تجمع الجزائريات الغاليات المتأخرات في الحمل ‏

[bassouma]

لبنات رني مسحقية بسومة راني بعتلها في الخاص و مردتش لي تعرف فيسبوك تاعها تقلها تدخل للمنتدى stp راني محتاجتها

[أم نهى الجزائرية]

هااااااااااااه يا لاه يا لبنات شطارو دوكة وحطو التقييم

لايك لايك لايك لايك لايك لايك لايك لايك لايك لايك لايك لايك لايك لايك لايك

[سهام فرنسا]

المشاركة الأصلية كتبت بواسطة bassouma

لبنات رني مسحقية بسومة راني بعتلها في الخاص و مردتش لي تعرف فيسبوك تاعها تقلها تدخل للمنتدى stp راني محتاجتها

راني بعثتلها ميساج في بورطابلها غير ترد راني نقلك

[rayhana05]

المشاركة الأصلية كتبت بواسطة barbi alg

مساء الخير
الله يبارك فيكم حنونات
نور اليقين راها سماتو محمد ميران
اختي خولة الله يعطيها الصبر اختك ويعوضها ان شاء الله
متخافيش راه نديها لولدي يخي معليش قل عليها بعام ههه
ريحانة حنونة ان شاء الله يا رب و ربي يسلك وحلك على خير وعافية وادعيلنا متنسايناش
ام نهى حنونة واش بيه الميكرو تاعك الكامرا حمليها من النت درك تقدري تصوري بيها لكان معرفتيش قوليلي درك نمشيهالك (:
لبنات الزينات الحاضرات واش حوالكم
والغايبات طلو علينا توحشناكم

ان شاء الله ربي اخليك حنونة و انتي ربي احل حزامك ان شاء الله

المشاركة الأصلية كتبت بواسطة أم نهى الجزائرية

تعيشي باربي حنونة

لبنات انا اليوم نهار كامل و انا نبكي حتى تنفخولي لي زونجين

اليوم عجوزتي كلمت اختها قالتلها بلي عروستها راهي حامل الله يبارك عنها 3 اشهر زواج و من بعد بقاو يحكيو علي الي راني توخرت

و انا ماقدرتش نحكم روحي طخت نبكي تخيلو عايلة راجلي كاملين نساهم ولدو و الا راهم بالحمل يخي كاين الي جابو زوج الله يبارك الي زوجو معايا ولا الي زوجو من ورايا كامل ما بقات حتى وحدة غير انا

حتى عجوزتي حست بزاف اليوم قالت كامل عندهم ولاد ولادهم غير انا و قالت لاختها كون حملت من عرسي كون راهو عندي زوج دوكا

و انا سمع فيها تحكي في التلفون و منبعد طاحت تبكي و انا خلاص ماوليت قادرة نحكم روحي بكيت حتى راحلي النفس

حتى خالتو مسكينة بكيناها معانا

ام نهى رانا كامل مرينا بنفس الظرف و واش ربحنا مربحنا والو غير التقلاق و الراس يوجع و العينين يتنفخو و الخناين تسيل
يمالا الواحد اشد في ربي و اخلاص وان شاء الله افرج على كامل المومنين
خليها على ربي

المشاركة الأصلية كتبت بواسطة nourelhouda

ام نهى راكي كي بحالي انا عايلة راجلي ولاد عمو و ولاد خوالو و ولاد عماتو كامل رفدو اللي تزوجو معايا و اللي تزوجو مورايا راهم قريب يجيبو الثاني و انا راني نتفرج و زيد عجوزتي راهي مقنوطة و زاد كمل عليها لوسي اللي عندو عام و شهر زواج و ما رفدتش مرتو واش ديري،،،،،،،،
انا راني بالقنطة اليوم،،،،، صحبتي بنت خالتها نعرفها قولو صحبتي تانيت،،،،راهي بالحمل بتوأم عندها اربعة اشهر و ماقالتليش غير البارح باش قالتلي حتى سقسيتها،،،،، انا عمبالي راهي شهر برك قالتلي اربعة اتخلعت و كي سقسيتها واش عندها قالتلي واقيلا توام،،،،، و من بعد ماشي سور واقيلا توام و من بعد والله بالاك توام و من بعد لالالالا عندها توام،،،،، انا تخلعت و كي بديت نحسبلها لقيت بلي كي تلاقيت بيها اخر مرة كانت بالحمل و ماقالتش اتخيلو،،،، و انا و الله غير فقتلها قولت سبحان الله وجها راه باين بلي راهي حامل بصح ماحبيتش نسقسي قولت لوكان راهي حامل تقولي،،،، زعمة صحبتي،،،،، يا خي دنيا ياخي،،،،،،تقول راح ناكلوهم و الله راني نحلف غير لوكان ربي يرزقني واحد ما يسمع،،،،، اكيد انتم تسمعو على خاطر انتم عمري ،،،،،،،

