تجمع الجزائريات الغاليات المتأخرات في الحمل ‏

[نور اليقين]

المشاركة الأصلية كتبت بواسطة bassouma

مساء الخير لبنات واش حوالكم
نور اليقين واش راكي لا باس قريتي هذك الخلطة تاع الشيخ إبراهيم رويس تاع سحر الأرحام قالولي قاع لي دارتها ولدت

لباس كمانشوفش العيباد اللي يقلقوني راني في رحمة ربي ما قريتهاش وين راهي بسومة هاتيها رانا ماتخرجوش

[AMAL JADID]

واش راكي نور كاش جديد

انا توحشتكم تانيك كنت بزاف مشغولا

[نور اليقين]

المشاركة الأصلية كتبت بواسطة nourelhouda

اهلا الزينات واش راكم لاباس!؟!؟ انا اليوم جوزتو بالوجعة تاع لالة مولاتي قتلتني و هبطو عليا طراف تاع اللحم ،،،، كرهت و عييت،،،،
واش راكم واش تحكو توحشتكم كاملين بدون استثناء،،،
ريحانة طمنينا واش قالتلك الطبيبة،،،، و على ليكوش عادي انا نعرف وحدة ديرهم كي تجيها الدورة على خاطر قاوية و ملاح يمصو الدم حاشاكم،،،،،،، خير من البوند،،،، انا ندير زوج تاع البوند على خاطر يجوني قاويين،،،، هكذا خير من ندير ديكا ههههههههههه

هههههههههههههههههه بلاك راكي تلقحت البويضة وكان الحمل ضعيف لوكان درتي التاست انا مرة دارتلي تاخير باسبوع وطاحت مني طرف لحم صغير والقطع كقلت للطبيبة قالتلي المرة الجاية تهزيه تعيريه يمكن يكون جنين المهم يبان ياك من هاديك المرة مزادش هبطت هاديك اللحمة خلاص رب يفرحك

[مريم13]

السلام عليكن
اني راح نهبل يزيد شوية نلصق جدو في حيط

[نور اليقين]

المشاركة الأصلية كتبت بواسطة amal jadid

واش راكي نور كاش جديد

انا توحشتكم تانيك كنت بزاف مشغولا

ههههههههههههههههه لجديد راني كما خليتني واش نهي زادو الناس سعرو وعبروووو مي شغالتك مايحكموكش طول طول مرة على مرة ضربي طلة ولو مرة فالاسبوع

[bassouma]

نور اليقين راني دايرتها في موضوعي و لي درو عليا قالولي من شهر أول حملو
نور الهدى متزعفيش خيرها في غيرها أنا تاني محبتش تنزل راهي في 3 روطار طمعنا برك
مريم راه مهبلك مراكيش قاع ترقدي ربي يعينك
أخت أمال واش راكي لاباس

[نور اليقين]

المشاركة الأصلية كتبت بواسطة مريم13

السلام عليكن
اني راح نهبل يزيد شوية نلصق جدو في حيط

هههههههههههههههههههه يويويوي الحمد لله على هادي النعمة قالتلك نلصق فالحيط ياولوحيه في سدرك وغطي عليه اللي تحوسي تلصقيه فالحيط ربي يعيشولك واش بيه ماحبش يسكت راه بيه حاجة ولا واعر

[نور اليقين]

المشاركة الأصلية كتبت بواسطة bassouma

نور اليقين راني دايرتها في موضوعي و لي درو عليا قالولي من شهر أول حملو
نور الهدى متزعفيش خيرها في غيرها أنا تاني محبتش تنزل راهي في 3 روطار طمعنا برك
مريم راه مهبلك مراكيش قاع ترقدي ربي يعينك
أخت أمال واش راكي لاباس

راني نقرا فيها وراني نحوس على اليوتويوب انتاع الوصفة

[Nourelhouda]

المشاركة الأصلية كتبت بواسطة مريم13

السلام عليكن
اني راح نهبل يزيد شوية نلصق جدو في حيط

ايه والله زين عليك تلصقي جدو في الحيط مسيه كون جيتي مرا ،،،، خلي وليدي ،،، راجل بنتي،،، ترونكيل يهبلك و يزيد خليه يدلع و يزيد،،،،و انت عليك خدمتو و الطاعة التامة

[Nourelhouda]

البنات حبيت نسقسيكم تعيشو راه درك دخلت للتواليت حاشاكم و كي غسلت عندي سربيتة نمسح بيها الماء من تحت كي مسحت لقيت افرازات شفافة و مطاطية كيما تاع التبويض سوا سوا بيزار راني تقلقت ،، شكون هبطولها افرازات شفافة مافيها لا دم لا والو،،،،، اول مرة تصرالي هكذا طمنوني تقلقت،،،،