تجمع الجزائريات الغاليات المتأخرات في الحمل ‏

[كميليا]

تصبحوا بالخير حبيباتي غدوة ان شاء الله.

[أمة الرحمان السلفية]

العين و السحر
\\
*** العين تدخل الجمل القدر و الرجل القبر ***
حديث رسول آمن بالرب و القدر
لكنه آمن بالحب و العين و السحر
فبرب الناس يا ناس لما تحبون الضرر
و تطوقون لتمخر عباب لجج الهجر
و كأنكم لم تعشقون و كأن قلوبكم من حجر
أنتم شياطين برداء البشر تستَتِر
غذائها الشرُ، لباسها الجمر و وكرها المكرْ
يا عباد الله بعزة الله لما الحقد و الكفرْ
لِما تريدون تفريقنا؟ و بنقاوة حبنا مازلنا نفتخرْ
بعدما أيقنتم أن مُفرقنا وحده هو القبرْ
و أن حبنا ليس للذات، حبنا للممات طول الدهرْ
فما الذنب إن إختارني دون الغيرْ
و ما الجرم في أن أرادني شريكة العمرْ
بحسد عينيكم تطفأون نور الحب المتسحرْ
و بخبث سحركم توقفون نبض القلب و الجوهرْ
أما يثير شفقتكم دمع الأطفال المتحدرْ
أما تخافون الوقوف أمام الله في يوم المحشرْ
لا و أنتم لا ينفعكم الذكرُ و لا العبرْ
هيا اشعلو الشموع و عطروا بالمسك و العنبرْ
فقد يأتي يوم لن يعود في يهوى السمع و لا النظرْ
و بعدها لن أزعجكم و لن أكون مثار الضجرْ
ماذا تنتظرون لتشبعون حقدكم المُكّدرْ
أم.. مازال في جعبتكم ضرر منتظرْ
مللت و لم يعد يهمني سوى أن تكون صحتي بخيرْ
فلن أشق طريقه بالبخور و لن أزور ساحرة أو ساحرْ
يكفيني دعاء الرب في الذكرِ و صلاة الفجرْ
لكن أنتم هل يكفيكم الفخرُ أنكم أخذتموه بالسحرْ
أمّا أنا فسأصبر و أصبر و سينفعني الصبرْ
حتى و إن سكنتم أنتم القصر و أنا القبرْ
...
لا تنسو هذا فسيكون لكم يوما ذكرى
و ان كانت الأخرى في البيت فأنا دوما له في الصدر
سيطاردكم حبه لي و ستعيشون كالأسرى
سيقتلكم خوفكم من مكره و سترددون الحسرى
حينها جرحكم لن يداويه طب و لا سحرة
فلا يهم بعد الآن ان كنت أنا من خسر
بخبثكم قد أخسره و قد يكون ذلك أبد الدهر
لكني سأذكركم يوما أنكم أكثر من خسر
و أنا لم أكن لأخسر لولا عيون الحسده و السحرة

[عبير الحرية]

السلام عليكم

شكون هنا من البنات

[عبير الحرية]

وشبيه التجمع مهجوووووووووووووووووور

[bara]

وعليكم السلام كيف عبير

[عبير الحرية]

اهلا بارا....


لبنات راهي خولة تسلم عليكم كاااااااااااااااااااااااااااامل

بناتها لباس خرجو البارح من السبيطار قعدو 8 ايام مساكن

و قاتلكم كامل شكرا للسؤال و الدعاء

[ASMA layal]

مساء الخير

عبير الحمد لله لي طمنتينا على خولة وبناتها كانو في بالي

لبنات كااامل ان شاء الله تكونو ملاح

تصبحو بخيييييييير♡♡♡♡~*^

[Nourelhouda]

اهلا الزينات واش راكم لاباس!؟!؟!؟
البنات خولة بعثتلي رسنالة هذا نصها،،،،،،،
نور حبيبتي اسمحولي راني رانا خرجنا البارح و راني غير نعس فيهم علابالك دارتلي الرهبة صايي ,,,ما قدرتش ميمبا ندخل و نطمنكم و البنات الحمد لله دوك ,, صح كانو الله لا يشوفك فيهم جلد على العظم و دوكا راه لاباس و زادو فالميزان الله يبارك وصلو ل 3 كيلو و نص زادو شحال في سامنة تحت المتابعة الحمد لله

شكرا ليكم كامل
و الرقم حنونتي اسمحيلي اسمحيلي كي مقدرتش نبعتولك بصح و الله راجلي ما يحب ,,, اسمحيلي حنونة كي رفضتلك الطلب
المهم طمنيهم فالتجمع و راني مروحة لدارنا لقالمة علابالك تعبت بزاف و مقدراش عليهم وحدي ...