تقولشي هوما برك رفدو و الا ما نعرف واش
زعما اقلك اخافو على مشاعرنا
ربي يهديهم و خوما خايفين من العين و الحسد

المشاركة الأصلية كتبت بواسطة سمراء

أنا سميرة من عندي 28سنة من ولاية الأغواط متزوجة عندي ربع سنين حملت مرة في عامي لو ل وطاحلي ربي خيرو ورزقو ياسر ربي يحن علينا قاع لمزال محملتش ربي يحل حزامها قولو أأأأأأمين.يا ام نهى ونور الهدى عرفوني برواحكم كما يقولو معرفة الناس كنوز

مرحبا بيك سميرة و معرفت خير ان شاء الله

المشاركة الأصلية كتبت بواسطة asma layal

صباح الخير

ام نهى الله يبارك خدمتك تهبل.....ماشاء الله عليك

سميرة مرحبا بيك معانا في التجمع وربي يرزقك عن قريب ان شاء الله

اسومة وشراكي حنونة
ان شاء الله بخير وو الله غير توحشتك بزاف

[bassouma]

صحيتي سهام ربي يخليك
أم نهى كلش شباب يعطيك الصحة عجبتني طابلة كانو عندنا 3 و رميناهم

[lamia zina]

مساء الخير البنات واش احوالكم ام نهى يعطيك الصحة و الله تستاهلي احسن تقييم و عجبني اكثر شيئ الاحافات يهبلو و المخاد لو ديريهم شوية هابطين باش تقدر العروسة تقعد عليهم و الكادو لي درتيه لاختك اعجبني طريقة تقديمو و القفطان لو حطيتينا صورته كي كملتيه خلاص كصورة مبدئية يبان مليح .واش نقولكم كل صبع بصنعة ما شاء الله .

اهلا بك اخت سمراء على ما اظن عندك طفل و لا لالا

[سمراء]

المشاركة الأصلية كتبت بواسطة lamia zina

مساء الخير البنات واش احوالكم ام نهى يعطيك الصحة و الله تستاهلي احسن تقييم و عجبني اكثر شيئ الاحافات يهبلو و المخاد لو ديريهم شوية هابطين باش تقدر العروسة تقعد عليهم و الكادو لي درتيه لاختك اعجبني طريقة تقديمو و القفطان لو حطيتينا صورته كي كملتيه خلاص كصورة مبدئية يبان مليح .واش نقولكم كل صبع بصنعة ما شاء الله .

اهلا بك اخت سمراء على ما اظن عندك طفل و لا لالا

مرحبا بيك معانا ختي لعزيزة راكي فولتيلي من فمك لأبواب السماء مزال معنديش دراري وربي يسمع منك كمستو يالحراير مجيت نحكمكم حتان عجب فيا النت ويعطيكم الصحة لرحبتو بيا بيناتكم الله لايحرمني من طلتكم

[مريم13]

يعطيك الصحة ام نهى نستعرف بيك

[أم نهى الجزائرية]

تعيشو حنوناتي ربي يخليكم لي و الله غير طلعتولي المورال ههههههههههه كان في الزيرو

اهلين سمورة و ميمي و لامو و لبنات كامل توحشتكم يا الشينونات وين رحتو و خليتو التجمع يصفر هاد ليام ما يغبرفي حتى واحد غير كعبة ولا زوج هههههههههههههههههههه

سمورة مرحبا بيك بيناتنا و ان شاء الله ربي يفتح علينا كاملين عاجلا غير آآآجل

[صبورة]

السلام عليكم لبنات واش راكم يا رب تكونوا كامل بخير و بصحة و عافية