تجمع الجزائريات الغاليات المتأخرات في الحمل ‏

[احلى شيء الاموموة]

المشاركة الأصلية كتبت بواسطة أمة الرحمان السلفية

السلام عليكم ورحمة الله وبركاته.
اختي بارك الله فيك على التنيه ولكن كيما يقولو يخاف من النار اللي في كرشو التبن مشي تنشري أسرارك وتولي خايفة عليها
فينبغي لكل أخت في أي منتدى أن تكون حريصة على مايضرها من قريب أو من بعيد فلا تنشره لأن عالم الإنترنت عالم خطير ولاتضني أن معلوماتك التي تنشر تخفى مهما اتخذت من أسباب لإخفائها واذا فلابد أن نقتصر على تقديم النصائح أو المعلومات المفيدة أو الدردشات البريئة . وبالمناسبة أحذر جميع الأخوات من السكايب فإن ضرره قائم اللهم إلا إذا كنت تعرفين ورع من تتصلين بها مع اتخاذ الحذر في اختيار الكلمات و العبارات. وهذا من باب الحذر وإلا فإن ثقتي في أخواتي أكبر من أن يعبر عنها قلم أو تصفها كلمات.

ربي يبارك فيك امة على كلامك الموزون.....واش احوالك عمري توحححححشتك صحتك راهي لاباس....؟؟؟؟

[احلى شيء الاموموة]

المشاركة الأصلية كتبت بواسطة amal jadid

معنديش علم بصح اي حاجا تبان مع الرقية اكيد

ادا كانت فصيلة الدم سلبية و حصل حمل بعدو اجهاض لازم المريضة تضرب حقنة حتى لوكان تزيد لازم حقنة حسب علمي على الاقل قبل اسبوع

لانو لو حصل بعدو حمل احتمال الاجهاض كبير جداااااااااااااااا


اضافة لازم تحاليل تعمليهم للمكروبات كيما مكروب و فيروس القطط مرات يعمل اجهاضات

اما انا قصتي طوييييييييييييييييييييييييييييييييييييلة

الحمد لله عملت هاذ التحاليل ...وطلعت مليحة...
ممكن تقولي قصتك باختصار ماشي لازم بالتفصيل ....ههههه..ربي يفرحك...

المشاركة الأصلية كتبت بواسطة amal jadid

المشكل ماراهوش في نهار بنهار المشكل ادا مكاش تبويض اصلا او هرمون الحليب مرتفع بزاف

لالا انا نحكي على الحالة العادية ...واحدة ما عندهاش مشكل....

[AMAL JADID]

احلى شيء الاموموة

انا نحلم احلام نسا يكرهوني ويتحلفو فيا
ونحلم بقطط بزاف و نضربهم
ونحلم قبل الدورة بالدورة و نحلم بيما تزيد
و غيرها
قلت لراجلي اديني نرقي شعال من مرة كل مرا يجبدلي سبا
و مزال مدانيش راني في 4 سنين كل مرة سبة
مرا جبت راقي ررقالنا 2 دقايق مبان والو
قالولي بلاك زوجك حتى هو فيه حاجا كي مداكش للراقي

وكاين سبب طبي من جهة راجلي

وزيد الطبيبات كنت نروح ليهم نحسهم يتمسخرو بيا كلوميد كلوميد و هو يمدولو فيتامينات ص
صرفنا الدراهم في باطل
كان عندي تبويض بلا دوا عادي جداا
بعد مرحت لطبيب ضهر بلي عندي هرمونات ماشي معدلين كيما هرمون البرولكتين
وحدة ماطلبت التحليل
منبعد حلفت طبيبة منزيد نداوي عندها
رحت للاطبة الذكور و طبعا منخليهمش يمسوني
راني حسا روحي نتقدم في العلاج الحمد لله يتفهمك و يسمعلك للاخير و يطلب التحاليل و يشرح
و ندخل انا و الزوج تاعي

[أمة الرحمان السلفية]

المشاركة الأصلية كتبت بواسطة احلى شيء الاموموة

ربي يبارك فيك امة على كلامك الموزون.....واش احوالك عمري توحححححشتك صحتك راهي لاباس....؟؟؟؟

الحمد لله الاموموة وانتي كيفاش راكي انا عندي يومين وانا هاملة نجي غير في اليل ماعنديش بزاف ملي دخلت كنت عند صحبتي

