تجمع الجزائريات الغاليات المتأخرات في الحمل ‏

[سهام فرنسا]

البنات حبيت نسقسيكم لي تعرف كاش روسات تاع الموسكوتشو و تكون حاجة مليحة على خاطر جاييني ضياف اول مرة يدخلو لداري
هيا لي تعرف ماتبخلنيش علابالي بلي شاطرات الله يبارك عليكم و كل صبع بصنعة و مالفين ديرو هههه
هيا أكتبولي وش تعرفو ك نروح نكمل تيراميسو و كي ندخل راني نقرا
هيا من بعد إن شاء الله

[سمراء]

وعليكم السلام ورحمة الله وبركاته ياسعدي بالزين جاني نور الياقين توحشتك بزاااااااااف واش هاذ الغيبة؟؟روحي قراي صفح شحال سقسيت عليك واش خبارك كاش جديد عندك حبيبتي ؟

[أمة الرحمان السلفية]

السلام عليكم
اهلا البنات كيفاش راكم
سهام حنونة انا مانحبش المسكوتشو بصح حبيت نقترح عليك ديري هذو انا مجربتهم وجو روعة
كيكة بالدانيت
كيكة الطبقات راااائعة
مادلان الفراشة

[سمراء]

المشاركة الأصلية كتبت بواسطة سهام فرنسا

البنات حبيت نسقسيكم لي تعرف كاش روسات تاع الموسكوتشو و تكون حاجة مليحة على خاطر جاييني ضياف اول مرة يدخلو لداري
هيا لي تعرف ماتبخلنيش علابالي بلي شاطرات الله يبارك عليكم و كل صبع بصنعة و مالفين ديرو هههه
هيا أكتبولي وش تعرفو ك نروح نكمل تيراميسو و كي ندخل راني نقرا
هيا من بعد إن شاء الله

ربي يسهلك الصاعبة حبيبتي صباح النور واش درتي فيها في كترول تتاعك؟؟شوفي عتدي لغوسات اع كييك لكان عندك لمول تاعك كبير يحتاج 7بيضات ولكان صغير5بيضات دير كاس سكر وفنجال تاع حليت ونصف كاس زيت و2خمارة نوارة ولا لغزدوغ ولفاني و2كيسان اع فرينة ومبعد كطيبلك نتي تحبي تزينيه من فوق أنا نزينو بشكوله أمبصدوغ نذوبها ونطليه بيها ونرشو بالنوتكوكو ا شاء الله تعجبك ودريها ياك تعرفي كفاش تبداي بالبيض طلعيه مليح بالبتور طبعا ومبعد سكر ولحليب ضربي مليح ومبعد زيت ولفاني وفرينة وم تالي دير خمارة تاعك هذي هي ودريها طيب على ار متوسطة طيب محمره مليح وان شاء الله تعجبك حونتي

[أمة الرحمان السلفية]

كيكة الطبقات

[نور اليقين]

المشاركة الأصلية كتبت بواسطة سمراء

وعليكم السلام ورحمة الله وبركاته ياسعدي بالزين جاني نور الياقين توحشتك بزاااااااااف واش هاذ الغيبة؟؟روحي قراي صفح شحال سقسيت عليك واش خبارك كاش جديد عندك حبيبتي ؟

يا الكبدة يسقسي عليك الخير والربح ياك تعرفي قلتلك هاد الايام راه مستعمرني ههههههههههههههههه
نهار الجمعة خدم فالليل ياك قلت نبات نقصر معاكم راح شيخي دار عشاء وعرض عرايسو وصلني التم وقالي انا نبات خدام وانت باتي تم والصباح نجي نديك ياك راح الصباح جاء يروح الدار عطاها برقدة ل12 وجاء الداني وكيجاء كان مصحصح شابع رقاد جا فالميكرو حتى ل1انتاع الليل باه ناض كنت انا نبيع فاللفت هههههههههههه والبارح كيفكيف واليوم هدا وين عيطلو صحيبو باه راني جيت نجري تقول راني نسرق

[أمة الرحمان السلفية]

