تجمع الجزائريات الغاليات المتأخرات في الحمل ‏

[Nourelhouda]

البنات نروح نصلي و نتعشى و نرجعلكم،،،،،، استناوني راني توحشتكم و انتم ما توحشتونيش واعععععععععع

[أمة الرحمان السلفية]

ياعمري ياعمري على زين الي طل نورالهدى كيفاش راكي حنونة وكيفاش رهو بابك وحسونة العميرة تع تجمع نور الهدى نحبك نحبك نموت عليك وتوحشتك بزاف ياو لوكان يسمعني رجلك يطيرلي راسي

[الشاكرة -لله]

المشاركة الأصلية كتبت بواسطة basouma26

الله يبارك في ايامك نور الهدى و ناس جيجل تاني نعرفوهم بلي ناس ملاح بزاف تآنمي بالله انا خطبني جيجلي بصح كنت مخطوبة و خويا تاني شفناله جيجلية بصح ماليها ما بغاوش البعد قالونا دوك نولو و تبقى بنتنا بعيدة يعني قاع ما كتابلناش ناسبوكم هههههههههه بالاك ولادنا ان شاء الله ازربي راني نستنى نتاسب مع الجواجلة ههههههههههههههه

ههههههه انشاء الله راحا تناسبيني انا
و بسمة الزينة نجيبوها لواحد من ولاد خويا و لا ولاد ختي راهم كاين الله يبارك
و متقوليش بنتي متبعدش عليا ههههه
بصح زيدي قرعجيلي من وين خطيبك ايكزاكث ههه و من وين خطيبة خوك

[basouma26]

مرحبا نور الهدى و نور اليقين

نور الهدى كيراه باباك و اختك و الله غاضتني مسكينة ربي يصبرها

[أمة الرحمان السلفية]

نوراليقين اهلا وسهلا بيك عمري ياو كيفاش رهو المربح تعك مزال جيه حالو على ميكرو

[الشاكرة -لله]

المشاركة الأصلية كتبت بواسطة أم نهى الجزائرية

لبنات راني جيت واش حوالكم يا رب تكونو لابا


انا و الله راني مقلقة بزاف على راجلي مسكين راهو حاصل البارح بايت يخدم و رقد غير شوي زاد اليوم دخل على الزوج يخدم لليل المغبون ربي يعاونو

و الله لا تربح الي كان السبب في هاد االمشكل علابالكم قالي قادر تصرا عليها مشكل كبيرللشركة ديالهم و ليه هو شخصيا قادر حتى يحاوزوه من الخدمة لا قدر الله



يا رب فرج كربه و سهل امره و اكلاه بعينك التي لا تنام با فارج الهم و كاشف الغم توله في امره كله ولا تكله الى نفسه طرفة عين

اللهم اجعل له مخرجا و ارزقه من حيث لا يحتسب


تعيشو يا لبنات كثرولو الدعاء هاد الايام حتى الي تفرج عليه و تفوت سالمات يا رب

ام نهى رانا ندعيولو انشاء الله
مقلقيش روحك حبيبتي و ما كاين غير الخير نشاء الله

[basouma26]

المشاركة الأصلية كتبت بواسطة nourelhouda

البنات نروح نصلي و نتعشى و نرجعلكم،،،،،، استناوني راني توحشتكم و انتم ما توحشتونيش واعععععععععع

كيفاش ما توحشناكش رانا غير نستناو في الجوائز نسيتيهم هههههههههههههههه

[basouma26]

المشاركة الأصلية كتبت بواسطة 20 سنة انتظار

ههههههه انشاء الله راحا تناسبيني انا
و بسمة الزينة نجيبوها لواحد من ولاد خويا و لا ولاد ختي راهم كاين الله يبارك
و متقوليش بنتي متبعدش عليا ههههه
بصح زيدي قرعجيلي من وين خطيبك ايكزاكث ههه و من وين خطيبة خوك

لا لا نور الهدى حابة ناسبك انتي انا ما نعرفش خواتاتك ههههههههههه
و لو كان نحكيلك حكايتي و لا الف ليلة و ليلة

انا راجلي تعرفت عليه عندي 15 سنة كنا غير براوات حب نتاع بكري خير من نتاع ضرك تخيلي خطبني 19 عام كان عندي هو راح للخدمة الوطنية كان عنده 20 عام من بعد انا ديت الباك قتله نكمل لقراية كي كملت كان عندي 23 عام هو جاته بعتة لفرانسا يكمل واحد السطاج كمل و ما حبش يرجع قعد 7 سنين في فرانسا و كي خدم كواغطه جا دار العرس كنت درت 30 سنة و زدت قعدت في البلاد 3 سنين و هو هما يجي زوج مرات في العام و كي فرج ربي طلعت و راني معاه

بصراحة باش تجمعنا في دار وحدة حتى سوفرينا انا وهو اووووووووووووووووووووه واش فات علينا بصح درك و الله نتفكرو غير الذكريات الحمد لله كلشي فات كيلي ما كان والو

[صبورة]

السلام عليكم لبنات واش راكم
اسمحولي راني ماندخلش بزاف و الاصح راني نتبعكم بصمت..راني ماشي مليحة..و المورال راهوا تحت رجلي حاشاكم..و لو كان لقيت راني نحكم طريق طويييييلة و نمشي حتى نطيب ..الرقاد راهوا ما يجينيش ليل كامل نبات نطلع و نهبط..و رالني نحس روحي ثقييييلة و تقولي رافدة جبال على اكتافي...الحمد لله على كل حااال...
20 سنة انتظار
اختي ابشري باذن الواحد الاحد حلمك فيه بشرى كبيرة ليك.. الحمل راه فالطريق..و بلاك هاديك المدة اللي امتنع راجلك فيها على الجماع كان يلم في كمية مليحة خلاتك تحملي باذن الله..
ام نهى
ربي يفرج على راجلك و ان شاء الله حاجة ما تقيسوا...
بسومة26
انا كنت نتبع فالردود و حسيت بك راكي غايبة و مقدرتش نكتب رسالة ونسقسي عليك اسمحيلي اختي..
امة الرحمان
الله يبارك راكي ناشطة والعضة راني نستنى فيها بلاك تفيقني..
نور الهدى
ربي الشفاء التام و العاجل للوالد ربي يحفظوا..و الحخمد لله على وصول اختك بالسلامة ..
نور اليقين
واش راكي ..قريت هاداك النهار انك عملتي الحجامة يا رب تكون مباركة وتحملي عليها..
سمراء
الله يفرج عليك بالسكنة وتكون لفرحة فرحتين وتكون عتبة مربوحة وتحملي فيها...

ريحانة
عندي يومين كنت ندور في باتنة مع راجلي و جيتي في بالي..
مريم بسومة سهام اسماء سماسم باربي الما جومانة اترج بسمة روجينا جيجي وصال اترج ام انس و على بالي كاين بنات نسيتهم المهم يا رب تكونوا كامل بخير و ربي يعطيكم ما تتمناو..

[الأحلام]

شكرا عزيزاتي .........أنا من وسط مدينة جيجل و بالضبط من "مريومة " قرب مقبرة الشهداء ..............عمري 39 سنة .........و أنا أستاذة تعليم ابتدائي ...........أأكد لكم أن هذا أحلى منتدى عرفته حتى الأن و هذا بوجودكم ..........