تجمع الجزائريات الغاليات المتأخرات في الحمل ‏

[صبورة]

المشاركة الأصلية كتبت بواسطة bassouma

صبورة صباح الخير حنونة واش راكي
حبيت نسقسيك لي متتسماش دارتلي 4 أيام روطار و راهي في يومين مقطعتني بالوجع و قطع صغيرة (حشاك) واش هذا.

بسومة

صباح الانوار حبيبتي راني بخير الحمد لله السوال عليك..
عندك اربع ايام روطار و راكي صابرة و مازال ما درتيش التاست...يا رب تكوني حامل ..بزاف بنات تجيهم الام الدورة و يكونوا حوامل...بصح ما فهمتش قطع صغيرة (يعزك)

[bassouma]

لا لا صبورة مبعد 4 أيام روطار نزلت من يومين بصح راهي كاتلتني بالوجع و راهم ينزلو قطع دم

[أم نهى الجزائرية]

لالا ابدا حبيبتي انا ما شفتش الردود ديالهم حتى الي كتبت الرد نتاعي
ههههههههههههههه بلاك اللابتوب ديالي راهو عيان البارح الليل كامل و انا نحوس في السي قوقل كاش ما نلقى اجابات على اسئلتي لكن من غير نتيجة


ربي يحفظكم كامل والله غير فرحتونو كي قبلتوني بيناتكم صعيبة بزاف الوحدة تبقى تخمم وحدها و الشك ذابحها


و الحمد لله ربي بعتكم لي في الوقت المناسب

ان شاء الله تكون فاتحة خير علينا كامل يا رب

[صبورة]

[QUOTE=bassouma;3600314]لا لا صبورة مبعد 4 أيام روطار نزلت من يومين بصح راهي كاتلتني بالوجع و راهم ينزلو قطع دم[/QUOT

بسومة
على بالك فرحت و قلت هادي راهي بالحمل
بصح معليهش غير كاليوم تجي تفرحينا بالحمل انتاعك..و بالنسبة لهادوك القطع الي راهي تهبط عليك ربما تكون بسبب الدم المتحجر لانها ماجاتش في وقتها..حاولي تشربي قرفة او خزامى راهي تنظف مليح الرحم ..ماذا بك تجربي وصفة انتاع بسومة مادام جاتك الدورة..انا راني معولة عليها راني نستنى فيها تجيني و نتوكل على ربي و نديرها...

المشاركة الأصلية كتبت بواسطة أم نهى الجزائرية

لالا ابدا حبيبتي انا ما شفتش الردود ديالهم حتى الي كتبت الرد نتاعي
ههههههههههههههه بلاك اللابتوب ديالي راهو عيان البارح الليل كامل و انا نحوس في السي قوقل كاش ما نلقى اجابات على اسئلتي لكن من غير نتيجة


ربي يحفظكم كامل والله غير فرحتونو كي قبلتوني بيناتكم صعيبة بزاف الوحدة تبقى تخمم وحدها و الشك ذابحها


و الحمد لله ربي بعتكم لي في الوقت المناسب

ان شاء الله تكون فاتحة خير علينا كامل يا رب

ام نهى الجزائرية
و علاه مانقبلوكش معانا راكي وحدة منا..
مزية اللي شفتيهم و تاكدت انهم ردوا عليك الله يبارك جميعهم طيبات..انت كتبي حكايتك بالتفصيل هنا كيما قلتلك و ان شاء الله تلقاي اجابات على تساؤلاتك..

[lamia zina]

مرحبا بك ام نهى معانا و ربي يفتح عليك و كيما قاتلك صبورة واش هو المشكل تاعك باش نقدرو نعاونوك
بسومة شكرا لك على الشرح و البصلة تستعمل ليوم واحد فقط او عدة ايام.

[bassouma]

صبورة إيه راني حاب نجرب خلطة تاع بسومة بصح مي هو عنده الحركة حيوانات ضعيفة كلما نجرب حاجة متنفعنيش بصح الحمد لله على كل حال
أم نهى علاش منقبلوك إحنا كيما قالت صبورة كامل نحبو بعضنا
لمياء واش حوالك حنونة

[صبورة]

المشاركة الأصلية كتبت بواسطة lamia zina

مرحبا بك ام نهى معانا و ربي يفتح عليك و كيما قاتلك صبورة واش هو المشكل تاعك باش نقدرو نعاونوك
بسومة شكرا لك على الشرح و البصلة تستعمل ليوم واحد فقط او عدة ايام.

