تجمع الجزائريات الغاليات المتأخرات في الحمل ‏

[barbi alg]

امة اختي بالعقل برك
راها نفسيتك تعبانة انا ساعات تصرالي
ربي يرزقك نشالله وتنساي كل لي فات

[أم نهى الجزائرية]

وزيد هاد المشكل كان معقدني بزاف كنت نخمم كون يجي شي واحد يخطبني واش راح نقولو وكيفاه راح يتقبل الامر وماكنتش نحب نخمم في فكرة الرفض من الطرف الاخر و الله غير صدمة كبيرة كنت ليل نهار نخمم في هاد الموضوع و نضل نبكي و قداه من واحد خطبني ورفضت على جال هاد لحكاية وما كنتش متخيلة روحي راح نزوج اصلا و اذا تزوجت ماكنتش نتخيل راح نجيب دراري والله غير شبعت بكا سنين حياتي كامل ووانا نعاني وحدي في صمت

الليل كامل ما نرقدش و انا نطلع و نهبط و كي نشوف بكري وحدة تخطبت وهي فرحانة تغيضني عمري و تهبط الدمعة غير وحدها

لكن الحمد لله ربي بعتلي راجلي و كي قلتلو في الخطبة على الحكاية تفهمها وما حوسش يفهم حتى حاجة قالي قابل بيك كما راكي

و للان راني كون ما ناكلش دوا يصير في حالة

ربي يشفيني و يرفع بلائي يارب و يفرحني بالدرية الطيبة انا وكل محرومة

[الشاكرة -لله]

انا مستعدة نضرب حتى انا راني عييت و ديجا ماحاكماش لي ثارمينال باه نخاف تتروى عليهم
العام لي فات كان اضراب و ما درتش غير على جالهم وحد القسم النهائي كنت نقريهم

[alma021]

اوف واخيرا كملت هدوك الماعن وخملت الكوزينة وجيت ياعمري الحالة راهي زاهية هنا القاطو ولاتاي بعطيك الصحة يا الشاطرة تاعنا امة الرحمان مي واش بيكي حنونة فالاول كنتي هايلة فرغي قلبك احكي ماتخليهاش في خاطرك

[انا و زوجي]

اختي امة الرحمن الله يكون في عونك وان شاء تروح عليك هاديك الغمة وشحال واعرة جربي ديري دوش وخلي الما يسيل فوق راسك وان شاء الله الهموم تروح مع الما الحالة لي راكي فيها كانت تجيني قبل عرسي راني حاسة بيك

[مريم13]

المشاركة الأصلية كتبت بواسطة alma021

اوف واخيرا كملت هدوك الماعن وخملت الكوزينة وجيت ياعمري الحالة راهي زاهية هنا القاطو ولاتاي بعطيك الصحة يا الشاطرة تاعنا امة الرحمان مي واش بيكي حنونة فالاول كنتي هايلة فرغي قلبك احكي ماتخليهاش في خاطرك

صحيتي الفحلة

[أم نهى الجزائرية]

تعيشي اختي نور الهدى راني قريتالرد نتاعكسامحيني كنت مع الارشيف طويل بزاف ربي يبارك

[الشاكرة -لله]

هيا دوكا كيفاه تفرقو بيني و بين نور الهدى
انا عيطولي هدى و هي عيطولها نور ههههههه

[انا و زوجي]

مريم 13 هادا البوبون ربي يحفظوا ولدك انا جديدة وعلى حساب التوقيع نتاعك راكي عادا نفسا ربي
يتربى في عزك وتفرحي بيه

[Nourelhouda]

[QUOTE=مريم13;3603038]صحيتي الفحلة[/]

هههههههه فحلة من الكبار