[احلى شيء الاموموة]

المشاركة الأصلية كتبت بواسطة أمة الرحمان السلفية

الحمد لله الاموموة وانتي كيفاش راكي انا عندي يومين وانا هاملة نجي غير في اليل ماعنديش بزاف ملي دخلت كنت عند صحبتي

خلي نحي على بالك ربي يفرحك حنونتي

[أمة الرحمان السلفية]

المشاركة الأصلية كتبت بواسطة ندى الوردة

أمة الرحمان كلام رائع صح وكل كلمة تعبر عن شخصية صاحبتها وناااس بزاف يروحو ضحايا
المهم يعطيك الصحة على الفنون الي قدمتيها غدوة جاية صحبتي تتعشى خلي نعت روحي شوية ههههه
قلت ندير مقبلات كيش والطبق الرئيسي زيتون مع الفخوذ والديسار ندير جي نتاع النشا شريت جي دانون بالحليب يخي يصلح برك ولا لازم جي نورمال

اختي سيي شوية برك وشوفي ولله مانقدر نقولك الي يصلح ولا لالا ديري شوية قبل مايجوك الضياف وشوفي

[ندى الوردة]

شوفي أمل أنا قلتلها أعطيني نحللبالاك هرمون الحليب طالع قاتلي حللتلك ديجا وماعندكش أنا صح عملتلي مرة تحليل بسح رحت على أساس تأخر ليراغل قاتلي بريزدوسون باه نشوف لكان حامل وصح نفس الورقة فيها تحليل تيروييد وحوايج خرين مافهمتنيش مامبا كي قلتلها ما عطيتينيش تحليل قالتلي سي مع تحليل bhcj وصح كي روحت للدار لقيت بلي حلتلي
بسح انا حابة ندير التحاليل الي يديروهم وقت الدورة هكذا نطمن بسح ماحبتش تعطيني ومانقدرش نديرهم وحدي لازم اوردونوس
بالنسبة للتست شريت كلير بلو من عند لا فارماسي

[AMAL JADID]

المشاركة الأصلية كتبت بواسطة احلى شيء الاموموة

الحمد لله عملت هاذ التحاليل ...وطلعت مليحة...
ممكن تقولي قصتك باختصار ماشي لازم بالتفصيل ....ههههه..ربي يفرحك...

لالا انا نحكي على الحالة العادية ...واحدة ما عندهاش مشكل....

اذا حالة عادية ادخلي للموقع هااذا و اكتبي فيه معلوماتك يخرجلك جداول للحمل
تقدري تيتعيني بيه للحمل

Intercourse Timing Calculator - When To Have Sex When Trying To Conceive | Countdown to Pregnancy

[أمة الرحمان السلفية]

امين وانتي ربي يثبتلك حملك ويطلعك على خير اختي عزيزة

[AMAL JADID]

المشاركة الأصلية كتبت بواسطة ندى الوردة

شوفي أمل أنا قلتلها أعطيني نحللبالاك هرمون الحليب طالع قاتلي حللتلك ديجا وماعندكش أنا صح عملتلي مرة تحليل بسح رحت على أساس تأخر ليراغل قاتلي بريزدوسون باه نشوف لكان حامل وصح نفس الورقة فيها تحليل تيروييد وحوايج خرين مافهمتنيش مامبا كي قلتلها ما عطيتينيش تحليل قالتلي سي مع تحليل bhcj وصح كي روحت للدار لقيت بلي حلتلي
بسح انا حابة ندير التحاليل الي يديروهم وقت الدورة هكذا نطمن بسح ماحبتش تعطيني ومانقدرش نديرهم وحدي لازم اوردونوس
بالنسبة للتست شريت كلير بلو من عند لا فارماسي

انا وليت نقعد الراس بالراس نحوس نفهم كلش
متفهمنيش منوليش نبدل الطبيب اصلا
وملقيتش راحتي الا مع الطبيب يفهمك و يديك على حسب مخك
كلش يهمو حتى الحاجات الي يضحكو نقيز و سطر مقلقا ماشي مقلقا كل شء يخصك و يخص الحمل
والتحاليل لازم تفهميهم بالحرف باش تعرفي روحك واش كاين