اهلين لمياء
واش راكي..راني نشوف فيك عولت على الاعشاب كيما انا..اليوم كتبت لراجلي قائمة طويلة على الاعشاب قعد يضحك قالي رجعتي روحك فئران التجارب..نفس السؤال حبيت نسالوا لبسومة شحال من مرة نستعملوا الوصفة و وقتاس نعملوها....

[أم نهى الجزائرية]

تعيشو خياتي ربي يخليكم لي كل وحدة باسمها و الله يبارك التجمع منور بيكم انشاء الله ربي يدوم المحبة بينتنا يا رب

اول شيء انا من غارداية و عندي 3 سنوات وو شهرين و عشرين يوم زواج
ههههههههههههه ماعندي ما ندير باقية غير للايامات نحسب فيهم

المهم لحد الان ما صارش عندي حمل و لا حتى "اجهاض" ههههههههههه الله لا يوريهولي لكن كما يقول المهم تبان ذريتك حتى ولو طياح خخخخخخخخ كلام لعجايز نتاع بكريييييييييييييي"الف و تسعمئة و دزني نطيح مع الدروج " خخخخخخخخ

و من لي تزوجت و انا نجري باه نجيب دراري ولكن للاسف ماكانش نتيجة زوجي عنده ضعف و اناكندي تكيس و الدورة ماشي منظمة

"المهم شكششوكة و خلاص’’’’’’’’’’’’’’" ماخليت حتى دواء ما كليتو لا اعشاب و لا تاع طبيب و درت عند بزاف طبا و لكن بلا فايدة

و في الاخير طلع كل هاد الشي نتيجة سحر و عين كانت عندي من قبل الزواج و زيد بعد الزواج يعني مورايا مورايا حتى نهار نموت

ربي ينتقم من الي كان السبب و بقيت مع الرقية و العلاج و هادي هي النتيجة ديالو,,,,,,,,,,,,,,,



أنا كنت نزلت كما قلتلكم موضوعفي منتدى اعراض الحمل لكن ما لقيتش تجاوب كبير

و هذا هو الموضع ديالي

[أم نهى الجزائرية]

اول شي بدي رحب فيكون كتير وقلكون اني عن جد كتير شتقتلكون

و ان شاء الله تكوونو كلكون بخير و عافيةو يا رب ما يحرم ولا وحدة فينا كلمت ماما
ما بطول عليكون انا صارلي 3 سنوات متزوجة و ما عندي ولاد و طلع المشكل انو عندي سحر و عين الحمد لله قربت كمل علاج الرقية لكن خادم السحر"الي هو الجن الموكل بالسحر" قال اني حامل و اكد ها الشي اكتر من مرة
بس المشكلة اني لما ساويت تحليل حمل طلع سلبي وكمان الهرموني بالرغم اني ها المرة اخدت كلوميد 2حبة في اليوم و دوفاستون بس لما وقفته الدورة ما نزلت و بعد 4 ايام نزل علي دم يومين و وقف يوم ثم يوم و ماعاد شفتو ولما رحت للدكتورة باليوم الي بعدو قالت مافي حمل و شافت متل كيس الجنين بالسونار و قالت هذا دم متكتل و المفروض انه الدم لسا ما راح يوقف بس انا ما نزل علي شي من يومها

و الي محيرني انو هو قال انو الدكتورة ماراح تقدر تشوف اي شي بسبب السحر و انو ها الدم هو السحر الي بالرحم كان ينزل و انو ها الشي الي بالسونار هو الجنين و انها ما عرفت تشوفو منيح

[أم نهى الجزائرية]

كمان في عندي افرازات بيضاء موكتير كثيفة بس كتيرة ساعات حس كانو الدورة نزلت بس ما لاقي غير ها الافرازات يعني رطوبة كتيرة و بوقت الدورة كنت حس بصدري كتير حساس لدرجة ما فيني المسه بس ها الاحساس خف شوي و حاسة بطني كتير كبرانة ها اليومين صارت بارزة
هههههههههههههه اختكون اكيد منها مانكان من قبل عندي كروشة صغيرة بس هلا صارت زايدة اكتر عن قبل

و صارلي 3 ايام عم حس بطعم مالح بتمي كاني اكلة ملح ملازمني طول اليوم