السلام عليكم اخواتي
جبتلكم اليوم وصفة اكثر من راااائعة جربتها عدة مرات وكانت ناجحة 100في100 ومذاقها لا يقاوم نشكر اختي ام درة على الوصفة الرااااائعة
http://


الكيلة لنستخدمها هي علبة الدانيت فارغة
المقادير
4بيضات،3كيلات سكر،كيلة زيت،2ملاعق كبار كاكاو،علبة دانيت انا استخدمت ذوق كراميل ويمكن تستعملي ذوق الشكولة،1خميرة،3 ونصف كيلة فرينة مغربلة.
القناش:
علبة شكولة من الافضل امباسادور،علبة دانيت
الطريقة:
نخفق البيض جيدا مع السكر نضيف الزيت ثم علبة الدانيت ونخلط ثم نضيف الكاكاو والخميرة والفرينة ونحرك من فوق لتحت ونحطها في مول مدهون بالزبدة ومرشوش بالفرينة ونحطها تطيب في فرن مسخن مسبقا على درجة حرارة180درجة بعدها نخليها تبرد تماما.
منجهة نحط الشكولة على حمام مائي تذوب وبدون اضافة الحليب عليها لما تذوب ننزعها من النار ونضيفلها علبة الدانيت ونحرك ونغطي بها الكيكة ونخليها تنشف شوي ة ونقدمها صدقوني طعمها رهيييييييب




هنا عملتها في مول مختلف

X1kwg85287o0]
هنا زينتها بحبيبات الشكولة
نتمنى تعجبكم وتجربوها
لا تنسوني اخواتي من صالح الدعاء لي ولصاحبة الوصفة

[أمة الرحمان السلفية]

جبتلكم اليوم كيكة باردة بعصير البرتقال ذوقها راااائع وساهلة في التحضير
الطبقة الاولى:


2 بيض،3 م ك سكر،6 م ك عصير برتقال،6 م ك زيت،6 م ك فرينة،1خميرة




بواسطة الخلاط الكهربائي نخلط البيض مع السكر والفاني جيدا ثم نضيف الزيت ونحرك ثم عصير البرتقال واخيرا نضيف الخميرة والفرينة لنكونو غربلناهم ونحرك من فوق لتحت حتى يتجانس الخليط
ندهن المول نتاع الكيك لي يكون يتفتح نحط الخليط




ندخلها تطيب في فرن يكون سخون مسبقا على درجة حرارة180 درجة ونخليها تبرد تماما
انا نزعتها من المول وحطيتها داخل هذا السغكل ولي ما عندهاش تخليها في مول الكيك لي طيبنا فيه لي يتفتح





الطبقة الثانية:
نقوم بتحضير كريم باتسيير ونحتاج الى
نصف لتر حليب، صفار بيضتين،3 م ك سكر،2 م ك نشا،فاني،قطعة زبدة
نسخن الحليب على النار
من جهة نخلط صفار البيض مع النشا والفاني والسكر ونضيفلهم شوية حليب سخون نحرك ونسكب الخليط فوق الحليب حتى يعقد نطفي عليه ونضيف قطعة الزبدة ونحرك وهذا شكلها



نفرغ كريم باتسيير على طبقة الكيكة









نغطيها ونخليها تبرد شوية من بعد ندخلها للثلاجة تبرد تماما
الطبقة الثالثة:
نحتاج الى المكونات التالية
نصف لتر عصير برتقال،3 م ك سكر،2 باكي فلان فاني،2 م ك نشا




هنا نسيت نصور السكر والنشا
ننخلط المقادير ونحطها فوق النار مع التحريك حتى يعقد ونصب فوق طبقة الكريم باتسيير




ندخلها للثلاجة حتى تبرد وتتماسك جيدا بعدها ننزعها من المول
بعدها نزينها حسب الرغبة
انا زينتها بالكيوي والكرز و الكريم شانتي والبرتقال
وهذا شكلها النهائي




هنا كي قطعتها اممممم مع كاس عصير روووووووعة




وهنا عن قرب لاحظو الطبقات يمي يمي

[أمة الرحمان السلفية]

[أمة الرحمان السلفية]