الحمد لله اللي راهم بخير و طمنتنا خولة عليهم،،،،،،


انا هذا وين كملت الميناج تعشيت و غسلت لماعن و راح نرقد راني حاسة ظهري مقسوم على زوج واع و زيد ماكملناش كلش مازال غدوةً،،،،، و الدورة الحلوفة ماهبطتش راهي تلعب معايا الكاش كاش يا ريت تهبط و تخلصني راهي تعذب فيا الله يعطيها،،،،،،، استغفر الله و الله كرهت،،،، حمل علابالي مانيش حامل ماعندي حتى اعراض حمل،،،،،،،،،
المهم نسلم عليكم و حدة وحدة،،،،،،
نسيت نقوللكم مريم راهي في دارهم عند ماماها راهي مريضة لاغريب في حالة مسكينة،،،،، ان شاء الله بالشفاء العاجل،،،،،،

[نور اليقين]

السلام عليكم لبنات الحمد لله اللي راهم ملاح بنات خولة وخرجو لباس ومريم ربي يشفيها وتوحشتكم ودخلت ساعة وانا نقرء فالارشيف مشاء الله معمر سمرا ربي يرزقك ويخلف عليك بالذرية الصالحة وبسومة ونور الهدى يارب وتكونو بالحمل تنقصو شوي من التجمع ونفرحو بيكم
وانا كما قالتها نور الهدى رحت نبات ليلة في دارنا ومبتهاش متهنية كما قلتي جاتني الحلوفة وقتلتني بالسطر وروحت البارح فالليل وراهي حشاكم كالواد وراني حشاكم نحس في روحي نبول فيها راهي تهبط بغزارة راهي برق برق برق صفرتلي وجهي ورايحة الديرلي لانيمي منها فشلتني قاوية بزاف قلت الختي لكبيرة قالتلي تحوس على الحمل قلتلها روحي تقودي قلتلكم جاتني كحلة وقليلة قلتولي هكدتك نهار هزيت بالكرش بفلانة جاتني كحلة وقليلة انت تاني دوك ترفدي ودوك قلتلك قاوية قلتلي انا تاني قبل مانهز باكرم جاتني قاوية والشهر الجاي خرجتو صافي
الضل تترهبن كل مرة كفاش تبدل الجو فيا وتلعبلي بالمرال راه 00000000000000000 يارب رحمتك

[نور اليقين]

المشاركة الأصلية كتبت بواسطة أمة الرحمان السلفية

وصفة للحمل جربوها ونجحت معاهم

والله العظيم هذه الوصفة غير جلابتها بنت خالت راجلي ونجحت معاها وراهي عندها 7شهور وعندها خمس سنين ما حملت وزوجت خوها 3 سنين اقسم بالله اني ما نكتب حاجة الا نكون متاكدة منها ودورك راهي تعمل فيها زوجة عمي ومازال مابان ولو زيد انو غير مكلفة ولا ضارة
طولت المهم نبداو على بركة الله
كاس عسل حر
كاس ماء المطر الي ينزل من السما مباشرة
كاس لبا يعني حليب الاول تاع البقرة هذاك الي يجي كيما الماء كيما المراة كي تولد يخرج منها بعني الاول تاع البقرة وإذا ماوجتوش لبا ديرو الحليب تاعها اي تاع البقرة لاخطارش بنت خالتو استعملت حليب ونجحت معاها بصح الي توجد لبا من الاحسن تستعملو
خلطي الكل مع بعض تمديهم لوحدة كبيبرة مثل يماك ولا عجوزتك تخلطهم للبركة
تبعي معايا مليح
كي يتخلطو يوم الي تنظفي من العادة الشهرية بقاي يومين وبدايها عبري بفنجان تاع اتاي
ذيك الخلطة اشربي نص منها واعطي راجلك يشرب النص ثاني طيلة ايام التبويض حتى تنتهي ايام التبويض واذا جات العادة كرريها ورانا في الشتا يعني مطر راهو كاين جربوها اذا مانفعت ما تضر والله المستعان والله صدقوني عن تجربة

امة ربي يفرحك ويحل حزامك ويرزقك بالذرية الصالحة يارب نموووت عليك الله يجازيك على الوصفة والله والله والله غير الحليب او البى انتاع رؤوس البزازل كما قالتها ماما لقيت ميمتي مخبيتولي فالفريجيدار قالتلها عجوز لوكان دبرتيلها اللبى وشرباتو مليح للضناية ماما في هاديك قالتلها مانعرف وهاد الايام لقاتلي اللبى العجوز كانت ماتت ومالقاتش شكون تسقسي كيفاش نشربو قالتلي البارح هاكي الديه معاك وكاش ماتخرجي وتتلقاي بالعجايز سقسي وانا نزيد نسقسي وديريه منين دخلت لقيت هنايا سبحان الله الله يعطيك يارب ويفرحك ربي بالحمل السليم المعافاه ويثبت حملك يارب ويبعد عليك التابعة يارب