تجمع الجزائريات الغاليات المتأخرات في الحمل ‏

[أمة الرحمان السلفية]

جمانة
اترج
الاموموة
وصال
البليدية
غربة
حورية
ام انس
اميرة
طولتوها بزاف بزاف وين رااكم حبوباتي توحشنكم تع صح

[أمة الرحمان السلفية]

اخوتي راني ريحا ندير بحث في فائدة العائلات على صبورة الي شفها ولا سمع عليها كاش خبر يتصل بيا واجره على الله

[الشاكرة -لله]

المشاركة الأصلية كتبت بواسطة أمة الرحمان السلفية

اخوتي راني ريحا ندير بحث في فائدة العائلات على صبورة الي شفها ولا سمع عليها كاش خبر يتصل بيا واجره على الله

و علاه خير ؟؟؟؟ الاخت صبورة ياك ابارح دارت رد هنا

[lamia zina]

امة شفتي على صبورة مالف دايما طل علينا يا درا واش بها .
امة قوليلي جربتي شربة فريك تع ام رامي فيها الثوم و زيتون خفت من الذوق تعها

[أمة الرحمان السلفية]

الشكولاطة المحشية

السلام عليكم ورحمة الله وبركاته
اتمنى تكونوا في احسن الاحوال
هذه طريقتي البسيطة في تحضير الشكولا المحشية
يمكنك تحضيرها في بيتك وبمكوناتك بدلا من شرائها بثمن باهض
وهي رااائعة للمناسبات السعيدة ومنها النجاح والمباركة
بدون اطالة اترككم مع الطريقة
انا حضرت كمية لاباس بها حوالي63 حبة
نحتاج قوالب سيليكون

بسكويت مطحوون + كوكاو رقيق وشوية خشن

نجمع البسكويت مع الكوكاو الرقيق ونلمهم بالعسل والزبدة الذائبة ونقسم العجينة كريات صغيرة

نضع الشكولا في قالب السيليكون حبة حبة

وندخلها للفرن لما تذوب نمررها على كامل الفراغ برفق بواسطة ملعقة ونتركها تبرد وتتمكاسك في الثلاجة
ثم نضع طبقة من النسلي ثم الكوكاو ثم عجينة البسكويت ثم نغطيها بالشكولا الذائبة دون اي اضافات للشكولا

نتركها تجف وننزعها
هاهي

ناتي الان لطريقة التغليف سواء بالسيلوفان او ورق المنيوم موضحة بالصور

شوفوا من داااخل

يمكنكم تحضيرها بالشكولا البيضاء
نبشرها ثم نضعها في اناء معدني وندخلها للفرن تذوب ثم نضيف لها ضبغة بيضاء نتاع الميزان ونحرك مليح ونواصل العمل بنفس الطريقة السابقة

[أم نهى الجزائرية]

بسومة بالنيمروات هههههههه حنونة وينك وين رحتي واش دار فيك لوحم يخي قلتلك الي بغا الشبح ما يقول اح
هههههههههههههههه

على بالي دوك تجري مو رايا و الله غير توحشناك و بلاصتك بانت يا لعزيزة بصح حبيت نغزلك شوي باه تدخلي تردي علينا


و لبنات ماكمش تلاحظو بلي عبورة طول ماراهيش تبان و ماكاش الي سقسا عليها و الله غير بانت بلاصتها تاع الصح

انشاء الله ما يكون غير الخير يا رب

[bassouma]

أمة صبورة ماشي هذيك لي دايرة نواظر و كانت لابسا منطو كحل شفتها صباه عند لاري تاع البيس و رافد فليستها هههههههه

[أم نهى الجزائرية]

يعطيك الصحة امة و الله غير هاد لي غوسات يهبلو تاع ذمة حطيهم و ما تقلقيش روحك طول يحمرو وجه قدام ظيافك حاجة جديدة و شابة


بالصح اذا ماكانش مانع قوليلي شكون ام رامي هادي و هل هي من هاد المنتدى ولا خاطي حابة نشوف بقية المدونة

[أمة الرحمان السلفية]

المشاركة الأصلية كتبت بواسطة lamia zina

امة شفتي على صبورة مالف دايما طل علينا يا درا واش بها .
امة قوليلي جربتي شربة فريك تع ام رامي فيها الثوم و زيتون خفت من الذوق تعها

نعم لمياءاجي روعة انا في الحقيقة اطباق ام رامي وام اماني نجرب وعينيا مغمضين ولابيك على زيتون مادريش وثوم انا مالفة نكل الشربة تعو في بوسعادة جي روعة

[أمة الرحمان السلفية]

شوربة الفريك

السلام عليكم ورحمة الله وبركاته

كثيرات من المبتدئات سالتني عن طريقتي في تحضير شربة الفريك
البارح صورتها بكل مراحلها ونقدمها لكل مبتدئة في الطبخ وطريقتي تختلف عن طرق البعض اكيد مش كل الجزائريات يحضروها بنفس الطريقة لكني اراها جد سهلة ولذيذة
بسم الله نبدا
نحتاج دجاج وقطع لحم خروف حبذا لو تكون ضلوع فيها العظم والشحم لانها تعطيها بنة هايلة

بصلة متوسطة وثوم وغصن كرافس ورند وفلفل حار اكيد حسب الرغبة

2 فنجان كبير فريك نوعية جيدة لان النوعية تلعب دور في البنة + 2 ملعقة كبيرة طماطم مصبرة وملعقة صغيرة هريسة او حبةطماطم ونقصي شوي من المصبرة
توابل وهي موضحة بالصورة ملح كسبر فلفل اسود افاح فلفل احمر حار

كل اللوازم هنا

نبدا اولا نرحي البصل والثوم ونضع اللحم في الكوكوت وشوية زيت وملح فقط ونقلي على نار هادئة حتى يذبل البصل
التوابل ما نقليهاش من المرة الاولى حتى لا تفقد رائحتها

ثم نضيف باقي المكونات مع غسل الفريك : الفريك الطماطم الفلفل الحار والرند والكرفص والتوابل ونقلي لبرهة ما نطولش

ثم نضيف كاس ماء ونخلي المكونات والفريك يتشرب عصارة اللحم والتوابل باه يجي بنين

واخيرا نمرق بحوالي 3 لتر ماء

قبل ما نغلق الكوكوت نضيف زيتون اخضر شرائح : اختياري ونغلق عل الكوكوت نصف ساعة كاملة

بعد ما تنضج نضيف بولات لحم مرحي نتبلها بلملح والفلفل الاسود فقط ونخليها تغلي في الشربة ما تديش وقت طويل وهي اختيارية طبعا

هاهي شربتنا جاهزة باه تنتقل للسوبيار

وتقدم مع الدبشة اي الكسبر والنعناع الجاف