تجمع الجزائريات الغاليات المتأخرات في الحمل ‏

[الشاكرة -لله]

البنات وينراكم
العادة ما نلقاش روحي بالتوانيس ثالمون قاويين الله يبارك
و دوكا ويييييييين

[مريم13]

المشاركة الأصلية كتبت بواسطة basouma26

ريحانة راكي عاد و الله قلنا راكي ولدتي الله يعطيك وقفة ساهلة ان شاء الله و تشوفي وليدك سليم معافى
مريومة راه قطعلي قلبي ينيس قتلك عاونيه بالتيزانة و المساج و الله المساج تشوفيه يخرج العجب من ليقاز انا كنت نديره لبنتي و هاكي تعلمي الطريقة راح ترتاحي و تريحيه ان شاء الله

‫طريقة عمل مساج للبيبي والتخلص وطرد غازات البطن الطفل الرضيع‬‎ - youtube

شكرا حبيبتي راني ندير في هاد الماساج كنت نديري زيت جونسون و ليوم درتو بزيت زيتون دافئ يعطيك الصحة

المشاركة الأصلية كتبت بواسطة bassouma

بسومة طبيب قالي في بلاستك قسيه من هذيك البلاصة ههههههه فمتيني قلي مدة شهر و جبهالي و شهر لي من بعده أنا نحددلك يوم لي تجامعي زوجك قالي مايجامعكش 10 أيام من بعد الدورة يعني أسبوع دورة + 10 أيام باش يلم شوية حيوانات .
سهام ربي يفرحنا كامل و يرزقك عن قريب حبيبة و تجي تفرحينا.
أم نهى شكرا سقسيتي علينا ربي يشافيك و يفرحك إنتي و راجلك عن قريب إن شاء الله

حبيبتي 10 ايام ابتداءا من الدورة ماش 10 بعد اسبوع خاطر يفوتك التبويض هههههههههههه
احسن وقت للجماع حسب تجربتي و حسب ما نصحني دكتوري 12 و 14 و 16 و 18 وادا قدرتو 13
من تاريخ نزول الدورة وماش من تاريخ توقفها
و وكلي راجلك اكلات فيها بصل و ثوم و ديريلو انت خليط العسل الحر و المكسرات وماتشريهش واجد وادا قدر يشرب تاني لاجولي غووايال راهي ضربة ضربة

[الشاكرة -لله]

اهلا مريم وشراكي و البوبون ديالك وشراه انشاء الله يكون ريح من لي غاز

[أمة الرحمان السلفية]

