو قالتلو ابابببباااااا شحال سمنت و وليت هايل و تبنبنت و تسقمت و رجع تلبس غير الماماي انا تماك نطقت قولتلها على الاقل قولي الله يبارك تان تضربيه بعين ،، قالتلي ايه الله يبارك ماتخافيش مانضربوش بعين،،،،، مسكين موراها مرض و شافوه شد ليبورجي و بدا يطلع في خدمتو نهار كامل يضبحو علينا ايه هو خدام مرتو خدامة حتى سرقوه و صرالو مشاكل في الخدمة تاعو يالطيف من ساعتها ما بحناش ورادلنا مشكل الدراري الله يسترنا،،،،

[Nourelhouda]

منيرة يعني مازالك بلا صوت !؟!؟! و العميرات تاعك واش راهم!؟!؟!

[bassouma]

منيرة قريت موضوعك تاع أختك ولله راهي كيما خالتي ربي يكون معاها بصح خالتي أكثر من أختك لي دروهلها حتى واحد مايديره

[alma021]

اهلا منيرة واش راكي هدي غيبة

[mounira]

المشاركة الأصلية كتبت بواسطة nourelhouda

منيرة يعني مازالك بلا صوت !؟!؟! و العميرات تاعك واش راهم!؟!؟!

ايه حنونة .. الصورة كاين بصصصح الصوت لا خبر مللي راح ما ولاش راني سيلونسيوز .. و البنات الحمد لله .. ياخي علابالك في الفصل الاول عماوها في الاختبارات بصصح هدا الفصل الحمد لله .. نورمالمو راهم ملاح و انا نقعد معاهم ماعليش مريضة يفرحو مساكن يقعدو غير يبوسو فيا و تحلالهم المراجعة
هدى اختي العين واعرة و الحسد واش نقول واش .........

[mounira]

المشاركة الأصلية كتبت بواسطة alma021

اهلا منيرة واش راكي هدي غيبة

الله لا يغيبك اختي .. حتى انا توحشت القسرة معكم