تجمع الجزائريات الغاليات المتأخرات في الحمل ‏

[أمة الرحمان السلفية]

كيفاش راكم ان شاء الله بخير .

[الشاكرة -لله]

ريحونة يا العميرة مزالك هنا ههه معليش راهو مهدي الصامط مش نتي ههههه ربي يجيبو بخير
سمراء امين يا رب
و عليكم السلام اختي امة نقولو لباس و نتي ؟؟

[سمراء]

وعليكم السلام ختي لعزيزة أمة الرحمان واش راكي ياهدهودتي الحبوبه

[الشاكرة -لله]

المشاركة الأصلية كتبت بواسطة سمراء

وعليكم السلام ختي لعزيزة أمة الرحمان واش راكي ياهدهودتي الحبوبه

و الله لاباس يا ختي سقسيو عليك سمووووورة
علابالك كنت عند جارتي فسبيطاار يا عممررري على هادوك التوائم الله يبارك قلت دوك نلقاهم صغيورين بصح الحمد لله الواحد فيه 2 كيلو و نص يهبلو يهبلو بلا عين عليهم يا عمري يا عمري صورتهم مزالت في بالي
دبرو عليا حرت وش نديرلها كادو ؟؟؟؟؟

[الشاكرة -لله]

بالسلامة نروح نطيب العشا

[أمة الرحمان السلفية]

صبورة حنونة كيفاش راكي اليوم ياربي وتكوني بخير

[أمة الرحمان السلفية]

لبنات وين راكم اليوم

[أمة الرحمان السلفية]

لبنات انا اليوم ديت وحد الطيحة في دوش كي كنت ندوش ربي سترني قريب تقسمت رجليا كل رجل وين راح وراسي جاء على الحيط مزية الي ماجيتش على يدي المكسرة جتني في اليد اخرى وكل حاجة رهي توجع فيا الحمدلله الحمد لله الحمد لله

[سمراء]

ياعمري ياهدى شوقتيني باش نشوفهم ونشم رحتهم موت على ريحة بيبي وهو غير كما زاد ربي يحفضهملها ويلحقنا بيها ياااااااارب شوفي لرجعتيلها شدي واحد من توام و إدعي ربي واش تتمناي راه تتحقق ومتنسينيش در نقلهالك ونسيت ههههههه ولكادو راه كل خير يتباع متعرفيش واش تخيري إن شاء الله تصيبي صوالح شابين وصوالح توالمك وتفرحي بيهم جارتك ولعقوبة ما نفرحو بيك وكليوم إن شاء الله ربي يقربلك لبعيد.

[أمة الرحمان السلفية]

الشخشوخة / .

*** منظر مقرب :

السلام عليكم ورحمة الله وبركاته

رايحين نرجعوا للتقليدي وهذه المرة انا اخترت ان اقدم لكم في الدرس الرابع الشخشوخة او المفرمسة او الفطير كما يسميه البعض على طريقتي

يللا اترككم مع الطريقة

نحتاج سميد ناعم يعني مغربل حطي الكمية اللي تحبي + ملح + قطرات خل

لكي يجعلها متماسكة و لا تتقطع

نبلل كل شيء بالماء الدافء

نغطيها بكيس بلاستيكي يكون ملامس للعجينة ونتركها قدر المستطاع ساعة ساعتين او اكثر

ثم نعجنها بجهاز العجن او اليدين .
انا السميد نتاعي يشرب الماء درتها شوية مرخوفة وتماسكت فيما بعد

نكورها قد حبات المندرين ونغطيهم بكيس ونخليهم يرتاحوا نص ساعة

ندهن الصينية بالزيت ونقرصها متوسطة

ثم نبدا نكسل فيها من الوسط الى جميع الاتجاهات حتى تصبح شفافة

نحملها برفق

ونطهيها فوق طاجين الحديد على نار ضعيفة جدااا

نقلبها بحيث تكون الحواشي في الوسط باه ينشفو

وهكذا نكمل حتى ننهي جميع الكريات نحطهم فوق بعض ونغطيهم بمنديل

لاحظوا كانها اوراق ديول كلها بيضاء وشفافة

نلفها على بعضها ونقصها بالمقص شرائط

نحلهم

هاهي

عند التقديم ما تفوروهاش لانها شفافة ورقيقة تمتص البخار وتزيد تسقوها تتعجن
حطوا الكمية المراد تقديمها في صيبنية وسخنوها في الفرن
بالنسبة للمرق عادي نحتاج حبة بصل كبيرة فلفل حار حسب الرغبة +قطع دجاج +كمشة حمص + ثوم وشحم مداوي + طماطم مصبرة وهريسة
واكيد زيت ملح وتوابل

نقلي البصل والثوم والدجاج والملح والزيت والتوابل مليح ثم نضيف الطماطم والهريسة والحمص ونمرق ونغلق الكوكوت ولازم المرق يكون خاثر
بالنسبة للفلفل انا فورتوا وبعد ما طابت المرقة نحيت حق اولادي واضفت الفلفل لباقي المرق للكبار يعني
عند التقديم نحط الشخشوخة ونضع فوقها قطع الدهان ثم الدجاج والحمص والمرق وتقدم

* و هذا شكلها النهائي .

بصحة و عافية