اليوم نحكلكم قصة اخت زوجي عن تاخير الانجاب تزوجت22سنة في عمرها ارجل ربي يهديه كان متزوج قبلها قداش من مرة وكانت سحرتو بنت عمو كانت تحبو وماتزوجش بيها وقلتلهم لازم وحدة ماتقعد عندو مسكينة اخت زوجي ماشفتش الرجل حتي في العقد المدني كي خطبوها ماحبش يجي يجو غير دارهم كي يسقسي شيخي يقللهم وين راه يقلولو رهو مشغول وهو مايحبش يشوف الناس تزوجت وفي سبوع جبها شيخها وعجوزتها وهو لالا بعد شهرين من العرس زد جبها شيخها قعدة يمات وبعد دها شيجي وزوجي وعجوزتي كي وصلو قعدهم وجبولهم قهوة هي شيخها وعجوزتها يموتو عليها دخلت لدار وخرجت تبكي هما تخلعو ويخرج سي خونا ويقللها ركي طالق طالق لا سلاام لاكلاام قعد شيخي يسب فيه قلو ماكش رجل لوكان جيت رجل جي تهدر معيا لمدولها قشها وجبوها وبعد ماطلقت قعدت 13سنة ماتزوجش ويمها درت فيها العجب كي يحكلي زوجي وتحكلي هيا الله مستعان تقول ماشي امها وبعد خطبها وحد من تيزي وزو متت مرتو وعندو سبع اولااد وعندو سرطان في دم وماقللهاش تزوجت وبعد ست شهر مرض ودخلت معه سبيطار حتي مات وزدت ولت لدرهم قعدة وبعد خطبها شيخ في عمر 80سنة وقبلت ورحت وهذ الشيخ مرفه خليا بيه بصح مشحاح تع صح الخضر طعام سميد هو ليجبدلها كل ماتكون ريحا طيب هو ليمدلها قيس قيس وظيف لجي يقعد مقبلو كاش ميكل حاجة زياد انا مرة عندها نفتل معها في طعام وهو يدور وانا بلخيمار قلتلها طبعي الباب باش نكسل رجليا طبعت الباب وبعد عيطلها قللق انا بابي مايتغلقش ولي يحجب مني مايجيش لدري ونا نفتلو في طعام ليه وزعف وبعد غدء قلتلها نكلو وحدنا ايكلش معنا نحشم منو حطتلو هو لول وبعد حنا بدينا نكلو وهو جاب كرسي وقبلني وشوف في طبسي عينه دخلو في طبسي تعي ونشرق وحد الشرقة قريب مت قلتلها ولله مانزيد يالطيف عمر ماشفت رجل مشحاح لهذيك درجة وبعد غلتلي حبات بيض هو دخل وهي رمتهم في زبل قعدة معه 3سنين وهو عندو فيلا في عين طاية وفيلا في عين بسام وفيلا في سورالغزلاان وخير الله يبارك طلبت منو جيب طفلة تربيها ماحبش قللها منين نجبلها الحليب وكوش قلنلها جبيها حنا نشرولها كلش مسكينة حتي هيا لبوند حشكم مايحبش يشرهملها يقللها مازل غير هذيك مادرتلهاش شهرية كي تمرض ميدويهاش كرهت وقتلو نطلق طلقت وقعدة عام وزد خطبها شيخ عندو 10ذكورة و3بنات ثلطاش نوحد كبار زوجي ماحبش وعجوزتي باش تتهنا منها قتلو ماعليهش شيخ جيب منو طفل ولاطفلة وبعد يموت زوجي جبد روحو وهما قبلو جاوخطبوها وتزوجت وبعد كان عمرها 40سنة قتلو اديني لطبيب يشوف بلاك ربي يرزقني وهنا بدات المعناتوشيخ مايحبش طبيب قللها شوفي ختي تديك قتلي مسكينة مع قلت لختو نتشر خبر ولو يحكو غير عليها هي كانت تسكن عند اختو اولادو حلفو فيه قلولو لوكان جيبها نقطعوها طراف طراف ماحبهش يتزوج دتها ختو لطبيب وبعد قللها ديري رديو تع قنوات كي درتو قللها مسدودين ومعوجين مسكينة ومايعطيلهاش درهم باش دوي قلك انا مانخسرش درهمي علي طبيب قاعدةمسكينة تبيع في ذهبها ودوي كي ولات لطبيب قللها ننصحك مادريش العملية ماهيش ناجحة في الجزئر قللها شوفي كشما عجوز تدلكك ودرلك دواء عرب قعدة مسكينة اعوام وبعد لقنا عجوزة في رويبة دوي بالاعشاب دينها ليها انا وزوجي قتلي مسكينة روحي معيا نحشم من خويا دنها خمس مرات المرة اخيرة حلفت وقتلي ولله من هذالمرة مانزيد نروح يلوكان نلقها تمد في ذراري ماشي دوي حلفت وكانت هذيك المرة اخيرة درتلها روطار وكان في عمرها45سنة قلت ريحا تروح عليا ماحبتش دير تاست حللتها قلتلها في خاطري ديريه وهي تحبني بزاف قتلي تي عزيزة الله غلب شرات تاست ودرتو خرجلها خطين وحمدلله قريب متت من الفرحة وجبت طفل سمتو اسامة وذرك رهو يقرى السنة اولى وحمدلله لبنات اسمحولي طولت عليكم وقريب حرقت عشيا ان شاء الله ربي يفتح علينا كاملين امين

[مريم13]

المشاركة الأصلية كتبت بواسطة 20 سنة انتظار

اهلا مريم وشراكي و البوبون ديالك وشراه انشاء الله يكون ريح من لي غاز

الحمد لله على كلش بصح هو مازال بالغازات مي يرتح كي نديرلو ماساج كتر خير بسومة
وانت واش حوالك واش طمعتي في اضراب؟؟ هههههههههههههههههههه

[أمة الرحمان السلفية]

لبنات هذ القصة حقيقية هي اخت زوجي لوكان نحكي عليها منكملش الحمدلله ربي رزقها بطفل منسها ولعقوبة لينا

[أمة الرحمان السلفية]

اهلا وسهلا مريومة كيفاش راكي وكيفاش رهو انيس

[مريم13]

المشاركة الأصلية كتبت بواسطة أمة الرحمان السلفية

لبنات هذ القصة حقيقية هي اخت زوجي لوكان نحكي عليها منكملش الحمدلله ربي رزقها بطفل منسها ولعقوبة لينا

حبيبتي امة الله يرزقك على قد قلبك
صبحان الله

المشاركة الأصلية كتبت بواسطة أمة الرحمان السلفية

اهلا وسهلا مريومة كيفاش راكي وكيفاش رهو انيس

انا لاباس الجرح مازال مفتوح كل يوم يشحروهولي بالعسل هههههههههه في المستشفى مي مانحسش بوجاع خاطر اللحمة طابت نقول الحمد لله على كلش
يانيس المغبون يتعصر مع ليغاز حتى يعرق شعرو يتبل مسكين الحمد لله

[الشاكرة -لله]

الحمد لله بوسيهيلي يا عمرري يهبل ماشاء الله
على فكرة واسمو كيما خويا الصغير لي مهوش صغير ههه عندو 26 سنة
انا الحمد لله اليوم قريت غير 3 سوايع مع الصباح
بصح غدواااا بروقرام شارجي يا يمااااااا
ساعين tp الصباح مع القسم الادبي
و 4 سوايع وعععع لعشيا مع القسم العلمي هههه
ايه طمعت فالاضراب مني صح هههههه

[الشاكرة -لله]

سبحان الله
تعذبت بزاف سلفتك هادي بصح اخرتها جابت اسامة لي رح ينور حياتها انشاء الله ,, ربي يحفظو و يحميه و يرزقنا كاملين